For Quick Alerts
    ALLOW NOTIFICATIONS  
    For Daily Alerts

    ദുല്‍ഖറിനുമുണ്ട് 10ലക്ഷം പേരുടെ പിന്തുണ

    By Aswathi
    |

    തനിക്ക് മുന്നെ വന്നവരെ പിന്തള്ളി ദുല്‍ഖര്‍ സല്‍മാനും യാത്ര തുടരുകയാണ്. സൂപ്പര്‍സ്റ്റാറുകളായ മമ്മൂട്ടിക്കും മോഹന്‍ലാലിനും ശേഷം നസ്‌റിയ പിടിച്ച ഫേസ്ബുക്കിലെ ലൈക്ക് കോളത്തില്‍ അടുത്തത് ദുല്‍ഖറാണ്. മൂവര്‍ക്കു പിന്നാലെ ദുല്‍ഖറിനും ഫേസ്ബുക്കില്‍ 10 ലക്ഷമാണ് ലൈക്ക്.

    ലൈക്കുകളുടെ കാര്യത്തില്‍ മോഹന്‍ലാല്‍- മമ്മൂട്ടി ഫാന്‍സുകള്‍ മത്സരിക്കുന്ന അവസരത്തിലാണ് യുവനായിക നസ്‌റിയയുടെ വരവ്. പിന്നെ അതൊരു ത്രികോണ മത്സരമായി. മമ്മൂക്കയ്ക്ക് പതിനൊന്ന് ലക്ഷവും ലാലേട്ടന് 13 ലക്ഷവും ലൈക്കുകള്‍ കിട്ടിയപ്പോള്‍ നസ്‌റിയ സ്വന്തമാക്കിയത് 19 ലക്ഷമാണ്. ദുല്‍ഖറിനെയും ആ നിരയിലെത്തിക്കാനാണ് ഫാന്‍സിന്റെ ശ്രമം.

    Dulquar Salman's Facebook

    നവാഗതനായ ശ്രീനാഥ് രാജേന്ദ്രന്‍ സംവിധാനം ചെയ്ത സെക്കന്റ്‌ഷോ എന്ന ചിത്രത്തിലൂടെയാണ് ജൂനിയര്‍ മമ്മൂട്ടിയുടെ അരങ്ങേറ്റ. ആദ്യ ചിത്രത്തിലൂടെ തന്നെ ദുല്‍ഖര്‍ തന്റെ സ്ഥാനം കണ്ടെത്തി. പിന്നീട് ഏറ്റെടുത്ത ചിത്രങ്ങളെല്ലാം വിജയങ്ങളാക്കിയ ദുല്‍ഖര്‍ ഉസ്താദ് ഹോട്ടലിലൂടെ പ്രേക്ഷകര്‍ക്ക് പ്രിയപ്പെട്ടവനായി.

    മറ്റ് യുവതാരങ്ങളെ അപേക്ഷിച്ച് ഫേസ്ബുക്ക്, ട്വിറ്റര്‍ പോലുള്ള സോഷ്യല്‍ നെറ്റ് വര്‍ക്ക് മീഡിയകളില്‍ സജീവമായ ദുല്‍ഖര്‍ തന്റെ പുതിയ ചിത്രങ്ങളുടെ വിശേഷങ്ങള്‍ കൂട്ടുകാരമായി എന്നും സംവദിക്കാറുണ്ട്. സലാല മൊബൈല്‍സാണ് ദുല്‍ഖറിന്റെ പുതിയ ചിത്രം. നസ്‌റിയ നസീമാണ് നായിക.

    English summary
    Young actor Dulquar Salman cross 10 lack likes on facebook fans page.
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X