ദുല്‍ഖറിന്‍റെ രാജകുമാരിയുടെ ചിത്രങ്ങള്‍ വൈറലാവുന്നു, മറിയത്തിന്‍റെ ലേറ്റസ്റ്റ് ചിത്രമിതാ!

സോഷ്യല്‍ മീഡിയയിലെ താരമായി മാറി

ദുല്‍ഖറിന്റെയും അമാലിന്റെയും മകളായ മറിയം അമീറ സല്‍മാന്‍ സോഷ്യല്‍ മീഡിയയില്‍ ഏറെ ഡിമാന്‍ഡുള്ള താരപുത്രിയാണ്. ചെന്നൈയിലെത്തിയ താരകുടുംബത്തിന്റെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു.

ഉദ്ഘാടനത്തിനായി എത്തിയത്

ജ്യോതിക, പ്രഭു എന്നിവരോടൊപ്പം ചെന്നൈയിലെ വസ്ത്ര വ്യാപാര സ്ഥാപനം ഉദ്ഘാടനം ചെയ്യാന്‍ ദുല്‍ഖറും എത്തിയിരുന്നു. ദുല്‍ഖറിനൊപ്പം അമാലും മറിയവുമുണ്ടായിരുന്നു. അതിനിടയിലെ ചിത്രങ്ങളാണ് ഇപ്പോള്‍ സോഷ്യല്‍ മീഡിയയിലൂടെ പ്രചരിക്കുന്നത്.

ആദ്യമായി പൊതുപരിപാടിയില്‍

മകളുടെ ജനനശേഷം ആദ്യമായാണ് ദുല്‍ഖര്‍ സകുടുംബം പൊതുപരിപാടിയില്‍ പങ്കെടുക്കാനെത്തിയതെന്നും റിപ്പോര്‍ട്ടുകളുണ്ട്. മറിയമായിരുന്നു പരിപാടിയിലെ മുഖ്യ ആകര്‍ഷണമായി നിറഞ്ഞു നിന്നത്.

മകളുടെ ജനനത്തെക്കുറിച്ച്

കുടുംബത്തിലെത്തിയ കുഞ്ഞു രാജകുമാരിയെക്കുറിച്ച് ദുല്‍ഖര്‍ തന്നെയാണ് സമൂഹ മാധ്യമങ്ങളിലൂടെ ആരാധകരെ അറിയിച്ചത്. ലോകത്തില്‍ വളരെയധികം സന്തോഷമുള്ള പിതാവാണെന്നും താരം കുറിച്ചിരുന്നു.

വ്യാജ ഫോട്ടോ പ്രചരിച്ചു

ദുല്‍ഖര്‍ സല്‍മാന്റെ രാജകുമാരിയാണെന്ന മട്ടില്‍ ഒരു കുഞ്ഞിന്‍രെ ചിത്രം സോഷ്യല്‍ മീഡിയയിലൂടെ പ്രചരിച്ചിരുന്നു. പിന്നീട് വിശദീകരണവുമായി താരം തന്നെ രംഗത്തു വരികയായിരുന്നു.

മകളുടെ ചിത്രം പുറത്തുവിട്ടില്ല

ദുല്‍ഖറിന്റെ കുഞ്ഞുമാലാഖയെ കാണാനുള്ള കാത്തിരിപ്പിലായിരുന്നു ആരാധകര്‍. ഇക്കാര്യത്തെക്കുറിച്ച് താരത്തിനും കൃത്യമായി അറിയാമെങ്കിലും ചിത്രങ്ങള്‍ പുറത്തുവിട്ടിരുന്നില്ല.

നേരത്തെ വൈറലായ ചിത്രം

മകളെ എടുത്ത് നീങ്ങുന്ന ദുല്‍ഖര്‍ സല്‍മാന്റെ ചിത്രം സോഷ്യല്‍ മീഡിയയിലൂടെ വൈറലായിരുന്നു. ഫാന്‍സ് പേജുകളില്‍ വ്യാപകമായി ഷെയര്‍ ചെയ്തിരുന്നു ഈ ചിത്രം.

ആരാധകര്‍ക്ക് സന്തോഷം

നീണ്ട നാളത്തെ കാത്തിരിപ്പിനൊടുവില്‍ മറിയത്തെ കാണാനായതിന്റെ സന്തോഷത്തിലാണ് ദുല്‍ഖര്‍ സല്‍മാന്‍ ആരാധകര്‍. ഇതിനോടകം തന്നെ ചിത്രം സോഷ്യല്‍ മീഡിയയിലൂടെ വൈറലായിക്കഴിഞ്ഞിട്ടുണ്ട്.