നമ്മുടെ നാടല്ലേ.! നമ്മളല്ലേ ഒറ്റക്കെട്ടായി നിന്ന് തീരുമാനങ്ങള്‍ എടുക്കേണ്ടത്! ജിപിയുടെ വീഡിയോ

ജിപിയുടെ വാക്കുകള്‍ ഇങ്ങനെ

എല്ലാവര്‍ക്കും നമസ്‌കാരം, ഇന്ന് നമ്മുടെ നാട്ടില്‍ ഒരു വലിയ ഉല്‍സവം തന്നെ നടക്കുകയാണ്. എല്ലാവരും അതിന്റെ ഭാഗമാകുന്നുണ്ടെന്ന് വിശ്വസിക്കുന്നു. നമ്മുടെ നാട്ടില് ഇത്രയും വലിയൊരു തിരഞ്ഞെടുപ്പ് നടക്കുമ്പോള്‍, ഇത്രയും വലിയൊരു ആഘോഷം നടക്കുമ്പോള്‍ അതിന്റെ ഭാഗമാവുക എന്നുളളത് നമ്മുടെ ഉത്തരവാദിത്വമാണ്. കാരണം ഇത്തരം ചടങ്ങുകളുടെ ഭാഗമാവുമ്പോഴാണ് നമ്മുടെ നാടിനോടുളള സ്‌നേഹവും അടുപ്പവും ഉത്തരവാദിത്വവും ഒകെ കൂടുന്നത്.

എല്ലാവരും പോയി വോട്ട് ചെയ്യുക

അതുകൊണ്ടു തന്നെ എല്ലാവരും പോയി വോട്ട് ചെയ്യുക. വോട്ട് ചെയ്യാത്തവരുണ്ടെങ്കില്‍ മടിച്ചുനില്‍ക്കാതെ പോയി വോട്ട് ചെയ്യുക. മാത്രമല്ല നിങ്ങളുടെ സുഹൃത്തുക്കള്‍ വോട്ട് ചെയ്യുന്നില്ലെങ്കില്‍ അവര്‍ക്ക് പ്രചോദനം നല്‍കുക. നമ്മുടെ നാടല്ലേ, നമ്മളല്ലേ എല്ലാവരും ഒറ്റക്കെട്ടായി നിന്ന് ഈ നാട്ടിലെ തീരുമാനങ്ങളെല്ലാം എടുക്കേണ്ടത്. അപ്പോ എന്തായാലും എല്ലാവരും പോയി വോട്ട് ചെയ്യുക,വീട്ടില്‍ ഒകെ എല്ലാവരോടും പറയുക. അര്‍ഹതപ്പെട്ടവര്‍ വിജയിക്കട്ടെ.

ജിപിയുടെ ഇന്സ്റ്റഗ്രാം വീഡിയോ

ജിപിയുടെ ഇന്സ്റ്റഗ്രാം വീഡിയോ

താരങ്ങളില്‍ അധികപേരും

അതേസമയം ഗോവിന്ദ് പത്മസൂര്യയെ പോലെ താരങ്ങളില്‍ അധികപേരും ജനങ്ങളോട് വോട്ട് ചെയ്യണമെന്ന അഭ്യര്‍ത്ഥനയുമായി എത്തുന്നുണ്ട്. നടന്‍ മോഹന്‍ലാലും വോട്ട് ചെയ്ത ശേഷം ഫേസ്ബുക്കില്‍ വീഡിയോ പോസ്റ്റ് ചെയ്തിരുന്നു. എന്റെ വോട്ടവകാശം ഞാന്‍ വിനിയോഗിച്ചു നിങ്ങളും വിനിയോഗിക്കുക എന്നായിരുന്നു നടന്‍ വീഡിയോയിലൂടെ എല്ലാവരോടുമായി അഭ്യര്‍ത്ഥിച്ചത്. തിരുവനന്തപുരത്തെ നേമം മുടവന്‍മുകളിലെ ഗവ. സ്‌കൂളിലായിരുന്നു സൂപ്പര്‍താരം വോട്ട് ചെയ്യാനായി എത്തിയിരുന്നത്.

വീഡിയോ കാണൂ