സര്‍ ജി, നിങ്ങളുടെ എറ്റവും വലിയ ആരാധിക ഞാന്‍, ഫഹദിനെ പ്രശംസിച്ച് നസ്രിയ, ചിത്രം വൈറല്‍

ഫഹദിന് പുറമെ നസ്രിയയും ഇപ്പോള്‍ സിനിമയില്‍ സജീവമാണ്. വിവാഹ ശേഷം കൂടെ എന്ന ചിത്രത്തിലൂടെ തിരിച്ചെത്തിയ നസ്രിയ മണിയറയിലെ അശോകന്‍, ട്രാന്‍സ് എന്നീ സിനിമകളിലും അഭിനയിച്ചു. തെലുങ്ക് ചിത്രങ്ങള്‍ നസ്രിയയുടെയും ഫഹദിന്‌റെതുമായി വരാനുണ്ട്. അഭിനയത്തിനൊപ്പം ഇപ്പോള്‍ നിര്‍മ്മാതാവായും സജീവമാണ് നടി. ഫഹദിനും സുഹൃത്തുക്കള്‍ക്കൊപ്പം ചേര്‍ന്നാണ് നസ്രിയ സിനിമകള്‍ നിര്‍മ്മിക്കാറുളളത്.

ബാംഗ്ലൂര്‍ ഡേയ്‌സിന് ശേഷമാണ് ഇരുവരും വിവാഹിതരായത്. ബാംഗ്ലൂര്‍ ഡേയ്‌സ് സമയത്ത് നസ്രിയ പ്രൊപ്പോസ് ചെയ്തതിനെ കുറിച്ച് ഫഹദ് മുന്‍പ് തുറന്നുപറഞ്ഞിട്ടുണ്ട്. കൂടാതെ ജീവിതത്തില്‍ നസ്രിയയുടെ പിന്തുണയെയും കരുതലിനെയും കുറിച്ചും ഫഹദ് പറഞ്ഞു. അതേസമയം മാലിക്കിന്‌റെ റീലീസിന് ശേഷമുളള നസ്രിയയുടെ പുതിയ പോസ്റ്റാണ് ശ്രദ്ധേയമാവുന്നത്.

സര്‍ ജി, ഞാന്‍ നിങ്ങളുടെ വലിയൊരു ഫാനാണ് എന്ന് പറഞ്ഞുകൊണ്ടാണ് നസ്രിയയുടെ പോസ്റ്റ് തുടങ്ങുന്നത്. 'ഞാന്‍ നിങ്ങളുടെ വലിയൊരു ആരാധികയാണ്. ഓരോദിവസവും നിങ്ങള്‍ എന്നെ അത്ഭുതപ്പെടുത്തുന്നു. ഞാന്‍ പക്ഷപാതത്തോടെ സംസാരിക്കുകയല്ല, ഇതൊരു ഫാന്‍ ഗേള്‍ മൊമെന്‌റ് സെല്‍ഫിയാണ് എന്നാണ് നസ്രിയ ഫഹദിനെ കുറിച്ച് കുറിച്ചത്. ഫഫ ബോയ്, മൈ ബോയ് എന്നീ ഹാഷ് ടാഗുകളും നസ്രിയ ഇന്‍സ്റ്റഗ്രാമില്‍ കുറിച്ചിട്ടുണ്ട്.

Recommended Video

Mahesh Narayanan's reply to critics | FilmiBeat Malayalam

അതേസമയം മാലിക്കിന് ശേഷം മലയന്‍ കുഞ്ഞ് ആണ് ഫഹദിന്‌റെ പുതിയ സിനിമ. ഫാസില്‍ നിര്‍മ്മിക്കുന്ന ചിത്രം മഹേഷ് നാരായണന്‌റെ തിരക്കഥയിലാണ് ഒരുങ്ങുന്നത്. മലയന്‍ കുഞ്ഞിന് പുറമെ തെലുങ്കില്‍ അല്ലു അര്‍ജുന്‌റെ പുഷ്പയില്‍ വില്ലന്‍ വേഷത്തിലും ഫഹദ് എത്തുന്നു. അണ്ടെ സുന്ദരാനികി ആണ് നസ്രിയയുടെ എറ്റവും പുതിയ ചിത്രം. സൂപ്പര്‍ താരം നാനിയുടെ നായികയായിട്ടാണ് നസ്രിയ ആദ്യമായി തെലുങ്കില്‍ എത്തുന്നത്.