അമല്‍ നീരദ് ചിത്രത്തിനായി ദുല്‍ഖര്‍ മെക്‌സിക്കോയില്‍; ചിത്രങ്ങള്‍ വൈറലാവുന്നു

പേരിടാത്ത ചിത്രം

ദുല്‍ഖര്‍ നായകനാകുന്ന അമല്‍ നീരദ് ചിത്രത്തിന് ഇതുവരെയും പേരിട്ടിട്ടില്ല. ചിത്രത്തിന്റെ ആദ്യ ഷെഡ്യൂള്‍ കോട്ടയത്ത് പൂര്‍ത്തിയായിരുന്നു. പാവാടയുടെ തിരക്കഥാകൃത്തായ ഷിബിന്‍ ഫ്രാന്‍സിസാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അമല്‍ നീരദിന്റെ അസോസിയേറ്റായ രണദിവെയാണ് ക്യാമറ കൈകാര്യം ചെയ്യുന്നത്. ദുല്‍ഖറിന്റെ നായികയാവുന്നത് കാര്‍ത്തിക മുരളീധരനാണ്.

സാധാരണക്കാരന്റെ വേഷം

പാലായില്‍ ജനിച്ച് വളര്‍ന്ന അജിമാത്യുവായാണ് ഡിക്യു ചിത്രത്തില്‍ പ്രത്യക്ഷപ്പെടുന്നത്. എന്നാല്‍ സെക്കന്‍ഡ് ഹാഫില്‍ അജി മാത്യുവിന്റെ മേക്ക് ഓവറുണ്ടെന്നാണ് ചിത്രത്തിന്റെ അണിയറ പ്രവര്‍ത്തകര്‍ വ്യക്തമാക്കിയിട്ടുള്ളത്.

ക്രിസ്മസിന് ജോമോന്‍ തിയേറ്ററുകളിലെത്തും

സത്യന്‍ അന്തിക്കാട് ചിത്രമായ ജോമോന്റെ സുവിശേഷം ക്രിസ്മസിന് റിലീസ് ചെയ്യും. കമ്മട്ടിപ്പാടത്തിന് ശേഷം ദുല്‍ഖര്‍ നായക വേഷത്തിലെത്തുന്ന ചിത്രമാണിത്. ഇക്ബാല്‍ കുറ്റിപ്പുറമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. അനുപമാ പരമേശ്വരനം ഐശ്വര്യ രാജേഷുമാണ് ചിത്രത്തിലെ നായികമാര്‍.

കൈനിറയെ ചിത്രങ്ങള്‍

അമല്‍ നീരദ് ചിത്രത്തിന് ശേഷം ലാല്‍ ജോസ് സംവിധാനം ചെയ്യുന്ന ഒരുഭയങ്കര കാമുകനിലാണ് ഡിക്യൂ അഭിനയിക്കുക. പ്രശസ്ത കഥാകൃത്തായ ഉണ്ണി ആര്‍ ആണ് ചിത്രത്തിന്റെ കഥയും തിരക്കഥയും ഒരുക്കുന്നത്. ചാര്‍ലിയുടെ നിര്‍മാതാവായ ഷെബിന്‍ ബെക്കറാണ് ചിത്രത്തിന്റെ നിര്‍മാതാവ്.