Click it and Unblock the Notifications
35 കോടി മുതല്മുടക്കില് ദുല്ഖറിന്റെ കുറുപ്പ്! തരംഗമായി സെക്കന്ഡ് ലുക്ക് പോസ്റ്റര്
ദുല്ഖര് സല്മാന്റെതായി അണിയറയില് ഒരുങ്ങുന്ന എറ്റവും പുതിയ ചിത്രമാണ് കുറുപ്പ്. അരങ്ങേറ്റ ചിത്രമായ സെക്കന്ഡ് ഷോയ്ക്ക് ശേഷം ദുല്ഖറും സംവിധായകന് ശ്രീനാഥ് രാജേന്ദ്രനും ഒന്നിക്കുന്ന സിനിമ കൂടിയാണിത്. കുറുപ്പിന്റെ സെക്കന്ഡ് ലുക്ക് പോസ്റ്റര് സോഷ്യല് മീഡിയയില് പുറത്തിറങ്ങിയിരുന്നു. പെരുന്നാള് ദിനത്തില് തന്റെ ഫേസ്ബുക്ക് പേജിലൂടെയാണ് ദുല്ഖര് പോസ്റ്റര് പങ്കുവെച്ചിരിക്കുന്നത്.
ദുല്ഖര് സല്മാന്റെ കരിയറിലെ തന്നെ ഏറ്റവും വലിയ ബഡ്ജറ്റില് ഒരുങ്ങുന്ന ചിത്രത്തിന്റെ മുടക്കുമുതല് 35 കോടിയാണ്. നടന്റെ ഉടമസ്ഥതയിലുള്ള വേഫറെര് ഫിലിംസും എം സ്റ്റാര് എന്റര്ടൈന്മെന്റ്സും ചേര്ന്നാണ് നിര്മ്മാണം. കേരളം, അഹമ്മദാബാദ്, ബോംബെ, ദുബായ്, മാംഗ്ളൂര്, മൈസൂര് എന്നിവിടങ്ങളിലായി ആറു മാസം നീണ്ടുനിന്ന ചിത്രീകരണമാണ് കുറുപ്പിന് വേണ്ടി നടത്തിയത്.
105 ദിവസങ്ങള് പൂര്ണമായും ഷൂട്ടിങ്ങിനായി ചിലവഴിച്ചു. കേരളത്തിലെ കുപ്രസിദ്ധ പിടികിട്ടാപ്പുള്ളി സുകുമാരക്കുറുപ്പിന്റെ ജീവിതത്തെ ആസ്പദമാക്കി ഒരുക്കുന്ന ചിത്രത്തിന്റെ ഡബ്ബിങ് പൂര്ത്തിയായി. പെരുന്നാള് റിലീസായി തയ്യാറെടുത്ത ചിത്രം കോവിഡ് 19 പടര്ന്ന് പിടിക്കുന്ന സാഹചര്യത്തില് ലോക്ക് ഡൗണ് പ്രഖ്യാപിച്ചതിനെ തുടര്ന്ന് നീണ്ടു പോയിരിക്കുകയാണ്.
ജിതിന് കെ ജോസ് കഥ ഒരുക്കിയിരിക്കുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേല് സായൂജ് നായരും കെ എസ് അരവിന്ദും ചേര്ന്നാണ്. നിമിഷ് രവി ഛായാഗ്രഹണവും സുഷിന് ശ്യാം സംഗീത സംവിധാനവും നിര്വഹിക്കുന്നു. ക്രീയേറ്റീവ് ഡയറക്ടറായി വിനി വിശ്വലാലും കുറുപ്പിന് പിന്നിലുണ്ട്.
കമ്മാരസംഭവത്തിലൂടെ മികച്ച പ്രൊഡക്ഷന് ഡിസൈനുള്ള ദേശീയ അവാര്ഡ് കരസ്ഥമാക്കിയ ബംഗ്ലാനാണ് ചിത്രത്തിന്റെ പ്രൊഡക്ഷന് ഡിസൈനര്. മറ്റൊരു ദേശീയ അവാര്ഡ് ജേതാവായ വിവേക് ഹര്ഷനാണ് എഡിറ്റിംഗ് നിര്വഹിക്കുന്നത്. മൂത്തോന് എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ശോഭിത ധുലിപാലയാണ് ചിത്രത്തിലെ നായിക.
ഇവരെ കൂടാതെ ഇന്ദ്രജിത് സുകുമാരന്, സണ്ണി വെയ്ന്, ഷൈന് ടോം ചാക്കോ, വിജയരാഘവന്, പി ബാലചന്ദ്രന്, സുരഭി ലക്ഷ്മി, ശിവജിത് പദ്മനാഭന് തുടങ്ങിയവരും ചിത്രത്തില് അഭിനയിക്കുന്നുണ്ട്. ചീഫ് അസ്സോസിയേറ്റ് ഡയറക്ടര് - പ്രവീണ് ചന്ദ്രന്, സൗണ്ട് ഡിസൈന് - വിഘ്നേഷ് കിഷന് രജീഷ്, മേക്കപ്പ് - റോനെക്സ് സേവ്യര്, കോസ്റ്റ്യൂംസ് - പ്രവീണ് വര്മ്മ, പ്രൊഡക്ഷന് കണ്ട്രോളര് - ദീപക് പരമേശ്വരന്, പി ആര് ഒ - ആതിര ദില്ജിത്, സ്റ്റില്സ് - ഷുഹൈബ് ടആഗ, പോസ്റ്റര് ഡിസൈന് - ആനന്ദ് രാജേന്ദ്രന്.
Continue with Google