ലാലേട്ടനൊപ്പമുളള അഭിനയം കണ്ടപ്പോള്‍ അദ്ദേഹത്തിനൊപ്പം അഭിനയിക്കാന്‍ മാത്രം ഞാനായിട്ടുണ്ടോ എന്ന് തോന്നി; ദുര്‍ഗ

അതേസമയം റാമില്‍ മോഹന്‍ലാലിനൊപ്പം അഭിനയിച്ച അനുഭവം ദുര്‍ഗ കൃഷ്ണ പങ്കുവെച്ചിരുന്നു. ദി ക്യൂവിന് നല്‍കിയ അഭിമുഖത്തിലാണ് സൂപ്പര്‍ താരത്തെ കുറിച്ച് നടി മനസുതുറന്നത്. റാമില്‍ അഭിനയിക്കുന്നതിന്‌റെ തലേദിവസം എനിക്ക് നല്ല ഭയമുണ്ടായിരുന്നു എന്ന് നടി പറയുന്നു. ലാലേട്ടനൊപ്പം സിനിമ ചെയ്യാന്‍ അവസരം കിട്ടിയപ്പോള്‍ ഭയങ്കര സന്തോഷവും ആകാംക്ഷയും ആയിരുന്നു.

സാധാരണ ഞാന്‍ ലാലേട്ടനെ കണ്ടാല്‍ അങ്ങനെ നോക്കി ഇരുന്നുപോകാറുണ്ട്. ഇപ്പോള്‍ ഒരുപാട് തവണ ലാലേട്ടനെ കണ്ടിട്ടുണ്ട്. അടുത്ത സൗഹൃദവുമുണ്ട്. ഏട്ടന്‍ അനിയത്തി എന്നുളള പോലെ ആയി. എങ്കിലും ലാലേട്ടന്‍ ഇപ്പോ അടുത്തുവന്ന് നിന്നാലും ഞാന്‍ വെറുതെ നോക്കിനില്‍ക്കും. ദുര്‍ഗ പറയുന്നു. അഭിനയിക്കുന്നതിന്‌റെ തലേദിവസം എനിക്ക് നല്ല ഭയമുണ്ടായിരുന്നു.

ഇനി ഷൂട്ടിനിടയില്‍ ഞാന്‍ ലാലേട്ടനെ ഇതുപോലെ നോക്കി നിന്നുപോകുമോ എന്ന്. ഞാനെങ്ങനെ അഭിനയിക്കും എനിക്ക് കഥാപാത്രമാകാന്‍ പറ്റുമോ എന്നൊക്കെ. എന്റെ സുഹൃത്തുക്കളോട് ഞാനത് സൂചിപ്പിക്കുകയും ചെയ്തിരുന്നു. പക്ഷേ ചിത്രീകരണ് സമയത്ത് വിചാരിച്ച പോലെ കുഴപ്പമൊന്നും ഉണ്ടായില്ല. ദുര്‍ഗ കൃഷ്ണ പറഞ്ഞു.

അതേസമയം ലാലേട്ടനൊരു എന്‍സൈക്ലോപീഡിയ ആണെന്നും നടി പറയുന്നു. അദ്ദേഹത്തിന്‌റെ കൈയ്യില്‍ നിന്നും കുറയെറേ പഠിക്കാനുണ്ട്. ഒരു സിനിമാ സെറ്റില്‍ ലൈറ്റ് പിടിക്കുന്ന ആളുകള്‍ തൊട്ട് ഭക്ഷണം തരുന്നവരോട് വരെ ലാലേട്ടന്‍ എങ്ങനെ പെരുമാറുന്നു, ഓരോ ഷോട്ടിനും എത്തുന്ന ടൈമിംഗ് അങ്ങനെ ഒരുപാട് കാര്യങ്ങള്‍ നമുക്ക് നോക്കി പഠിക്കാനുണ്ട്. സിനിമ കഴിഞ്ഞ് ഡബ്ബിംഗ് സമയത്ത് ഏട്ടനൊപ്പമുളള എന്റെ അഭിനയം കണ്ടപ്പോള്‍ എനിക്ക് തോന്നിയിട്ടുണ്ട് ഏട്ടന്റെ ഒപ്പം അഭിനയിക്കാന്‍ മാത്രം ഞാനായിട്ടുണ്ടോ എന്ന്. ദുര്‍ഗ കൃഷ്ണ അഭിമുഖത്തില്‍ പറഞ്ഞു.