പൃഥ്വിയുടെ ആ സ്വപ്നം പക്രുവിനുമുണ്ട്! അവാർഡ് കിട്ടിയ സന്തോഷത്തോടൊപ്പം മോഹം തുറന്ന് പറഞ്ഞ് താരം

റെക്കോഡുകൾ എന്നും നൽകുന്നത് പ്രചോദനവും പ്രോത്സാഹനവുമാണ്. ഇനി എന്തെങ്കിലുമൊക്കെ ചെയ്യണം എന്നുള്ള ആത്മവിശ്വാസമാണ് ഇത് നൽകുന്നതെന്നു ഗിന്നസ് പക്രു പറഞ്ഞു.

അവാർഡുകളും റെക്കോഡുകളും സ്വന്തമാക്കുമ്പോഴും ഏറ്റവും വലിയ ആഗ്രഹം മനസ്സിൽ സൂക്ഷിച്ച് നടക്കുകയാണ് താരം. അത് പക്രു തന്നെ വെളിപ്പെടുത്തുകയാണ്. പൃഥ്വിരാജിനെ പോലെ മോഹൻലാലിനെ നായികനാക്കി ഒരു ചിത്രം ചെയ്യണമെന്നാണ്.

പ്രശസ്തി ആഗ്രഹിക്കാത് താരമാണ് പക്രു. എന്നാൽ സിനിമ നിർമ്മിക്കാൻ തനിയ്ക്ക് പൂർണ്ണ പിന്തുണയും പ്രചോദനവും നൽകിയത് അഞ്ച് സുഹൃത്തുക്കളാണെന്നും താരം പറഞ്ഞു. കൂടാതെ റെക്കോഡിനൊപ്പം മറ്റൊരു സമ്മാനം കൂടി പക്രുവിനെ കാത്തിരിക്കുന്നുണ്ടായിരുന്നു. കൊടുങ്ങലൂർ സ്വദേശി ഡാവിഞ്ചി സുരേഷ് നിർമ്മിച്ച ഫാൻസി ഡ്രസ് എന്ന ചിത്രത്തിൽ പക്രു അവതരിപ്പിച്ച കഥാപാത്രത്തിനോട് സാമ്യമുളള പാവയും സമ്മാനിച്ചു.

ചെറിയ ഹാസ്യരംഗങ്ങളിലൂടെ സിനിമയിൽ സജീവമായിരുന്ന ഗിന്നസ് പക്രുവിന്റെ ജീവിതം മാറ്റി മറിച്ചത് അത്ഭുത ദ്വീപ് എന്ന ചിത്രമായിരുന്നു. തിത്രത്തിലെ ഗജേന്ദ്രൻ എന്ന കഥാപാത്രം താരത്തിന്റെ കരിയറിൽ വലിയൊരു ഹിറ്റായിരുന്നു . ഇതിനു ശേഷം പല മികച്ച കഥാപാത്രങ്ങളും പക്രുവിനെ തേടിയെത്തി. ഒപ്പം പുരസ്കാരങ്ങളും.

ഹാസ്യകഥാപാത്രങ്ങളിലൂടെയാണ് പക്രു സിനിമയിൽ എത്തിയത്. കോമഡി കഥാപാത്രങ്ങളിൽ മാത്രം ചുവട് ഉറപ്പിക്കാതെ കഥാമൂല്യമുള്ള കഥാപാത്രങ്ങളിലും തന്നെ സാന്നിധ്യം ഉറപ്പിച്ചു. ആളുകളെ ചിരിപ്പിക്കാൻ മാത്രമല്ല കരയിപ്പിക്കാനും ചിന്തിപ്പിക്കാനും പക്രുവിന് കഴിയുമെന്ന് ചിത്രങ്ങളിലൂടെ പക്രുവിന് കഴിഞ്ഞു.