Don't Miss!
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Lifestyle പതിനഞ്ച് ദിവസം വരെ പഴം ഫ്രഷ് ആയിരിക്കും, തൊലി കറുക്കില്ല; ഇതൊന്ന് പരീക്ഷിച്ചു നോക്കൂ
- Automobiles റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ അഭ്യാസം; നടപടി പിന്നാലെ വരും
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- News ഇഡി കെജ്രിവാളിന്റെ ഫോൺ ആവശ്യപ്പെടുന്നത് എഎപിയുടെ തിരഞ്ഞെടുപ്പ് തന്ത്രമറിയാൻ; അതിഷി
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
അയ്യര് ഇന് പാകിസ്താന് ഫഹദിന് തലവേദനയാകുന്നു!
കാരറില് ഒപ്പിടുകയും പിന്നീട് പിന്മാറുകയും ചെയ്ത അയ്യര് ഇന് പാകിസ്താന് എന്ന ചിത്രം ഫഹദിന് തലവേദനയായി മാറുന്നു. ഈ ചിത്രത്തില് നിന്നും പിന്മാറുകയും സംവിധായകന് നല്കിയ വാക്ക് പാലിക്കാതിരിക്കുകയും ചെയ്ത ഫഹദിനെ ഇപ്പോള് ഫിലിം ചേംബര് വിമര്ശിച്ചിരിക്കുകയാണ്.
കരാറൊപ്പിട്ട് ഫോട്ടോഷൂട്ടും കഴിഞ്ഞശേഷമായിരുന്നു കഥയില് അതൃപ്തിയറിയിച്ചുകൊണ്ട് ഫഹദ് ഫാസില് സംവിധായകന് ഫലസിന്റെ ചിത്രത്തില് നിന്നും പിന്മാറിയത്. അന്ന് പുതിയ കഥയുണ്ടെങ്കില് അഭിനയിക്കാമെന്നായിരുന്നു ഫഹദ് സംവിധായകനോട് പറഞ്ഞിരുന്നത്. എന്നാല് ഫസല് പുതിയ കഥയുമായി ചെന്നിട്ടും താരം അഭിനയിക്കാന് കൂട്ടാക്കിയില്ലത്രേ. ഇതെത്തുടര്ന്ന് നിവൃത്തിയില്ലാത്ത ചിത്രത്തിന്റെ നിര്മ്മാതാവ് അരോമ മണി പ്രൊഡ്യൂസേഴ്സ് അസോസിയേഷനിലും ഫിലിം ചേംബറിലും പരാതി നല്കി.
അന്വര് റഷീദിന്റെ ചിത്രത്തില് അഭിനയിച്ചതിന് ശേഷം ഫഹദ് ഫസലിന്റെ ചിത്രത്തില് അഭിനയിക്കണമെന്ന് ചേംബര് ആവശ്യപ്പെട്ടിരിക്കുകയാണ്. അങ്ങനെ ചെയ്തില്ലെങ്കില് ഫഹദിന്റെ ചിത്രങ്ങളുടെ റിലീസും ഷൂട്ടിങും തടയുമെന്നാണ് ചേംബര് യോഗത്തില് തീരുമാനിച്ചിരിക്കുന്നത്. ഇക്കാര്യം ഫഹദിനെ അറിയിച്ചിട്ടുണ്ടെന്നും ചേംബര് അംഗങ്ങള് പറയുന്നു.
അയ്യര് ഇന് പാകിസ്താന് എന്ന ചിത്രത്തില് ജഗതിശ്രീകുമാറിന്റെ മകള് ശ്രീലക്ഷ്മിയെയാണ് നായികയായി തീരുമാനിച്ചിരുന്നത്. എന്നാല് ചേംബറിന്റെ നിര്ദ്ദേശം അനുസരിച്ച് ഫഹദ് ഇനി അഭിനയിക്കുക ഇതേ ചിത്രത്തിലാണോ അതോ ഫസല് കൊണ്ടുവന്ന രണ്ടാമത്തെ കഥയിലാണോയെന്നകാര്യം വ്യക്തമല്ല. ചേംബറിന്റെ നിര്ദ്ദേശത്തോട് ഫഹദ് ഇതുവരെ പരസ്യമായി പ്രതികരിച്ചിട്ടും ഇല്ല.