വിവാഹ ശേഷം അരുണിന്‍റെ പിന്തുണയോടെ ദിവ്യ ഉണ്ണി വീണ്ടും ചിലങ്കയണിഞ്ഞു, ചിത്രങ്ങള്‍ വൈറല്‍!

വിവാഹ ശേഷം ചിലങ്കയണിഞ്ഞു

അമേരിക്കയില്‍ സ്ഥിര താമസക്കാരിയായ ദിവ്യ ഉണ്ണി നൃത്തപരിപാടികളുമായി ബന്ധപ്പെട്ട് ഇടയ്ക്കിടയ്ക്ക് കേരളത്തിലേക്ക് എത്താറുണ്ട്. ആറ്റുകാല്‍ പൊങ്കാലയുമായി ബന്ധപ്പെട്ട് താന്‍ നൃത്തം അവതരിപ്പിക്കാനെത്തുന്നുണ്ടെന്നായിരുന്നു താരം അറിയിച്ചത്.

വീണ്ടും ആ ഭാഗ്യം ലഭിച്ചു

സ്ത്രീകളുടെ ശബരിമലയെന്നറിയപ്പെടുന്ന ആറ്റുകാല്‍ ഭഗവതി ക്ഷേത്രത്തില്‍ നൃത്തം അവതരിപ്പിക്കാനുള്ള അവസരം നേരത്തെയും താരത്തിന് ലഭിച്ചിട്ടുണ്ട്. വീണ്ടും ആ ഭാഗ്യം ലഭിച്ചതില്‍ സന്തോഷമുണ്ടെന്നും ദിവ്യ ഉണ്ണി കുറിച്ചിട്ടുണ്ട്.

ചിത്രങ്ങള്‍ പങ്കുവെച്ചു

നൃത്തപരിപാടി കഴിഞ്ഞതിന് ശേഷമുള്ള ചിത്രങ്ങളും താരം ഫേസ്ബുക്ക് പേജിലൂടെ പങ്കുവെച്ചിട്ടുണ്ട്. ദിവ്യ ഉണ്ണിയുടെ ഫേസ്ബുക്ക് പോസ്റ്റ് ഇതിനോടകം തന്നെ സോഷ്യല്‍ മീഡിയയിലൂടെ വൈറലായിട്ടുണ്ട്.

വിവാഹത്തിന്റെ സന്തോഷം പങ്കുവെച്ചിരുന്നു

അടുത്തിടെയാണ് ദിവ്യ ഉണ്ണിയും അരുണ്‍കുമാര്‍ മണികണ്ഠനും വിവാഹിതരായത്. വിവാഹിതയായതിനെക്കുറിച്ചുള്ള സന്തോഷം താരം ഫേസ്ബുക്കിലൂടെ പങ്കുവെച്ചിരുന്നു.

തിരിച്ചുവരവിനായി കാത്തിരിക്കുന്നു

നൃത്തപരിപാടികളില്‍ സജീവമാണെങ്കിലും പ്രേക്ഷകര്‍ ഇന്നും താരത്തിന്റെ സിനിമയിലേക്കുള്ള തിരിച്ചുവരവിനായാണ് കാത്തിരിക്കുന്നത്. നീണ്ട ഇടവേളയ്ക്ക് ശേഷമുള്ള തിരിച്ചുവരവ് കാത്തിരിക്കുകയാണ് ആരാധകര്‍.

ബാലതാരമായി തുടക്കം കുറിച്ചു

നീയെത്ര ധന്യ എന്ന സിനിമയില്‍ ബാലതാരമായാണ് ദിവ്യ ഉണ്ണി സിനിമയില്‍ തുടക്കം കുറിച്ച്. കാര്‍ത്തികയും മുരളിയും നായികനായകന്‍മാരായെത്തിയ ചിത്രമായിരുന്നു അത്.

സിനിമയിലേക്കുള്ള വഴി

ചെറുപ്പം മുതലേയുള്ള നൃത്തപഠനമാണ് സിനിമയിലേക്ക് കടന്നുവരാന്‍ നിമിത്തമായതെന്ന് ദിവ്യ ഉണ്ണി ഒരഭിമുഖത്തിനിടയില്‍ വ്യക്തമാക്കിയിരുന്നു. സിനിമയിലെ തിരക്കുകള്‍ക്കിടയിലും താരം നൃത്തത്തിലും സജീവമായിരുന്നു.

പോസ്റ്റ് കാണൂ

ദിവ്യ ഉണ്ണിയുടെ പോസ്റ്റ് കാണൂ