സെറ്റിൽ കൂടെ വരുന്നത് വിഷ്ണുവേട്ടൻ!! അദ്ദേഹത്തിന്റെ അമ്മയും അച്ഛനും ഇങ്ങനെയാണ്, വെളിപ്പെടുത്തി അനു

ചെറുപ്പത്തിലെയുളള ആഗ്രഹം

സിനിമയിൽ അഭിനയിക്കാൻ ആഗ്രഹമില്ലാത്തവർ ഉണ്ടാകുമോ? ചിലർ അത് തുറന്നു പറയുകയില്ല. എന്നാൽ ഞാൻ ചെറുപ്പത്തിൽ തന്നെ പറഞ്ഞിരുന്നു. എനിക്ക് സിനിമയിൽ അഭിനയിക്കണമെന്ന്. എന്നാൽ വിവാഹത്തിനു ശേഷമാണ് സിനിമയിൽ സജീവമാകുന്നതെന്നും താരം പറഞ്ഞു.

വിഷ്ണുവേട്ടനും കുടുംബവും

വിഷ്ണു ഏട്ടന്റേയും കുടുംബത്തിന്റേയും പിന്തുണ വളരെ വലുതാണ്. എനിക്കൊപ്പം സിനിമ സെറ്റിൽ കൂടെ വരുന്നത് വിഷ്ണു ഏട്ടനാണ്. അതുപോലലെ വിഷ്ണുവേട്ടന്റെ അമ്മയുടേയും അച്ഛന്റേയും പിന്തുണ വളരെ വലുതാണ്. ടിവിയിൽ ചെറിയ പരസ്യം വന്നാൽ പോലു അമ്മയും അച്ഛനും വിടാതെ കാണും.

ജീവിതവുമായി റിലേറ്റ് ചെയ്യാൻ പറ്റുന്ന കാര്യങ്ങൾ

അനു സിത്താരയുടെ ഏറ്റവും പുതിയ ചിത്രമാണ് ആന്റ് ദ് ഓസ്കാർ ഗോസ് ടു. ചിത്രത്തെ കുറിച്ചും താരം മനസ്സ് തുറന്നു. സിനിമയിൽ എത്താൻ കഷ്ടപ്പെടുന്ന ഒരുപാട് പേരുടെ കഥയാണ് ഒസ്കാർ ഗോസ് ടു. എന്റെ ജീവിതവുമായും അല്ലെങ്കിൽ എന്റെ സുഹൃത്തുകളുടെ ജീവിതവുമായി റിലേറ്റ് ചെയ്യാൻ പറ്റുന്ന ഒരുപാട് കാര്യങ്ങൾ ഈ ചിത്രത്തിലുണ്ട്. കൂടാതെ സലീമിക്കയെപ്പോലെയുള്ള ( സലിം അഹമ്മദ്) സംവിധായകർ സിനിമയിൽ അഭിനയിക്കാൻ വിളിച്ചാൽ ഒന്നും ആലോചിക്കേണ്ട കാര്യമില്ലെന്നും താരം പറയുന്നു.

വരാൻ പോകുന്നത്

മികച്ച പ്രേക്ഷക സ്വീകാര്യതയാണ് ആന്റ് ദ് ഓസ്കാർ ഗോസ് ടു വിന് ലഭിക്കുന്നത്. ഇനി പുറത്തു വരാനുള്ളത് ദിലീപ് കേന്ദ്രകഥാപാത്രത്തെ അവതരിപ്പിക്കുന്ന ചിത്രമായ ശുഭരാത്രിയാണ്. ദീലീപിനോടൊപ്പം അനു ആദ്യമായി അഭിനയിക്കുന്ന ചിത്രം കൂടിയാണിത്. ജൂലൈ 6 ന് ചിത്രം തിയേറ്ററുകളിൽ എത്തും. മമ്മൂട്ടി ചിത്രമായ മാമാങ്കത്തിൽ പ്രധാന കഥാപാത്രത്തെ അനു സിത്താര അവതരിപ്പിക്കുന്നുണ്ട്. ചിത്രത്തിന്റെ ഷൂട്ടിങ് നടക്കുകയാണ്. എം പദ്മകുമാറാണ് ചിത്രം സംവിധാനം ചെയ്യുന്നത്.