തൃശ്ശൂര്‍ ഭാഷ മമ്മൂക്കയ്ക്ക് പ്രശ്നമായിരുന്നു!!പിന്നെ പ്രതീക്ഷിച്ചത് തന്നെ പ്രാഞ്ചിയേട്ടന് സംഭവിച്ചു

തൃശൂർ ഭാഷ കുഴക്കി

തിരക്കഥ എഴുതുമ്പോൾ സംഭാഷണം എഴുതിയരുന്നില്ല. സെറ്റിൽ വെച്ച് എഴുതുകയായിരുന്നു. മമ്മൂക്കയ്ക്ക് ആദ്യ തൃശ്ശൂർ ഭാഷ പ്രശ്നമായിരുന്നു. ബാക്കിയെല്ലാവരും ഈസിയായി ഭാഷ കൈകാര്യം ചെയ്യുന്നവരായിരുന്നു. എന്നാൽ മമ്മൂക്ക ഈ ചലഞ്ച് ഏറ്റെടുക്കുമെന്നത് ഉറപ്പായിരുന്നു. കാരണം ഏത് ഭാഷയും വളരെ വേഗം പിടിക്കുന്ന ഒരാളാണ് അദ്ദേഹം. അത് വിചാരിച്ചത് പോലെ സംഭവിക്കുകയും ചെയ്തു.

മമ്മൂക്കയ്ക്ക് കൺഫ്യൂഷൻ

ഷൂട്ട് തുടങ്ങി ആദ്യത്തെ രണ്ട് മൂന്ന് ദിവസം മമ്മൂക്കയ്ക്ക് കൺഫ്യൂഷൻ ഉണ്ടായിരുന്നു. താരം ഇതിനെ കുറിച്ചുളള ആശങ്ക വേണുവിനോട് പങ്കുവെയ്ക്കുകയും ചെയ്തു. വേണു ഇതിനെ കുറിച്ച് എന്നോട് ചർച്ച ചെയ്തിരുന്നു. എന്നൽ സിനിമ വരുമ്പോൾ അത് നോക്കാമെന്ന് ഞാൻ പറഞ്ഞു. ഷൂട്ടിങ് ആരംഭിച്ച് ആറ് ദിവസം കഴിഞ്ഞപ്പോൾ മമ്മൂക്ക വീണ്ടും വേണുവിനെ വിളിച്ചു. പറഞ്ഞത് തിരിച്ചെടുത്തുവെന്നും ഇത് സംഭവം വളരെ വ്യത്യസ്തമായ പരിപാടിയാണെന്നും, താൻ നന്നായി ആസ്വദിച്ചെന്നും അദ്ദേഹം പറഞ്ഞു.

ആദ്യമേ ഫിക്സ് ചെയ്തു

മമ്മൂട്ടിയ്ക്കൊപ്പം തന്നെ ഇന്നസെന്റിനേയും ആദ്യമേ ചിത്രത്തിൽ ഉറപ്പിച്ചതായിരുന്നു. ഇന്നസെന്റിനു പകരം മറ്റൊരാളെ ചിന്തിക്കാൻ പോലും കഴിയുകയില്ലായിരുന്നു. ലൊക്കേഷൻ യാത്രയ്ക്കിടെ ഞാനും വേണുവും കൂടിയായിരുന്നു ഇന്നസെന്റിന്റെ വീട്ടിൽ പോയി കണ്ട കഥ പറയുന്നത്.

ഫ്രാഞ്ചിയേട്ടനെ ആഘോഷിച്ചത് തൃശൂർക്കാർ

ശരിയ്ക്കും ഫ്രാഞ്ചിയേട്ടനെ ആഘോഷിച്ചത് തൃശൂർക്കാരാണ്. മെല്ലെ മെല്ലെ തുടങ്ങി 100 ദിവസം വിജയകരമായി ചിത്രം പ്രദർശിപ്പിക്കുകയായിരുന്നു. ഇതു തന്നെയാണ് ഞങ്ങളും പ്രതീക്ഷിച്ചത്.പരിഹസിക്കപ്പെടുന്ന നായകന്‍, വളരെ വളരെ പതുക്കെയാണ് അയാള്‍ എഴുന്നേറ്റ് നില്‍ക്കുന്നത്. സ്ഥിരം ഫോര്‍മുലയില്‍ നിന്ന് വ്യത്യസ്തമായ സിനിമ വരുമ്പോള്‍ സ്വീകരിക്കുന്നു. സിനിമ മേഖലയിൽ ഇപ്പോഴുള്ള മാറ്റത്തിന് തുടക്കം കുറിച്ചത് ഫ്രാഞ്ചിയേട്ടനാണ്.