ഹോം

വാർത്ത

തന്നിൽ ഏൽപ്പിക്കുന്ന ഏതൊരു കഥാപാത്രവും അതിന്റെ എല്ലാ മികവുകളോടും കൂടി വെള്ളിത്തിരയിൽ എത്തിക്കുന്ന നടനാണ് ഗിന്നസ് പക്രു. ഹാസ്യതാരമായി വെള്ളിത്തിരയിൽ എത്തിയ പക്രു തന്റെ കൈകളിൽ എല്ലാ കഥാപാത്രങ്ങളും ഭഭ്രമാണെന്ന് ഇതിനോടകം തന്നെ തെളിയിച്ചു കഴിഞ്ഞു. കുട്ടിയും കോലിനും ശേഷം ഗിന്നസ് പക്രു മുഖ്യകഥാപാത്രത്തെ അവതരിപ്പിക്കുന്ന ചിത്രമായ ഇളയരാജയുടെ ക്യാരക്ടർ മോഷൻ പോസ്റ്റർ പുറത്ത്.

ട്രോളന്മാരെ ഞെട്ടിച്ച് നടി കനിഹ!! ഒന്നും പറയാനില്ല... കനിഹയുടെ പാട്ട് വൈറലാകുന്നു

ചിത്രത്തിലെ പ്രധാനകഥാപാത്രങ്ങളെല്ലാം ഒത്തു ചേർന്നുള്ള മോഷൻ പോസ്റ്ററാണ് അണിയറ പ്രവർത്തകർ പുറത്തുവിട്ടിരിക്കുന്നത്. ചിത്രത്തിൽ വനജൻ എന്ന കഥാപാത്രത്തെയാണ് പക്രു അവതരിപ്പിക്കുന്നത്. തടിവെച്ച് വ്യത്യസ്തമായ ഗെറ്റപ്പിലാണ് താരം എത്തുന്നത്. പക്രുവിനെ കൂടാതെ ഹരിശ്രീ അശോകന്‍ , ഗോകുല്‍ സുരേഷ്, ദീപക്ക് പറമ്പോല്‍, ഏനില്‍ നെടുമങ്ങാട്, ബേബി ആദ്ര, മാസ്റ്റര്‍ അഹിത്യന്‍, സിജി. എസ് നായര്‍, ജയരാജ് വാര്യര്‍ എന്നിവരാണ് മറ്റുള്ള താരങ്ങൾ.

വിവരദോഷികള്‍ ഇല്ലാത്തത് കൊണ്ട് എംടിയെ സ്ത്രീവിരുദ്ധനാക്കില്ല!! സിനിമ സംഭാഷണങ്ങളെ കുറിച്ച് രഞ്ജിത്

അപ്പോത്തിക്കിരി, മേൽവിലാസം ശരിയാണ് എന്നീ ചിത്രങ്ങൾക്ക് ശേഷം മാധവ് രാമദാസ് കഥയെഴുതി സംവിധാനം ചെയ്യുന്ന ചിത്രമാണ് ഇളയരാജ. സുദീപ് ടി ജോര്‍ജാണ് തിരക്കഥയും സംഭാഷണവും രചിച്ചിരിക്കുന്നത്. സജിത്ത് കൃഷ്ണ, ജയരാജ് ടി കൃഷ്ണന്‍, ബിനീഷ് ബാബു എന്നിവർ ചേർന്നാണ് ചിത്രം നിര്‍മ്മിക്കുന്നത്. .