ഒന്നിച്ചുള്ള ഡയലോഗ് പഠിത്തമില്ല!! അത് ഭയങ്കര രസമാണ്, നസ്‌റിയക്കൊപ്പമുള്ള സിനിമയെക്കുറിച്ച് ഫഹദ്

ബാംഗ്ലൂർ ഡേയ്സ്

യൂത്തിനിടെ ഏറെ ചർച്ചയായ ഒരു ചിത്രമായിരുന്നു അഞ്ജലി മേനോൻ കഥ എഴുതി സംവിധാനം ചെയ്ത ചിത്രമായ ബംഗ്ലൂർഡെയ്സ്. മലയാളി പ്രേക്ഷകരുടെ പ്രിയപ്പെട്ട താരങ്ങളായ നിവിൻ പോളി, നസ്റിയ, ദുൽഖർ സൽമാൻ, ഫഹദ്, പാർവതി എന്നിവരായിരുന്നു ചിത്രത്തിൽ കേന്ദ്രകഥാപാത്രങ്ങളെ അവതരിപ്പിച്ചത്. 2014 ൽ പുറത്തിറങ്ങിയ സൂപ്പർഡ്യൂപ്പർ ഹിറ്റ് ചിത്രമായിരുന്നു അത്. ബാംഗ്ലൂർ ഡേയ്സിലായിരുന്നു ഫഹദും നസ്രിയും ആദ്യമായി ക്യാമറയ്ക്ക് മുന്നിൽ എത്തിയത്. ആദ്യ ചിത്രത്തിൽ തന്നെ ഇവരുടെ കെമിസ്ട്രി പ്രേക്ഷകർ ഏറ്റെടുത്തിരുന്നു.

വിവാഹം

ചിത്രത്തിൽ ഭാര്യ ഭർത്താവായിട്ടാണ് ഇരുവരും അഭിനയിച്ചത്. അത് ജീവിതത്തിലും സത്യമാകുകയായിരുന്നു. ചിത്രത്തിന്റെ ഷൂട്ടിനിടെയായിരുന്നു ഇരുവരും തമ്മിലുള്ള വിവാഹം ഉറപ്പിച്ചത്. സിനിമ ചിത്രീകരണത്തിനു ശേഷമായിരുന്നു വിവാഹം. സിനിമയിലെ ദിവ്യയുടേയും ദാസിന്റേയും ജീവിതത്തെക്കാൽ ഇരട്ടി മധുരമാണ് റിയൽ ലൈഫിൽ. ബാംഗ്ലൂർ ഡെയ്സിനു ശേഷം ഇവർ വീണ്ടും ഒരുമിക്കുകയാണ്. അൻവർ റഷീദ് ചിത്രമായ ട്രാൻസ് എന്ന ചിത്രത്തിലൂടെയാണ് നസ്റിയ- ഫഹദ് താര ജോഡികൾ വീണ്ടും വെള്ളിത്തിരയിൽ എത്തുന്നത്.

രസകരമായ അനുഭവം

ഒരു ദേശീയ മാധ്യമത്തിനു നൽകിയ അഭിമുഖത്തിലാണ് വിവാഹ ശേഷംനസ്റിയക്കൊപ്പം ഒന്നിച്ചഭിനയിക്കുന്നതിനെ കുറിച്ച് ഫഹദ് പറഞ്ഞത്. അഭിനയിക്കുന്നത് വളരെ എളുപ്പവും രസകരവുമാണെന്നാണ് ഫഹദിന്റെ വാക്കുകൾ. കൂടാതെ നസ്റിയയ്ക്കൊപ്പം അഭിനയിക്കാൻ സാധിച്ചതിൽ താൻ ഭാഗ്യവാനാണെന്നും ഫഹദ് പറഞ്ഞു.

ഒരുമിച്ചുളള ഡയലോഗ് പഠിത്തം

ചിത്രത്തിൽ ഒരുമിച്ചിരുന്നു ഡയലോഗ് പഠിക്കുകയോ അഭിനയത്തെ കുറിച്ച് സംസാരിക്കുകയോ ചെയ്യാറില്ല. പക്ഷെ ഒന്നിച്ചഭിനയിക്കുന്നത് ഏറെ രസകരമാണ്. തന്നെക്കാൾ കൂടുതൽ ഷൂട്ടുളളത് നസ്റിയയ്ക്കാണ്. അവർ രാവിലെ എഴുന്നേറ്റ് നേരത്തെ തന്നെ ഷൂട്ടിങ്ങിനൊക്കെ പോകും. ഞാനും നസ്റിയയും ഒന്നിക്കുന്നു എന്നതിലുപരി കൂടുതൽ സുഹൃത്തുക്കൾ ഒന്നിക്കുന്ന ചിത്രമാണിത്. എന്നെപ്പോലെ തന്നെ നസ്രിയയ്ക്ക് അൻവറിനോടും അമലിനോടും നല്ല അടുപ്പമാണുള്ളത്.