നടി അഞ്ജു മരിച്ചു? സോഷ്യല്‍ മീഡിയയിലെ പ്രചാരണം മാനസികമായി തളര്‍ത്തുന്നുവെന്ന് താരം! കാണൂ!

അഞ്ജുവിനെ ഓര്‍ക്കുന്നില്ലേ?

പേര് പറഞ്ഞാല്‍ ഈ അഭിനേത്രിയെ മനസ്സിലായില്ലെങ്കിലും താരം അഭിനയിച്ച സിനിമകളും ഗാനരംഗങ്ങളുമൊക്കെ പറയുമ്പോള്‍ വളരെ പെട്ടെന്ന് തന്നെ താരത്തിനെ മനസ്സിലാവും. മലയാളം തമിഴ് സിനിമികളിലായി നിരവധി ചിത്രങ്ങളില്‍ അഭിനയിച്ചിട്ടുണ്ട് ഈ താരം. ബാലതരമായാണ് അഞ്ജു സിനിമയിലേക്കെത്തിയത്. രണ്ടാമത്തെ വയസ്സില്‍ ഉതിര്‍പ്പൂക്കള്‍ എന്ന ചിത്രത്തിലൂടെയാണ് താരം സിനിമയില്‍ തുടക്കം കുറിച്ചത്. തെന്നിന്ത്യന്‍ ഭാഷകളിലെല്ലാം ഒരുപോലെ തിളങ്ങി നിന്നിരുന്ന താരം കൂടിയായിരുന്നു അഞ്ജു.

തുമ്പീ വാ തുമ്പക്കുടത്തിന്‍

ഓളങ്ങള്‍ എന്ന സിനിമയിലെ തുമ്പീ വാ തുഞ്ചമ്പക്കുടത്തിന്‍ എന്ന ഗാനമറിയാത്ത മലയാളികളില്ല. വലിയ പൊട്ടും അഴിച്ചിട്ട മുടിയുമൊക്കെയായി ആടിപ്പാടിയ പൂര്‍ണ്ണിമ ജയറാമിനൊപ്പം രണ്ട് കുട്ടികളുമുണ്ടായിരുന്നു ഈ ഗാനരംഗത്തില്‍. ഈ ചിത്രത്തില്‍ പൂര്‍ണഅണിമയുടെ മകനായി വേഷമിട്ടത് അഞ്ജുവായിരുന്നു. ഇന്നും മലയാളി മനസ്സിലുണ്ട് ഈ ഗാനം. ബാലതാരമായി തുടങ്ങിയ സിനിമാജീവിതം പിന്നീട് നായികയിലേക്ക് ഉയരുകയായിരുന്നു. മോഹന്‍ലാലും മമ്മൂട്ടിയുമുള്‍പ്പടെയുള്ള താരങ്ങള്‍ക്കൊപ്പമെല്ലാം അഞ്ജു അഭിനയിച്ചിരുന്നു. കൈനിറയെ സിനിമകളുമായി ഒരു കാലത്ത് തിളങ്ങി നിന്നിരുന്ന താരമായിരുന്നു അഞ്ജു.

മരിച്ചെന്ന വാര്‍ത്ത പ്രചരിച്ചു

തെന്നിന്ത്യന്‍ സിനിമകളില്ലെലാം അഭിനയിച്ച അഞ്ജു മരിച്ചുവെന്ന തരത്തിലുള്ള റിപ്പോര്‍ട്ടുകളാണ് കഴിഞ്ഞ ദിവസം പ്രചരിച്ചത്. സോഷ്യല്‍ മീഡിയയിലൂടെ ഈ വാര്‍ത്ത വൈറലായിരുന്നു. നിമിഷനേരം കൊണ്ടാണ് ഈ വാര്‍ത്ത വൈറലായി മാറിയത്. പലരും താരത്തിന് ആദരാഞ്ജലി അര്‍പ്പിച്ച് പോസ്റ്റുകളുമിട്ടിരുന്നു. അതിനിടയിലാണ് വ്യാജ വാര്‍ത്തയ്‌ക്കെതിരെ രൂക്ഷപ്രതികരണവുമായി താരമെത്തിയത്. ഇതോടെയാണ് വാര്‍ത്തയ്ക്ക് പിന്നിലെ യാഥാര്‍ത്ഥ്യം വ്യക്തമായത്.

