ഒടിയന് വേണ്ടി മോഹന്‍ലാലിന് 15 കിലോ കുറയ്ക്കണം, ഫ്രഞ്ച് വിദഗ്ധന്മാരുടെ ഭീകര പരിശീലനം ഇങ്ങനെ!!!

15 കിലോ കുറയ്ക്കണം

ഒടിയനില്‍ അഭിനയിക്കുന്നതിന് വേണ്ടി മോഹന്‍ലാലിന് 15 കിലോ ശരീരഭാരമാണ് കുറയ്‌ക്കേണ്ടത്. നിലവില്‍ സിനിമയുടെ ചിത്രീകരണം അവസാനിപ്പിച്ച് താരത്തിന്റെ ശരീരഭാരം കുറയ്ക്കാനുള്ള തയ്യാറെടുപ്പിലാണ് അണിയറ പ്രവര്‍ത്തകര്‍.

ഫ്രഞ്ച് വിദഗ്ധര്‍

അടുത്ത ഷെഡ്യൂള്‍ ഫെബ്രുവരിയിലാണ് ആരംഭിക്കുന്നത്. അതിനുള്ളില്‍ മോഹന്‍ലാലിന്റെ ശരീരഭാരം നിയന്ത്രിക്കുന്നതിനായി ഫ്രാന്‍സില്‍ നിന്നും 25 വിദ്ഗധന്മാര്‍ എത്തിയിരിക്കുകയാണ്. സംവിധായകന്‍ തന്നെയാണ് ഇക്കാര്യും പുറത്ത് വിട്ടത്.

പരിശീലനം ഇങ്ങനെ

വലിയ പരിശീലകരുടെ സഹായത്തോടെയായിരിക്കും മോഹന്‍ലാലിന് പരിശീലനം നടക്കുന്നത്. അതിന് വേണ്ടി ഫ്രാന്‍സില്‍ നിന്നും യോഗ, ഉഴിച്ചില്‍, ത്വക്‌രോഗ വിദഗ്ധന്‍ എന്നിങ്ങനെയുള്ളവരാണ് എത്തിയിരിക്കുന്നത്.

ക്ലൈമാക്‌സ്

ഒക്ടോബര്‍ 6 മുതല്‍ ഒരു മാസം നീണ്ട് നില്‍ക്കുന്ന ക്ലൈമാക്‌സ് രംഗങ്ങളായിരുന്നു ചിത്രീകരിച്ചിരുന്നത്. പാലക്കാടും പരിസരങ്ങളിലുമായി നടന്ന ചിത്രീകരണം കൂടുതലും രാത്രികാലങ്ങളിലായിരുന്നു. ഷൂട്ടിങ്ങിന്റെ ചിത്രങ്ങളും വീഡിയോയും വി എ ശ്രീകുമാര്‍ മേനോന്‍ തന്നെ പുറത്ത് വിട്ടിരുന്നു.

പീറ്റര്‍ ഹെയിനിന്റെ ആക്ഷന്‍

പുലിമുരുകന് ശേഷം പീറ്റര്‍ ഹെയിന്‍ തന്നെയാണ് ഒടിയന് വേണ്ടി ആക്ഷന്‍ രംഗങ്ങള്‍ ഒരുക്കുന്നത്. ക്ലൈമാക്‌സിലും പീറ്റര്‍ ഹെയിന്‍ ഒരുക്കുന്ന ആക്ഷന്‍ രംഗങ്ങളുണ്ട്. മറ്റുള്ള സിനിമകള്‍ മാറ്റിവെച്ചാണ് ഒടിയന് വേണ്ടി പീറ്റര്‍ ഹെയിന്‍ എത്തിയിരുന്നത്.

ഒടിയന്‍

മലയാള സിനിമയില്‍ ഇതുവരെ കണ്ടിട്ടില്ലാത്ത സിനിമയുമായിട്ടാണ് വി എ ശ്രീകുമാര്‍ മേനോനും മോഹന്‍ലാലും വരുന്നത്. ഫാന്റസി സിനിമയായിട്ടാണ് ഒടിയൻ നിര്‍മ്മിക്കുന്നത്.