മമ്മൂട്ടി വേണ്ടെന്ന് പറഞ്ഞു! മാമാങ്കത്തിനൊപ്പം ഷൈലോക്ക് ടീസറില്ല! ഒന്നൂടെ സംസാരിക്കൂയെന്ന് ആരാധകര്‍!

ഷൈലോക്ക് ടീസര്‍

കരിയറില്‍ ഇന്നുവരെ അവതരിപ്പിക്കാത്ത കഥാപാത്രങ്ങളാണ് മമ്മൂട്ടി മിക്കപ്പോഴും തിരഞ്ഞെടുക്കാറുള്ളത്. പ്രമേയത്തിലെ വ്യത്യസ്തതയാണ് എന്നും അദ്ദേഹത്തെ ആകര്‍ഷിക്കുന്ന പ്രധാന ഘടകം. കഴുത്തറപ്പന്‍ പലിശക്കാരനായാണ് അദ്ദേഹം ഷൈലോക്കില്‍ എത്തുന്നത്. അതിനാലാണ് ചിത്രത്തിന് ഇങ്ങനെയൊരു പേര് നല്‍കിയതെന്നും ഷേക്‌സ്പിയറിന്റെ നോവലുമായി യാതൊരു ബന്ധവുമില്ലെന്നും അണിയറപ്രവര്‍ത്തകര്‍ വ്യക്തമാക്കിയിരുന്നു.യ അജയ് വാസുദേവ് സംവിധാനം ചെയ്യുന്ന ചിത്രത്തില്‍ മീനയും രാജ്കിരണും പ്രധാന വേഷത്തില്‍ എത്തുന്നുണ്ട്. സിനിമയുടെ ടീസര്‍ അധികം വൈകാതെ എത്തുമെന്ന വിവരങ്ങള്‍ നേരത്തെ പുറത്തുവന്നിരുന്നു.

മാമാങ്കത്തിനൊപ്പമില്ല?

ഷൈലോക്ക് ടീസറിന്റെ സെന്‍സര്‍ കഴിഞ്ഞുവെന്നും ക്ലീന്‍ യുവാണെന്നുമുള്ള വിവരങ്ങള്‍ പങ്കുവെച്ചായിരുന്നു ജോബി ജോര്‍ജ് എത്തിയത്. മമ്മൂട്ടിയുടെ ലേറ്റസ്റ്റ് റിലീസ് ചിത്രമായ മാമാങ്കത്തിനൊപ്പമായി ടീസറും പുറത്തുവിട്ടേക്കുമെന്ന തരത്തിലുള്ള റിപ്പോര്‍ട്ടുകളും പ്രചരിച്ചിരുന്നു. ഇതോടെ ആരാധകരുടെ ആവേശവും ഇരട്ടിച്ചിരുന്നു. മാമാങ്കത്തിനൊപ്പമായി ടീസര്‍ എത്തില്ലെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. ഇതേക്കുറിച്ച് ചോദിച്ച ആരാധകരോടായിരുന്നു ജോബി ജോര്‍ജ് ഈ മറുപടി നല്‍കിയത്.

മമ്മൂട്ടി വേണ്ടെന്ന് പറഞ്ഞു

സിനിമ തുടങ്ങുന്നതിന് മുന്‍പ് ടീസര്‍ ഇടൂയെന്നായിരുന്നു ആരാധകന്റെ കമന്റ്, ഇതിന് കീഴിലായാണ് മമ്മൂക്ക വേണ്ടെന്ന് പറഞ്ഞുവെന്ന മറുപടിയുമായി നിര്‍മ്മാതാവ് എത്തിയത്. മമ്മൂട്ടി അത്തരത്തിലൊരു തീരുമാനം പറഞ്ഞതിന് പിന്നിലെ കാര്യങ്ങളെക്കുറിച്ചുള്ള ചര്‍ച്ചകളും ഫാന്‍സ് ഗ്രൂപ്പുകളില്‍ അരങ്ങേറുന്നുണ്ട്. മാമാങ്കത്തിനൊപ്പം ഇരട്ടിമധുരവുമായി ഷൈലോക്ക് ടീസറും എത്തിയേക്കുമെന്ന പ്രതീക്ഷയിലായിരുന്നു എല്ലാവരും. അതിനിടയിലാണ് അപ്രതീക്ഷിതമായി ഈ വാര്‍ത്തയെത്തിയത്.

