ദുല്‍ഖറിന്റെ കുറുപ്പ് ദുബായില്‍! വേറിട്ട ഗെറ്റപ്പില്‍ കുഞ്ഞിക്ക! വൈറലായി ചിത്രങ്ങള്‍

കുപ്രസിദ്ധ പിടികിട്ടാപ്പുളളി സുകുമാര കുറുപ്പിന്റെ ജീവിതം ആസ്പദമാക്കികൊണ്ടാണ് സിനിമ അണിയിച്ചൊരുക്കുന്നത്. ഇന്‍ഷുറന്‍സ് തുക നേടുന്നതിന് വേണ്ടി തന്നോട് സാദൃശ്യമുളള ചാക്കോ എന്നയാളെ കൊന്ന് മൃതദേഹം കത്തിച്ച് നാട് വിട്ട ആളാണ് സുകുമാര കുറുപ്പ്. ദുല്‍ഖര്‍ സല്‍മാന്റെ കരിയറിലെ എറ്റവും വലിയ ചിത്രം കൂടിയായ കുറുപ്പ് നടന്റെ തന്നെ നിര്‍മ്മാണ കമ്പനിയായ വേ ഫാറര്‍ ഫിലിംസാണ് നിര്‍മ്മിക്കുന്നത്.

ദുല്‍ഖര്‍ ചിത്രത്തിന്റെതായി നേരത്തെ വന്ന ലൊക്കേഷന്‍ ചിത്രങ്ങള്‍ക്കെല്ലാം മികച്ച സ്വീകാര്യതയാണ് സമൂഹ മാധ്യമങ്ങളില്‍ ലഭിച്ചിരുന്നത്. മുടി നീട്ടി വളര്‍ത്തിയും മീശയും ബുള്‍ഗാന്‍ താടിയും വെച്ച് വേറിട്ട ഗെറ്റപ്പിലാണ് ദുല്‍ഖര്‍ സല്‍മാന്‍ ചിത്രത്തില്‍ എത്തുന്നത്. കേരളത്തില്‍ ചിത്രീകരിച്ച ആദ്യ ഷെഡ്യൂളിന് ശേഷം അഹമ്മദാബാദിലായിരുന്നു കുറുപ്പിന്റെ രണ്ടാം ഷെഡ്യൂള്‍ നടന്നത്.

ഇപ്പോഴിതാ കുറുപ്പിന്റെ ഷൂട്ടിംഗ് യുഎഇയിലും നടക്കുന്നതായി പുതിയ റിപ്പോര്‍ട്ടുകള്‍ വന്നിരിക്കുകയാണ്. സിനിമയുടെ ലൊക്കേഷനില്‍ നിന്നുളള പുതിയ ചിത്രങ്ങള്‍ സമൂഹമാധ്യമങ്ങളില്‍ പുറത്തിറങ്ങിയിരുന്നു. വേറിട്ട ഗെറ്റപ്പിലുളള ദുല്‍ഖര്‍ സല്‍മാന്റെ എറ്റവും പുതിയ ചിത്രങ്ങള്‍ തന്നെയാണ് സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്. ദുല്‍ഖറിനൊപ്പം ഇന്ദ്രജിത്ത് സുകുമാരന്‍, സണ്ണി വെയ്ന്‍, ടൊവിനോ തോമസ്, ഷൈന്‍ ടോം ചാക്കോ തുടങ്ങിയവരും സിനമയില്‍ മറ്റ് കഥാപാത്രങ്ങളായി എത്തുന്നു.

അന്ന് എന്നെ സ്‌ക്രീനില്‍ കണ്ടപ്പോള്‍ അവര്‍ കൂവി,ഇന്ത്യന്‍ റുപ്പി ഇറങ്ങിയ സമയത്തെ അനുഭവം പറഞ്ഞ് പൃഥി

നിവിന്‍ പോളിയുടെ മൂത്തോനിലൂടെ ശ്രദ്ധേയയായ ശോഭിത ധുലിപാലയാണ് ചിത്രത്തില്‍ നായികയായി എത്തുന്നത്. നിമിഷ് രവി ഛായാഗ്രഹണം നിര്‍വ്വഹിക്കുന്ന ചിത്രത്തിന് സുശിന്‍ ശ്യാം സംഗീതമൊരുക്കുന്നു. കുറുപ്പിന് പുറമെ അനൂപ് സത്യന്‍ സംവിധാനം ചെയ്യുന്ന ചിത്രവും ദുല്‍ഖറിന്റെതായി അണിയറയില്‍ ഒരുങ്ങുന്നു. ഒപ്പം തന്നെ ജോയ് മാത്യു സംവിധാനം ചെയ്യുന്ന പുതിയ ചിത്രത്തിലും നടന്‍ എത്തുമെന്ന് പുതിയ റിപ്പോര്‍ട്ടുകളുണ്ടായിരുന്നു.

കേരളത്തിലെ 400 തിയ്യേറ്ററുകളില്‍ മാമാങ്ക മഹോത്സവം! തമിഴ്,തെലുങ്ക് പതിപ്പുകള്‍ തിരുവനന്തപുരത്തും