Click it and Unblock the Notifications
ബാഹുബലിയിലെ മഹിഷ്മതി രാജ്യത്ത് കൂടി സഞ്ചരിക്കണോ? ആര്ക്കും പോകാം, അവസരമുണ്ട്!
ബ്രഹ്മാണ്ഡ ചിത്രം ബാഹുബലിയെ സൂപ്പര് ഹിറ്റാക്കിയതിന് പിന്നില് താരങ്ങളുടെ കഴിവ് മാത്രമായിരുന്നില്ല. മഹിഷ്മതിയെന്ന രാജ്യവും പ്രേക്ഷകരെ സ്വാധീനിച്ചിരുന്നു. സിനിമ കണ്ടവരെല്ലാം മഹിഷ്മതിയിലൂടെ ഒന്ന് സഞ്ചരിക്കാന് ആഗ്രഹിച്ചിട്ടുണ്ടാവും. അങ്ങനെ ആഗ്രഹിച്ചവര്ക്ക് ഒരു സുവര്ണാവസരം ഒരുക്കിയിരിക്കുകയാണ്.
100 ഏക്കറിലായി 60 കോടി രുപ ചിലവില് ഹൈദരാബാദിലെ രാമോജി റാവു ഫിലിം സിറ്റിയില് നിര്മ്മിച്ചിരുന്ന മഹിഷ്മതി അവിടെ തന്നെ ഇപ്പോഴുമുണ്ട്. മാത്രമല്ല അത് സന്ദര്ശിക്കാന് ആരാധകര്ക്ക് അവസരവും ഒരുക്കിയിരിക്കുകയാണ്. 1250 രൂപയുടെ ടിക്കറ്റ് എടുത്താല് രാവിലെ മുതല് 11.30 വരെയും 2349 രൂപയുടെ പ്രീമിയം ടിക്കറ്റാണെങ്കില് ഉച്ചയ്ക്ക് രണ്ട് മണി വരെയും അതിനുള്ളില് ചിലവഴിക്കാനാണ് അവസരമൊരുക്കിയിരിക്കുന്നത്. ഓണ്ലൈനിലൂടെയും ടിക്കറ്റ് ഒരുക്കിയിരിക്കുകയാണ്.
രാജമൗലിയുടെ സംവിധാനത്തിലെത്തിയ ബാഹുബലിയ്ക്ക് വേണ്ടി 1500 സ്കെച്ചുകളിലായി സാബു സിറിലും സംഘവുമാണ് മഹിഷ്മതി രൂപകല്പ്പന ചെയ്തിരുന്നത്. രണ്ട് ഭാഗങ്ങളിലായി നിര്മ്മിച്ച ബാഹുബലിയ്ക്ക് വേണ്ടി വര്ഷങ്ങള് നീണ്ട കഷ്ടപ്പാടായിരുന്നു അണിയറ പ്രവര്ത്തകര്ക്കുണ്ടായിരുന്നത്. അതാണ് സിനിമയുടെ വിജയത്തിന് പിന്നിലെ കാര്യവും.
Continue with Google