ആക്ഷേപ ഹാസ്യമാക്കി, മടിയന്മാരുടെ പുകവലി കഥയുമായി തീവണ്ടി! ഫസ്റ്റ് ലുക്ക് പോസ്റ്റര്‍ തന്നെ കിടുക്കി!

ടൊവിനോയുടെ തീവണ്ടി

ടൊവിനോ തോമസ് നായകനായി അഭിനയിക്കുന്ന തീവണ്ടി എന്ന സിനിമയുടെ ചിത്രീകരണം പുരോഗമിച്ച് കൊണ്ടിരിക്കുകയാണ്. അതിനിടെ സിനിമയില്‍ നിന്നും ഫസ്റ്റ്് ലുക്ക് പോസ്റ്റര്‍ പുറത്ത് വിട്ടിരിക്കുകയാണ്. ദുല്‍ഖര്‍ സല്‍മാനാണ് പോസ്റ്റര്‍ റിലീസ് ചെയ്തത്.

ദുല്‍ഖര്‍ പറയുന്നത്..

ഫെലിനി ഒരു വലിയ സംവിധായകനായി മാറുമെന്നാണ് പോസ്റ്റര്‍ പുറത്ത് വിട്ടപ്പോള്‍ ദുല്‍ഖര്‍ സല്‍മാന്‍ പറയുന്നത്. മുന്‍പ് അദ്ദേഹത്തിനൊപ്പം സെക്കന്‍ഡ് ഷോ എന്ന സിനിമയില്‍ വര്‍ക്ക് ചെയ്തിരുന്നതായിട്ടും ദുല്‍ഖര്‍ പറയുന്നു. ഒപ്പം തീവണ്ടിയിലെ എല്ലാ അണിയറ പ്രവര്‍ത്തകര്‍ക്കും ആശംസകളും അറിയിച്ചിരിക്കുകയാണ്.

ആക്ഷേപ ഹാസ്യം

ഒരു ചെയിന്‍ സ്‌മോക്കറുടെ കഥയാണ് സിനിമയിലൂടെ പറയുന്നത്. മാത്രമല്ല സിനിമയൊരു ആക്ഷേപ ഹാസ്യമായിരിക്കുമെന്ന കാര്യം ടൊവിനോ തന്നെ പറഞ്ഞിരിക്കുകയാണ്. കോമഡിയ്ക്ക് പ്രധാന്യം നല്‍കി തന്നെയാണ് സിനിമ നിര്‍മ്മിക്കുന്നതും.

മറ്റ് കഥാപാത്രങ്ങള്‍

ടൊവിനോയെ കൂടാതെ സിനിമയില്‍ മറ്റ് നിരവധി താരങ്ങളും അണിനിരക്കുന്നുണ്ട്. ചാന്ദിനി ശ്രീധരനാണ് സിനിമയില്‍ നായികയായി അഭിനയിക്കുന്നത്. സുരാജ് വെഞ്ഞാറാംമൂട്, സൈജു കുറുപ്പ്, സുരഭി ലക്ഷമി, എന്നിവരാണ് മറ്റ് കഥാപാത്രങ്ങള്‍.

മടിയന്മാരുടെ കഥ

സിനിമയില്‍ തൊഴില്‍ രഹിതനായ ബിനീഷ് എന്ന കഥാപാത്രത്തെയാണ് ടൊവിനോ അവതരിപ്പിക്കുന്നത്. കോഴിക്കോട്ടെ പയ്യോളിയാണ് സിനിമയുടെ പ്രധാന ലൊക്കേഷന്‍. സെക്കന്‍ഡ് ഷോ, കൂതറ എന്നീ സിനിമകള്‍ക്ക് വിനി വിശ്വലാല്‍ ആണ് തീവണ്ടിയ്ക്കും തിരക്കഥയൊരുക്കിയിരിക്കുന്നത്.

അവസാനമിറങ്ങിയ സിനിമകള്‍

മലയാളത്തിലും തമിഴിലുമായി നിരവധി സിനിമകളിലാണ് ടൊവിനോ അഭിനയിക്കുന്നത്. കഴിഞ്ഞ ഡിസംബറിലെത്തിയ മായനദി സൂപ്പര്‍ ഹിറ്റായിരുന്നു. ഈ വര്‍ഷമിറങ്ങിയ ആമി എന്ന സിനിമയില്‍ പ്രധാന കഥാപാത്രമായി ടൊവിനോയും പ്രത്യക്ഷപ്പെട്ടിരുന്നു.

ടൊവിനോയുടെ തിരക്കുകള്‍

ഈ വര്‍ഷം സിനിമകളുടെ തിരക്കുകളിലാണ് ടൊവിനോ. അഭിയുടെ കഥ അനുവിന്റെയും, ധനുഷിനൊപ്പം തമിഴില്‍ മാരി 2, ഒരു കുപ്രസിദ്ധ പയ്യന്‍ തുടങ്ങി പത്തോളം സിനിമകളാണ് ടൊവിനോയുടെ ഇനി വരാനിരിക്കുന്നത്.