രാജ്യത്തിന്റെ ഹീറോ; മേജര്‍ സന്ദീപ് ഉണ്ണികൃഷ്ണന്റെ ജന്മദിനത്തിൽ ആദാരഞ്ജലികള്‍ അര്‍പ്പിച്ച് ആദിവി ശേഷ്

2008ലെ മുംബൈ ഭീകരാക്രമണത്തില്‍ കൊല്ലപ്പെട്ട മേജര്‍ സന്ദീപ് ഉണ്ണികൃഷ്ണന്റെ ജന്മദിനത്തിൽ ആദാരഞ്ജലികള്‍ അര്‍പ്പിച്ച് മേജര്‍ സിനിമയുടെ അണിയറപ്രവര്‍ത്തകര്‍. സന്ദീപ് ഉണ്ണികൃഷ്ണന്റെ ജീവിത കഥ പറയുന്ന മേജര്‍ എന്ന സിനിമയിലെ നായകന്‍ ആദിവ് ശേഷാണ് ചിത്രത്തിന്റെ ഫസ്റ്റ് ഗ്ലീമ്പ്‌സ് പുറത്ത് വിട്ടത്. നേരത്തെ മേജര്‍ സന്ദീപ് ഉണ്ണികൃഷ്ണന്റെ ചരമവാര്‍ഷികത്തില്‍ 'മേജര്‍ ബിഗിനിംഗ്സ്' എന്ന പേരില്‍ വീഡിയോ പുറത്തുവിട്ടിരുന്നു. ശശി കിരണ്‍ ടിക്കയാണ് ചിത്രം സംവിധാനം ചെയ്യുന്നത്. 2020 ഓഗസ്റ്റിലാണ് ചിത്രത്തിന്റെ ഷൂട്ടിംഗ് ആരംഭിച്ചത്.

26/11 ആക്രമണത്തിലെ വീരോചിതമായ ത്യാഗത്തിനും ധീരതയ്ക്കും ഞങ്ങൾ എല്ലാവരും അദ്ദേഹത്തെ ഓർക്കുന്നു, പക്ഷേ അതുവരെ അദ്ദേഹം എങ്ങനെ തന്റെ ജീവിതം നയിച്ചു എന്ന് പലർക്കും അറിയില്ല. മേജർ തന്റെ ജീവിത ശൈലി ആഘോഷിക്കുന്നു, അവന്റെ ത്യാഗം മാത്രമല്ല. ഒരു ജന്മദിനത്തിൽ ഒരു മകനെ, ഒരു സുഹൃത്തിനെ, ഒരു പട്ടാളക്കാരനെന്ന നിലയിൽ അദ്ദേഹത്തെ ഓർമ്മിക്കുന്നത്, അദ്ദേഹത്തെയും അദ്ദേഹത്തിന്റെ ധാർമ്മികതയെയും ആഘോഷിക്കാൻ ഞാൻ ആഗ്രഹിച്ചു. " എന്ന് ചിത്രത്തിലെ നായകൻ ആയ ആദിവി ശേഷ് പറഞ്ഞു.

2008ലെ ഭീകരാക്രമണത്തിനിടെ 14 സിവിലിയന്മാരെ രക്ഷിച്ച എന്‍.എസ്.ജി കമാന്‍ഡോയാണ് മേജര്‍ ഉണ്ണികൃഷ്ണന്‍. എല്ലാ വർഷവും മേജർ സന്ദീപ് ഉണ്ണികൃഷ്ണന്റെ ജന്മവാർഷികത്തിന് 'രാജ്യമെമ്പാടുമുള്ള ആളുകൾ ആദരാഞ്ജലി അർപ്പിക്കുകയും അദ്ദേഹത്തിന്റെ വീരകൃത്യങ്ങൾ ഓർമ്മിക്കുകയും ചെയ്യാറുണ്ട്. ഇതിനോടുള്ള ആദരവിന്റെ അടയാളമായി, മേജർ സന്ദീപ്പിന് ആദരാഞ്ജലി അർപ്പിക്കുന്നതിനായി ആളുകൾക്ക് ഒരു മൈക്രോ സൈറ്റ് ആരംഭിച്ചു, അവരുടെ ചിന്തകൾ മാത്രമല്ല, അദ്ദേഹത്തെ ഓർമ്മിക്കുന്ന ചിത്രങ്ങളും വീഡിയോകളും ഈ സൈറ്റിൽ പങ്ക് വെയ്ക്കും.

നടന്‍ മഹേഷ് ബാബുവിന്റെ ഉടമസ്ഥതയിലുള്ള ജി.മഹേഷ് ബാബു എന്റര്‍ടെയ്ന്‍മെന്റ്സും സോണി പിക്‌ചേഴ്‌സ് ഇന്റര്‍നാഷണല്‍ പ്രൊഡക്ഷന്‍സും ചേര്‍ന്നാണ് ഹിന്ദിയിലും തെലുങ്കിലുമായി മേജര്‍ എന്ന ചിത്രമൊരുക്കുന്നത്. നവംബര്‍ 27 നായിരുന്നു മേജര്‍ സന്ദീപ് ഉണ്ണികൃഷ്ണന്‍ മുംബൈയില്‍ രക്ഷാപ്രവര്‍ത്തനത്തിനിടെ കൊല്ലപ്പെട്ടത്. സിനിമയില്‍ ഒപ്പിട്ടത് മുതല്‍ സന്ദീപ് ഉണ്ണികൃഷ്ണന്റെ മാതാപിതാക്കളെ കണ്ടുമുട്ടിയത് വരയുള്ള സംഭവങ്ങള്‍ അദിവ് വിഡീയോയില്‍ പറഞ്ഞിരുന്നു. 2020 ഓഗസ്റ്റിലാണ് ചിത്രത്തിന്റെ ഷൂട്ടിംഗ് ആരംഭിച്ചത്. പരിക്കു പറ്റിയ സൈനികനെ രക്ഷിക്കുന്നതിനിടെയായിരുന്നു ഉണ്ണികൃഷ്ണന്‍ വെടിയേറ്റു മരിച്ചത്. കോഴിക്കോട് ജില്ലയിലെ ചെറുവണ്ണൂരിലാണ് സന്ദീപ് ഉണ്ണികൃഷ്ണന്‍ ജനിച്ചത്. പിന്നീട് ബെംഗളൂരുവിലേക്ക് താമസം മാറുകയായിരുന്നു.

Recommended Video

'ഗൂഡാചാരി' ഫെയിം ശശി കിരണ്‍ ടിക്ക സംവിധാനം ചെയ്ത ചിത്രം 2021 ലോകവ്യാപകമായി സമ്മര്‍ റിലീസ് ചെയ്യാനാണ് തീരുമാനം. ചിത്രത്തില്‍ ശോഭിത ധൂലിപാല, സെയ് മഞ്ജരേക്കര്‍, പ്രകാശ് രാജ്, രേവതി എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. പി.ആര്‍.ഒ ആതിര ദില്‍ജിത്ത്.