പ്രവാസികള്‍ക്ക് സന്തോഷ വാര്‍ത്ത, സൂപ്പര്‍സ്റ്റാറിന്റെ സിനിമ സൗദിയിലേക്ക് വരുന്നു!!

സൗദിയിലെ സിനിമ പ്രദര്‍ശനം തുടങ്ങും

പുതിയ ഭരണാധികാരി മുഹമ്മദ് ബിന്‍ സല്‍മാന്‍ രാജാവ് ഭരണത്തിലെത്തിയതോടെ സൗദിയില്‍ ഇനി മുതല്‍ ഇന്ത്യന്‍ സിനിമകള്‍ കാണാനും പോവാം. അടുത്ത മാര്‍ച്ചോടെ സൗദിയിലും സിനിമാ പ്രദര്‍ശനം തുടങ്ങുമെന്നാണ് പ്രതീക്ഷിക്കുന്നത്.

സൗദിയിലെ ആദ്യ ഇന്ത്യന്‍ സിനിമ

ഇന്ത്യന്‍ സിനിമകള്‍ക്ക് വന്‍ സ്വീകാര്യതയാണ് അറബ് ലോകത്തുള്ളത്. മാത്രമല്ല തെന്നിന്ത്യന്‍ സിനിമയ്ക്ക് അനുകൂലമായ സ്ഥിതി വിശേഷമുള്ളതിനാല്‍ സൗദിയില്‍ ആദ്യം പ്രദര്‍ശനത്തിനെത്തുന്ന സിനിമ തെന്നിന്ത്യയില്‍ നിന്നുള്ളതാണെന്നാണ് റിപ്പോര്‍ട്ടുകള്‍.

രജനികാന്തിന്റെ സിനിമ

രജനികാന്ത് നായകനായി അഭിനയിക്കുന്ന ബ്രഹ്മാണ്ഡ ചിത്രം 2.0 ആണ് സൗദിയില്‍ ആദ്യം പ്രദര്‍ശനത്തിനെത്തുന്ന ഇന്ത്യന്‍ സിനിമ. രജനികാന്തും അക്ഷയ് കുമാറും കേന്ദ്ര കഥാപാത്രങ്ങളെ അവതരിപ്പിക്കുന്ന സിനിമയിലെ ഓഡിയോ ബിഗ് റിലീസാക്കി ഞെട്ടിച്ചിരുന്നു.

സൗദിയിലെ തിയറ്ററുകള്‍

2030 ആകുമ്പോഴേക്കും സൗദിയില്‍ 2000 സിനിമാ തിയേറ്ററുകളുണ്ടാകുമെന്നാണ് കണക്കുകൂട്ടല്‍. സൗദിയില്‍ തിയേറ്റര്‍ നിര്‍മിക്കുന്നതിനും നടത്തിപ്പിനുമുള്ള കരാര്‍ അമേരിക്കന്‍ കമ്പനിക്ക് കൊടുത്തു കഴിഞ്ഞിരിക്കുകയാണ്.

വ്യത്യസ്ത ഭാഷകള്‍

ലോക സിനിമയെ തന്നെ ഞെട്ടിക്കാനുള്ള തയ്യാറെടുപ്പിലാണ് 2.0. തമിഴ്, ഹിന്ദി, മലയാളം, തെലുങ്കു, ഇംഗ്ലീഷ്, ജപ്പാനിസ്, മലയ്, ചൈനീസ്, എന്നിങ്ങനെ 2.0 പതിനഞ്ച് ഭാഷകളിലാണ് റിലീസ് ചെയ്യാന്‍ പോവുന്നത്.