ആരാധകരുടെ അഭ്യര്‍ത്ഥന

മമ്മൂട്ടിയോട് വീണ്ടും സംസാരിച്ച് നോക്കിക്കൂടെയെന്ന ചോദ്യവുമായും ആരാധകര്‍ എത്തിയിട്ടുണ്ട്. തങ്ങള്‍ക്ക് നിരാശപ്പെടാനാവില്ലെന്നും ടീസര്‍ എത്തുമെന്ന് തന്നെയാണ് വിശ്വാസമെന്നും അവര്‍ കുറിച്ചിട്ടുണ്ട്. മാമാങ്കത്തെ ഒരുതരത്തിലും ഇത് ബാധിക്കില്ലെന്നും അദ്ദേഹത്തോട് ഒന്നുകൂടി സംസാരിച്ച് നോക്കിക്കൂടേയെന്നും ആരാധകര്‍ ചോദിച്ചിട്ടുണ്ട്. നിര്‍മ്മാതാവില്‍ നിന്നും അന്തിമ മറുപടിക്കായി കാത്തിരിക്കുകയാണ് ആരാധകര്‍. ഷൈലോക്കിനായി കാത്തിരിക്കുന്നതിനിടയിലാണ് മൈ സാന്റയുടെ ട്രെയിലര്‍ എത്തിയിട്ടുള്ളത്.

വന്‍പ്രമോഷനായിരിക്കും

മാമാങ്കത്തിനൊപ്പം ഷൈലോക്ക് ടീസറും എത്തുമ്പോള്‍ അത് ചിത്രത്തിന് ഗുണകരമായി മാറുമെന്നും വന്‍പ്രമോഷനായിരിക്കും ലഭിക്കാന്‍ പോവുന്നതെന്ന തരത്തിലുമുള്ള വിവരങ്ങളും പുരത്തുവന്നിട്ടുണ്ട്. പറഞ്ഞും പറയാതെയും നിറം മങ്ങിപ്പോയ പഴമയിലേക്ക് വെളിച്ചം വീശുന്ന ചിത്രമായിരിക്കും ഇതെന്ന പ്രതീക്ഷയും ആരാധകര്‍ക്കുണ്ട്. മമ്മൂട്ടിയും അജയ് വാസുദേവും വീണ്ടും ഒരുമിക്കുകയാണെന്നറിഞ്ഞപ്പോള്‍ മുതല്‍ത്തന്നെ ആരാധകര്‍ ആവേശത്തിലായിരുന്നു.

ആരാധകര്‍ക്ക് നിരാശ

മമ്മൂട്ടിയുടെ തീരുമാനത്തെക്കുറിച്ച് അറിഞ്ഞ ആരാധകര്‍ നിരാശയിലാണ്. ആരാധകപിന്തുണയെക്കുരിച്ചും സ്‌നേഹത്തെക്കുറിച്ചുമൊക്കെ വാചാലനായെത്തുന്ന മെഗാസ്റ്റാര്‍ ഇക്കാര്യത്തിലും നിലപാട് മാറ്റുമെന്ന പ്രതീക്ഷയും ചിലര്‍ പങ്കുവെച്ചിട്ടുണ്ട്. തമിഴകത്തിന്റെ പ്രിയതാരങ്ങളിലൊരാളായ രാജ് കിരണ്‍ ഈ ചിത്രത്തിലൂടെ മലയാളത്തില്‍ തുടക്കം കുറിക്കുകയാണ്. മീനയേയും രാജ്കിരണിനേയും ഒരുമിപ്പിക്കുന്നതിന് വേണ്ടിയാണ് ഇത്തവണ താനെത്തുന്നതെന്നായിരുന്നു മമ്മൂട്ടി പറഞ്ഞത്.