സുരേഷ് ഗോപിയുടെ മാസ്റ്റര്‍പീസ് ഡയലോഗ് ഗോകുല്‍ പറഞ്ഞാല്‍ എങ്ങനെയിരിക്കും, വീഡിയോ കാണൂ!

സുരേഷ് ഗോപിയുടെ ആക്ഷന്‍

ആക്ഷന്‍റെ കാര്യത്തില്‍ പ്രത്യേക സ്റ്റൈല്‍ നിലനിര്‍ത്തിയാണ് സുരേഷ് ഗോപി എന്ന താരം മുന്നേറിയത്. പോലീസ് വേഷവും ചീറിപ്പായുന്ന ഡയലോഗുമായി നിരവധി തവണ അദ്ദേഹം പ്രേക്ഷകരെ വിസ്മയിപ്പിച്ചിട്ടുണ്ട്.

ഇന്നും ഓര്‍ത്തിരിക്കുന്ന കഥാപാത്രങ്ങള്‍

സുരേഷ് ഗോപി അഭിനയിച്ച സിനിമയിലെ കഥാപാത്രത്തെയും സംഭാഷണങ്ങളുമെല്ലാം ഇന്നും പ്രേക്ഷകര്‍ ഓര്‍ത്തിരിക്കുന്നുണ്ട്. അദ്ദേഹത്തിന്റെ മാനറിസവും പ്രേക്ഷകര്‍ക്ക് സുപരിചിതമാണ്.

ഗോകുലിന്റെ സിനിമാപ്രവേശം

സുരേഷ് ഗോപിയുടെ പാത പിന്തുടര്‍ന്നാണ് ഗോകുല്‍ സുരേഷ് സിനിമയിലേക്ക് എത്തിയത്. മുദ്ദുഗൗ എന്ന ചിത്രത്തിലൂടെ അരങ്ങേറിയ താരപുത്രന് മികച്ച സ്വീകാര്യതയാണ് ലഭിച്ചത്.

പുതിയ സിനിമ

എസ് എസ് സൈജു സംവിധാനം ചെയ്യുന്ന ഇരയിലാണ് താരം ഇപ്പോള്‍ അഭിനയിച്ചുകൊണ്ടിരിക്കുന്നത്. ഉണ്ണി മുകുന്ദന്‍, മിയ, നിരഞ്ജന അനൂപ്, ലെന, ശങ്കര്‍ രാമകൃഷ്ണന്‍ തുടങ്ങി വന്‍താരനിരയാണ് ചിത്രത്തില്‍ അണിനിരക്കുന്നത്.

അച്ഛന്‍രെ ഡയലോഗ് ആവര്‍ത്തിച്ചു

പ്രമോഷനുമായി ബന്ധപ്പെട്ട് വിവിധ കോളേജുകളില്‍ സന്ദര്‍ശനം നടത്തുന്നതിനിടയിലാണ് ഗോകുലിന് മുന്നില്‍ ആ ആവശ്യമെത്തിയത്. അച്ഛന്റെ സിനിമയായ കമ്മീഷണറിലെ ഡയലോഗ് ആവര്‍ത്തിക്കനായിരുന്നു സദസ്സ് ആവശ്യപ്പെട്ടത്.

കമ്മീഷണറിലെ ഡയലോഗ്

കമ്മീഷണറിലെ ഡയലോഗാണ് ഗോകുല്‍ സുരേഷ് പറഞ്ഞത്. അതേ മാനറിസം കൂടി അനുകരിച്ചതോടെ സദസ്സിന് സന്തോഷമായി. നിറഞ്ഞ കരഘോഷമായിരുന്നു താരത്തിന് ലഭിച്ചത്.

വീഡിയോ വൈറലാവുന്നു

പരിപാടിയുടെ വീഡിയോ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. കാണൂ.