സ്വന്തം അനുഭവത്തില്‍ പറയട്ടെ വിജയ് സൂപ്പര്‍ നടനും താരവുമാണ്! സിദ്ധിഖിന് മറുപടിയുമായി ഹരീഷ് പേരടി

വിജയ് സൂപ്പര്‍ നടനല്ല

മമ്മൂട്ടിയും മോഹന്‍ലാലും സൂപ്പര്‍സ്റ്റാറുകളും സൂപ്പര്‍ നടന്മാരുമാണ്. എന്നാല്‍ തമിഴ് നടന്‍ വിജയ് സൂപ്പര്‍ സ്റ്റാറാണെങ്കിലും സൂപ്പര്‍ നടനാണെന്ന് പറയാന്‍ കഴിയില്ലെന്നായിരുന്നു നടന്‍ സിദ്ധിഖ് മാതൃഭൂമി വാരാന്ത്യത്തിന് നല്‍കിയ അഭിമുഖത്തില്‍ പറഞ്ഞത്. എന്നാല്‍ കമല്‍ഹാസന്‍ സൂപ്പര്‍ നടനും സൂപ്പര്‍സ്റ്റാറുമാണെന്നും സിദ്ധിഖ് അഭിമുഖത്തില്‍ സംസാരിക്കവേ പറഞ്ഞിരുന്നു.

സിദ്ധിഖ് പറഞ്ഞത്

സൂപ്പര്‍സ്റ്റാറുകളെ ആശ്രയിച്ചാണ് സിനിമ നിലനില്‍ക്കുന്നത്. മധുരരാജ എന്ന സിനിമ ഉണ്ടാകണമെങ്കില്‍ മമ്മൂക്കയും ലൂസിഫര്‍ എന്ന സിനിമ വരണമെങ്കില്‍ മോഹന്‍ലാലും വേണം. ഈ സൂപ്പര്‍താരങ്ങളെ ആശ്രയിച്ചാണ് ഇന്‍ഡസ്ട്രി നിലനില്‍ക്കുന്നത്. അത്തരം താരങ്ങളുടെ സിനിമ ആശ്രയിച്ചാണ് ഞങ്ങളെ പോലുളള നടീനടന്മാര്‍ നിലനില്‍ക്കുന്നത്. നമ്മുടെ സൂപ്പര്‍താരങ്ങള്‍ സൂപ്പര്‍ നടന്മാരാണെന്നതാണ് മലയാള സിനിമയുടെ സൗഭാഗ്യം. അന്യഭാഷാ സിനിമകളില്‍ അത്തരം മഹിമകളില്ല. വിജയ് സൂപ്പര്‍സ്റ്റാറാണെങ്കിലും സൂപ്പര്‍ നടനാണെന്ന് പറയാന്‍ കഴിയില്ല.സിദ്ധിഖ് പറഞ്ഞു.

ഹരീഷ് പേരടിയുടെ മറുപടി

അതേസമയം സിദ്ധിഖ് പറഞ്ഞതിനു മറുപടിയായിട്ടാണ് വിജയ്‌ക്കൊപ്പം മെര്‍സലില്‍ അഭിനയിച്ച ഹരീഷ് പേരടി എത്തിയിരുന്നത്. ഒരുപാട് കാലം കപ്പയും ചോറും മാത്രം കഴിച്ച് ശീലിച്ചവര്‍ ഇഡിലീയും സാമ്പാറും, ബിരിയാണിയും ഒക്കെ സുപ്പര്‍ ഭക്ഷണങ്ങളാണ് പക്ഷെ നല്ല ഭക്ഷണങ്ങളല്ലാ എന്ന് പറയുന്നത് ഭക്ഷണങ്ങളുടെ പ്രശനമല്ലാ എന്ന് ഹരീഷ് പേരടി പറയുന്നു. അവനവന്റെ ആസ്വാദനവുമായി ബന്ധപ്പെട്ട വിഷയങ്ങളാണ്...

സൂപ്പര്‍ നടനുമാണ് സൂപ്പര്‍ താരവുമാണ്

സ്വന്തം അനുഭവത്തില്‍ പറയട്ടെ ഈ മനുഷ്യന്‍... സൂപ്പര്‍ നടനുമാണ്, സൂപ്പര്‍ താരവുമാണ്, സഹജീവികളോട് കരുണയുള്ള ജീവിക്കുന്ന കാലത്തോട് കൃത്യമായ നിലപാടുള്ള സൂപ്പര്‍ മനുഷ്യനുമാണ്. ഹരീഷ് പേരടി ഫേസ്ബുക്കില്‍ കുറിച്ചു. മെര്‍സല്‍ ലൊക്കേഷനില്‍ വെച്ച് വിജയ്‌ക്കൊപ്പം എടുത്ത ഒരു ചിത്രവും പങ്കുവെച്ചുകൊണ്ടായിരുന്നു നടന്‍ എത്തിയിരുന്നത്.

നടന്റെ പോസ്റ്റ് കാണൂ