അബിയുടെ മകന്‍ വീണ്ടും, പ്രണയിച്ച് കരയിപ്പിക്കാനുള്ള വരവാണോ...?

കിസ്മത്ത് പോലെ

ഷെയിന്‍ പ്രണയിച്ച് പ്രേക്ഷകരെ കരയിപ്പിച്ച ചിത്രമാണ് കിസ്മത്ത്. ഏറെ കുറേ അത് പോലൊരു പ്രണയവും വിരഹവും വേദനയും ഈട എന്ന ചിത്രത്തിലും കാണാന്‍ സാധിക്കുമെന്ന് ട്രെയിലര്‍ കാണുമ്പോള്‍ തോന്നുന്നു.

ഷെയിന്‍ നിഗം

ലുക്ക് കൊണ്ട് തന്നെ വ്യത്യസ്തമാണ് ഷെയിന്‍ നിഗത്തിന്റെ കഥാപാത്രം. കണ്ണൂര്‍ ഭാഷയും വളരെ അനായാസം ഷെയിന്‍ കൈകാര്യം ചെയ്യുന്നു. ആനന്ദ് എന്നാണ് കഥാപാത്രത്തിന്റെ പേര്.

നിമിഷ സജയന്‍

തൊണ്ടിമുതലും ദൃക്‌സാക്ഷിയും എന്ന ചിത്രത്തിലൂടെ അഭിനയാരങ്ങേറ്റം കുറിച്ച നിമിഷ സജയനാണ് ചിത്രത്തിലെ നായികയായെത്തുന്നത്. ഷെയിനിനൊപ്പം മികച്ച അഭിനയമാണ് നിമിഷയുടേതുമെന്ന് ട്രെയിലറില്‍ നിന്നും വ്യക്തം.

മറ്റ് താരങ്ങള്‍.

മണികണ്ഠന്‍ ആചാരി, അലന്‍സിയര്‍, സുരഭി ലക്ഷ്മി, തുടങ്ങിയവരും ചിത്രത്തിലെ മറ്റ് കേന്ദ്ര കഥാപാത്രങ്ങളായി എത്തുന്നു. അലന്‍സിയര്‍ വളരെ വ്യത്യസ്തമായ ലുക്കിലാണ് ഈടയില്‍ അഭിനയിക്കുന്നത്

ഈടയ്ക്ക് പിന്നില്‍

കമ്മട്ടി പാടത്തിന്റെ എഡിറ്ററായ ബി അജിത് കുമാറാണ് ഈട എഴുതി സംവിധാനം ചെയ്യുന്നത്. അജിത് കുമാര്‍ തന്നെയാണ് ഈടയുടെ എഡിറ്റിങും നിര്‍വ്വഹിയ്ക്കുന്നത്. എല്‍ജെ ഫിലിംസ് അവതരിപ്പിയ്ക്കുന്ന ചിത്രം ഷര്‍മിള രാജാണ് നിര്‍മിയ്ക്കുന്നത്.

ട്രെയിലര്‍

ഇനി ഈടയുടെ ട്രെയിലര്‍ കാണാം. ഇവിടെ എന്നതിന്റെ കണ്ണൂര്‍ സ്ലാങ് ആണ് ഈട. ഈ സിനിമ ഒരു സംഭവമായിരിയ്ക്കും എന്ന് ട്രെയിലര്‍ കണ്ടാല്‍ വ്യക്തമാകും