ഞണ്ടുകളുടെ നാട്ടില്‍ നിന്നും കളഞ്ഞ സീനുകള്‍ പുറത്ത് വന്നു! ഷറഫൂദ്ദീന്റെ കോമഡി സൂപ്പറായിരുന്നു!!

ഞണ്ടുകളുടെ നാട്ടില്‍ ഒരിടവേള

നവാഗതനായ അല്‍താഫ് അലി സംവിധാനം ചെയ്ത സിനിമയാണ് ഞണ്ടുകളുടെ നാട്ടില്‍ ഒരിടവേള. നിവിന്‍ പോളി നായകനായി എത്തിയ സിനിമ ഓണത്തിന് തിയറ്ററുകളിലെത്തിയ സിനിമകളില്‍ മികച്ച അഭിപ്രായം നേടിയായിരുന്നു പ്രദര്‍ശനം നടത്തിയത്.

ഒഴിവാക്കിയ രംഗങ്ങള്‍ പുറത്ത്

സിനിമയില്‍ നിന്നും സാങ്കേതിക തടസ്സം നേരിട്ടതിന്റെ പേരില്‍ ഒഴിവാക്കിയ സീനുകള്‍ പുറത്ത് വന്നിരിക്കുകയാണ്. നിവിന്‍ പോളിയാണ് ഫേസ്ബുക്കിലൂടെ രംഗങ്ങള്‍ പുറത്ത് വിട്ടത്.

സെമിത്തേരി സീന്‍

നടന്‍ ഷറഫൂദീനും നിവിന്‍ പോളിയും ചേര്‍ന്ന് സെമിത്തേരിയില്‍ നിന്നുമുള്ള കോമഡി രംഗമാണ് പുറത്ത് വന്നതില്‍ ഒരു രംഗം. മറ്റൊന്ന് നിവിന്റെ കഥാപാത്രമായ കുര്യന്‍ ചാക്കോയും ഫാമിലിയുടെയും രംഗങ്ങളാണ്.

കുടുംബചിത്രം

ഞണ്ടുകളുടെ നാട്ടില്‍ ഒരിടവേള പ്രധാനമായും ലക്ഷ്യം വെച്ചിരുന്നത് കുടുംബ പ്രേക്ഷകരെയാണ്. അതിനാല്‍ തന്നെ പൂര്‍ണമായും കുടുംബ ചിത്രമായിട്ടായിരുന്നു സിനിമ നിര്‍മ്മിച്ചിരിക്കുന്നത്.

പ്രധാന കഥാപാത്രങ്ങള്‍

സിനിമയില്‍ നിവിന്‍ പോളിയ്‌ക്കൊപ്പം ലാല്‍, ശാന്തി കൃഷ്ണ, ആഹാന കൃഷ്ണ കുമാര്‍, ഐശ്വര്യ ലക്ഷ്മി എന്നിവരാണ് പ്രധാന കഥാപാത്രത്തെ അവതരിപ്പിച്ചിരുന്നത്.

ഓണചിത്രം

ചിത്രം ഓണത്തിന് മുന്നോടിയായിട്ടായിരുന്നു തിയറ്ററുകളില്‍ റിലീസ് ചെയ്തിരുന്നത്. ആദ്യ ദിനം മുതല്‍ മികച്ച പ്രതികരണം കാഴ്ച വെച്ചു കൊണ്ടായിരുന്നു സിനിമയുടെ പ്രദര്‍ശനം നടന്നു കൊണ്ടിരിക്കുന്നത്.