നിങ്ങള്‍ക്കൊരു സത്യമറിയുമോ.. മഞ്ജുവിന്റെയും കാവ്യയുടെയും ആദ്യ നായകന്‍ ദിലീപല്ല!!

സല്ലാപത്തില്‍

ദിലീപിന്റെ കരിയര്‍ ബ്രേക്കായിരുന്നു സല്ലാപം. മഞ്ജു വാര്യര്‍ നായികയായി അരങ്ങേറിയതും ഈ ചിത്രത്തിലൂടെയാണ്. ഈ ചിത്രത്തിന് ശേഷമാണ് യഥാര്‍ത്ഥ ജീവിതത്തില്‍ ദിലീപും മഞ്ജുവും പ്രണയത്തിലായതും.

മഞ്ജുവും ദിലീപും ഒന്നിച്ചില്ല

എന്നാല്‍ സല്ലാപം എന്ന ചിത്രത്തില്‍ ദിലീപും മഞ്ജു വാര്യരും ഒന്നിയ്ക്കുന്നില്ല. സിനിമയില്‍ ഉടനീളം മഞ്ജുവിന്റെയും ദിലീപിന്റെയും പ്രണയമാണ് കാണിയ്ക്കുന്നത് എങ്കിലും, ഒടുവില്‍ മഞ്ജുവിനെ സ്വന്തമാക്കുന്നത് മനോജ് കെ ജയനാണ്.

ചന്ദ്രനുദിയ്ക്കുന്ന ദിക്കില്‍

ബാലതാരമായി സിനിമയില്‍ എത്തിയ കാവ്യ മാധവന്റെ നായികയായുള്ള അരങ്ങേറ്റമായിരുന്നു ചന്ദ്രനുദിയ്ക്കുന്ന ദിക്കില്‍ എന്ന ചിത്രത്തിലൂടെ. കാവ്യയും ദിലീപും സിനിമയില്‍ ഉടനീളം പ്രണയിച്ചുവെങ്കിലും ദിലീപിന് ഒടുവില്‍ കാവ്യയെ കിട്ടുന്നില്ല.

തലതിരിഞ്ഞുപോയി

ചന്ദ്രനുദിയ്ക്കുന്ന ദിക്കില്‍ എന്ന ചിത്രത്തില്‍ ബിജു മേനോനാണ് കാവ്യയെ വിവാഹം ചെയ്യുന്നത്. സംയുക്ത വര്‍മ്മയാണ് ദിലീപിന്റെ നായികയായെത്തുന്നത്. എന്നാല്‍ യഥാര്‍ത്ഥ ജീവിതത്തില്‍ നേരെ തല തിരിഞ്ഞ് സംഭവിച്ചു. ബിജു മേനോന്‍ സംയുക്തയെയും, ഇപ്പോള്‍ ദിലീപ് കാവ്യയെയും സ്വന്തമാക്കി.