പഞ്ചാബി ഹൗസില്‍ ഹരിശ്രീ അശോകന്‍ വികാരഭരിതനാകുന്ന രംഗം ഡിലീറ്റ് ചെയ്തത് എന്തിന്?

വികാരഭരിതനാകുന്ന രംഗമുണ്ടായിരുന്നു

പഞ്ചാബി ഹൗസില്‍ താന്‍ വികാരഭരിതനാകുന്ന ഒരു രംഗമുണ്ടായിരുന്നു എന്നും അത് പിന്നീട് വെട്ടിമാറ്റിയതാണെന്നും ഹരിശ്രീ അശോകന്‍ പറഞ്ഞു.

എന്തായിരുന്നു ആ രംഗം

ഒരു വൈകുന്നേരും കഞ്ഞി എടുത്ത് കൈയ്യില്‍ വച്ചിട്ട് കുടിക്കാതിരിക്കുന്ന രമണന്‍. ഉണ്ണി പിറകിലൂടെ വന്ന് ചോദിക്കും, രമണാ നിനക്ക് എന്നോട് ദേഷ്യമാണോ. അപ്പോള്‍ രമണന്‍ പറയും, ഞാനെന്തിനാണ് ദേഷ്യപ്പെടുന്നത്. സ്‌നേഹിച്ചാല്‍ ചങ്ക് പറിച്ചുകൊടുക്കുന്നവനാണ് ഈ രമണന്‍. ഞാനിവിടെ കിടന്ന് കഷ്ടപ്പെടുന്നത് എന്തിനാണെന്ന് നീ വിചാരിക്കുന്നുണ്ടാവും. മരിക്കാന്‍ നേരത്ത് കഞ്ഞി തന്ന ആളാണ് എന്റെ മൊതലാളി. പിന്നെ എല്ലാ വേദനയിലും ഒരു സുഖം കണ്ടെത്താന്‍ ഞാന്‍ ശ്രമിക്കും- എന്ന് ഹരിശ്രീ അശോകന്‍ പറയുന്നതാണ് രംഗം

എന്തുകൊണ്ട് ആ രംഗം ഒഴിവാക്കി

സിനിമയില്‍ മുഴുനീള ഹാസ്യ കഥാപാത്രമായി എത്തുന്നയാളാണ് രമണന്‍. പെട്ടന്ന് ഒരു രംഗത്ത് അയാള്‍ വികാരഭരിതനായാല്‍ പിന്നീടങ്ങോട്ട് അത് വലിയ കുഴപ്പമാവും. അതുകൊണ്ടാണ് ആ രംഗം ഒഴിവാക്കിയത് എന്ന് ഹരിശ്രീ അശോകന്‍ പറയുന്നു

ഹരിശ്രീ അശോകന്‍ പറയുന്നത് കേള്‍ക്കാം

ആ രംഗം ഒഴിവാക്കിയതിനെ കുറിച്ച് ഹരിശ്രീ അശോകന്‍ ജെബി ജംഗ്ഷനില്‍ പറഞ്ഞത് എന്താണെന്ന് കേള്‍ക്കാം