പൊന്നമ്മ ചേച്ചിയുടെ നല്ല മനസ്സൊക്കെ സ്ത്രീപക്ഷക്കാര്‍ കണ്ടോ ആവോ? ഒളിയമ്പുമായി താരം! കാണൂ!

സേതുലക്ഷ്മിയുടെ അവസ്ഥ

കോമഡിയായാലും സ്വഭാവ കഥാപാത്രങ്ങളായാലും അങ്ങേയറ്റം തന്മയത്തത്തോടെ അവതരിപ്പിക്കുന്ന താരമാണ് സേതുലക്ഷ്മി. സ്‌ക്രീനില്‍ മാത്രമല്ല ജീവിതത്തിലെ അവസ്ഥ പറഞ്ഞും ഈ താരം കരയിപ്പിച്ചിരുന്നു. കരളലിയിപ്പിക്കുന്ന കാര്യവുമായാണ് താരം കഴിഞ്ഞ ദിവസമെത്തിയത്. ഇരുവൃക്കകളും തകരാറിലായ മകനെ സഹായിക്കണമെന്നും അതിനായുള്ള അപേക്ഷയുമായാണ് താരമെത്തിയത്.

സഹായഹസ്തവുമായി നിരവധി പേര്‍

സേതുലക്ഷ്മിയുടെ ദുരവസ്ഥയെക്കുറിച്ച് അറിഞ്ഞപ്പോള്‍ മുതല്‍ നിരവധി പേരായിരുന്നു താരത്തെ സഹായിക്കാമെന്നറിയിച്ച് രംഗത്തെത്തിയത്. സിനിമാലോകത്ത് നിന്ന് മാത്രമല്ല താരത്തിന് സഹായ വാഗ്ദാനമെത്തിയത്. കോമഡി കഥാപാത്രങ്ങളുമായി പ്രേക്ഷകരെ ചിരിപ്പിച്ച് മുന്നേറുന്നതിനിടയിലാണ് മകന് വൃക്കരോഗം സ്ഥിരീകരിച്ചത്. വൃക്ക മാറ്റി വെക്കുകയെന്ന മാര്‍ഗമല്ലാതെ മറ്റൊന്നും മുന്നിലുണ്ടായിരുന്നില്ലെന്നും സേതുലക്ഷ്മി പറഞ്ഞിരുന്നു.

സഹായിക്കാമെന്ന് പൊന്നമ്മ ബാബു

സേതുലക്ഷ്മിയുടെ ഫേസ്ബുക്ക് പോസ്റ്റ് വൈറലായി മാറിയതോടെയാണ് സിനിമാലോകത്ത് നിന്നുള്ളവരും സഹായിക്കാമെന്നറിയിച്ചത്. സേതുലക്ഷ്മിയമ്മയുടെ മകന് വൃക്ക നല്‍കാമെന്നറിയിച്ച് മൂന്ന് പേരായിരുന്നു രംഗത്തെത്തിയത്. പൊന്നമ്മ ബാബുവും ഇതിന് സന്നദ്ധത അറിയിച്ച് രംഗത്തെത്തിയിരുന്നു. വനിതയ്ക്ക് നല്‍കിയ അഭിമുഖത്തിനിടയിലായിരുന്നു താരം ഇക്കാര്യത്തെക്കുറിച്ച് വ്യക്തമാക്കിയത്. പൊന്നമ്മ ബാബുവിന്റെ നല്ല മനസ്സിനെ അഭിനന്ദിച്ച് നിരവധി പേര്‍ എത്തിയിരുന്നു.

വൃക്ക നല്‍കാന്‍ തയ്യാറാണ്

ഇനിയും സേതു ചേച്ചിയുടെ കണ്ണീര്‍ കണ്ടുനില്‍ക്കാനാവില്ലെന്നും കിഷോറിന് സ്വന്തം കിഡ്‌നി നല്‍കുമെന്നുമറിയിച്ചായിരുന്നു പൊന്നമ്മ ബാബു എത്തിയത്. കോമഡി കഥാപാത്രത്തെ അവതരിപ്പിച്ച് ജനഹൃദയങ്ങളില്‍ ഇടംനേടിയ താരമാണ് പൊന്നമ്മ ബാബു. തന്റെ വൃക്ക അവന് ചേരുമോയെന്നറിയില്ലെന്നും അതേക്കുറിച്ചൊക്കെ ഡോക്ടര്‍മാരുമായി സംസാരിക്കേണ്ടതുണ്ടെന്നും അവര്‍ പറഞ്ഞിരുന്നു.

തീരുമാനത്തിന് പിന്നില്‍

വാര്‍ത്തയാക്കാനും മാത്രമായല്ല താന്‍ ഇങ്ങനെ ചെയ്യുന്നതെന്നും വളരെ നേരത്തെ ആലോചനയ്ക്ക് ശേഷമാണ് ഇങ്ങനെയൊരു തീരുമാനമെടുത്തതെന്നും പൊന്നമ്മ ബാബു പറഞ്ഞിരുന്നു. ഔദ്ാര്യമെന്ന സന്മനസെന്നോ പറഞ്ഞ് ഇതിനെ ചെറുതാക്കരുതെന്നും മഹത്തായ എന്തോ കാര്യമാണ് ചെയ്യുന്നതെന്ന ഭാവമൊന്നും തനിക്കില്ലെന്നും പൊന്നമ്മ ബാബു പറഞ്ഞിരുന്നു. നാടക രംഗത്തുള്ളപ്പോള്‍ മുതല്‍ തനിക്ക് ചേച്ചിയെ അറിയാമെന്നും ചേച്ചിയുടെ കരച്ചില്‍ കണ്ടപ്പോള്‍ സഹിക്കാനായില്ലെന്നും അപ്പോഴാണ് ഇങ്ങനെയൊരു തീരുമാനമെടുത്തതെന്നും അവര്‍ വ്യക്തമാക്കിയിരുന്നു.

സ്ത്രീ പക്ഷക്കാരൊക്കെ അറിയുന്നുണ്ടോ?

സേതുലക്ഷമിച്ചേചി സത്യസന്ധമായി ഒരു വിഷമം അറിയിച്ചപ്പോൾ അതിന്റെ നൂറ് ഇരട്ടി സത്യസന്ധതയോടെ തന്റെ ശരീരം പറിച്ച് തരാം എന്ന് പറഞ് പൊന്നമ്മച്ചേചി അത് ഏറ്റെടുക്കുന്നു... ഒരു സ്ത്രി എന്റെ ജീവിതം ഇങ്ങിനെയാണെന്ന് പറഞ്ഞപ്പോൾ (Mee too) മറെറാരു സ്ത്രി ഞാൻ നിങ്ങൾക്ക് എന്റെ ജീവിതം തരാം (Mee too) എന്ന് പറഞ്ഞ ഏറ്റവും വലിയ മഹാമനസക്തയുടെ വിപ്ലവം .... ചൊവ്വയിൽ പോകാതെ ഭൂമിയിൽ മാത്രം ജീവിക്കുന്ന സ്ത്രി പക്ഷക്കാരൊക്കെ ഈ ചെറിയ കഥകളൊക്കെ അറിയുന്നുണ്ടാവുമോ ആവോ?

പോസ്റ്റ് കാണാം

ഹരീഷ് പേരടിയുടെ പോസ്റ്റ് കാണാം.