ബോക്‌സിങ്ങ് ചെയ്യുന്ന പോലെയാണ്, ഡാന്‍സിന്റെ പേരില്‍ ഏറെ പഴി കേട്ടിട്ടുണ്ടെന്ന് ദുല്‍ഖര്‍ സല്‍മാന്‍

ഡാന്‍സിന്റെ പേരില്‍ പഴി കേട്ടിട്ടുണ്ട്

താന്‍ ഡാന്‍സ് ചെയ്യുന്നതിനെക്കുറിച്ച് കുട്ടിക്കാലം മുതലേ ഒരുപാട് പഴി കേട്ടിട്ടുണ്ടെന്ന് ദുല്‍ഖര്‍ പറഞ്ഞു. മനോരമയ്ക്ക് നല്‍കിയ അഭിമുഖത്തിലാണ് താരം പഴയ കാര്യങ്ങള്‍ പങ്കുവെച്ചത്. സുഹൃത്തുക്കള്‍ക്കാര്‍ക്കും തന്റെ ഡാന്‍സിനെക്കുറിച്ച് നല്ല അഭിപ്രായമില്ല.

ബോക്‌സിങ്ങ് ചെയ്യും പോലെ ഡാന്‍സ്

ബോക്‌സിങ്ങ് ചെയ്യും പോലെയാണ് താന്‍ ഡാന്‍സ് ചെയ്യുന്നതെന്നും പറഞ്ഞ് സുഹൃത്തുക്കള്‍ കളിയാക്കാറുണ്ട്. എന്നാല്‍ താന്‍ അതൊന്നും വകവെയ്ക്കാറില്ല. തനിക്ക് കഴിയുന്നതുപോലെ കളിക്കും.

ഹൃതിക് റോഷനാകാന്‍ പോകുന്നില്ല

തന്നെക്കൊണ്ടാവുന്നതു പോലെ താന്‍ ഡാന്‍സ് ചെയ്യും. എന്തായാലും കളിച്ചു കളിച്ച് ഹൃതിക് റോഷന്‍ ആവാനൊന്നും പോവില്ലെന്ന നിലപാടിലാണ് താരം. ഡാന്‍സിന്റെ പേരില്‍ പഴി കേള്‍ക്കേണ്ടി വന്നിട്ടില്ലാത്ത താരമാണ് ദുല്‍ഖര്‍ സല്‍മാന്‍.

പാട്ടുമാത്രം അറിയാം

ചെന്നൈയില്‍ താമസിക്കുന്ന കാലത്ത് അവിടത്തെ കുട്ടികള്‍ ഡാന്‍സ് ചെയ്യുന്നതു കണ്ട് അന്തിച്ചു പോയിട്ടുണ്ട്. അന്നൊക്കെ ഇംഗ്ലീഷ് പാട്ടുകള്‍ക്കൊപ്പമാണ് ഡാന്‍സ് ചെയ്തിരുന്നത്. പാട്ടുകാരുടെ പേരോ ആല്‍ബത്തിന്റെ പേരോ ഒന്നും ഓര്‍ത്തു വെക്കില്ലെങ്കിലും പാട്ട് മാത്രം താന്‍ ഓര്‍ത്തുവെക്കാറുണ്ടെന്ന് ദുല്‍ഖര്‍ പറഞ്ഞു.