അസ്വസ്ഥതയുളവാക്കുന്ന വാര്‍ത്ത

സോഷ്യല്‍ മീഡിയയിലൂടെ വ്യാജവാര്‍ത്തയാണ് പ്രചരിക്കുന്നത്. നിരവധി പേര്‍ക്ക് ഇത്തരത്തിലുള്ള പ്രശ്‌നം നേരിടേണ്ടി വന്നിട്ടുണ്ട്. ഇപ്പോള്‍ താനും അതാണ് അനുഭവിച്ചുകൊണ്ടിരിക്കുന്നതെന്ന് താരം പറയുന്നു. ആ പട്ടികയില്‍ ഇപ്പോള്‍ താനും സ്ഥാനം നേടിയെന്നും അഞ്ജു പറയുന്നു. തനിക്കും കുടുംബത്തിനും ഈ വാര്‍ത്ത അസ്വസ്ഥതയുണ്ടാക്കുന്നുവെന്നും താരം പറയുന്നു. ഇത്തരത്തിലുള്ള വ്യാജ വാര്‍ത്തകള്‍ തന്നെ മാനസികമായി തളര്‍ത്തുന്നുവെന്നും താരം വ്യക്തമാക്കിയിട്ടുണ്ട്.

സന്തോഷത്തോടെ കഴിയുന്നു

താരത്തിന്റെ സുഹൃത്തുക്കളും വ്യാജവാര്‍ത്തയ്‌ക്കെതിരെ പരസ്യമായി രംഗത്തെത്തിയിട്ടുണ്ട്. തമിഴ്‌നാട്ടില വത്സരവക്കമെന്ന സ്ഥലത്ത് സന്തോഷത്തോടെ ജീവിക്കുകയാണ് അഞ്ജു. പിന്നെന്തിനാണ് ഇത്തരത്തിലുള്ള വ്യാജ വാര്‍ത്തകള്‍ പടച്ചുവിടുന്നതെന്നാണ് താരത്തിന്റെ സുഹൃത്തായ നാട്ടി ചോദിക്കുന്നത്. ബാലതാരമായി സിനിമയില്‍ തുടക്കം കുറിക്കുകയും പിന്നീട് മുന്‍നിരയിലേക്കുയരുകയും ചെയ്ത അഞ്ജുവിന് മികച്ച സ്വീകാര്യതയായിരുന്നു ലഭിച്ചിരുന്നത്. താഴ് വാരം, കാട്ടുകുതിര, കോട്ടയം കുഞ്ഞച്ചന്‍, നീലഗിരി, പണ്ടുപണ്ടൊരു രാജകുമാരി തുടങ്ങി നിരവധി സിനിമകളില്‍ താരം അഭിനയിച്ചിരുന്നു.

സോഷ്യല്‍ മീഡിയയിലെ വ്യാജപ്രചാരണം

സോഷ്യല്‍ മീഡിയയിലൂടെയും നേരത്തെയും ഇത്തരത്തിലുള്ള വ്യാജപ്രചാരണങ്ങള്‍ നടന്നിരുന്നു. താരങ്ങള്‍ തന്നെ പ്രതികരണവുമായി രംഗത്തെത്തിയിട്ടുമുണ്ട്. തന്നോട് നേരിട്ട് വിളിച്ച് മരണവാര്‍ത്തയെക്കുറിച്ച് ചോദിച്ചവരെക്കുറിച്ച് പലരും പറഞ്ഞിരുന്നു. സോഷ്യല്‍ മീഡിയയുടെ കൊല്ലാക്കൊലയ്ക്ക് ഇത്തവണ ഇരയായത് അഞ്ജുവായിരുന്നു. രൂക്ഷവിമര്‍ശനവുമായി താരമെത്തിയതോടെയാണ് വ്യാജപ്രചാരണങ്ങള്‍അവസാനിച്ചത്.