ഹമ്മോ അമ്മ വേഷമോ എന്ന് പറഞ്ഞ് തിരിഞ്ഞോടുന്നവര്‍ ഇത് കേള്‍ക്കൂ, മീനയ്ക്കുണ്ട് വ്യക്തത

ഇമേജിന് അടിമപ്പെടാറില്ല

ഇമേജിന് ഒരിക്കലും അടിമപ്പെടുന്ന ഒരഭിനേത്രിയല്ല ഞാന്‍. വിവാഹത്തിനുമുമ്പും ഞാന്‍ ധൈര്യപൂര്‍വ്വം അമ്മ വേഷം സ്വീകരിച്ചിട്ടുണ്ട് എന്ന് മീന പറയുന്നു.

വിവാഹത്തിന് മുന്‍പും വിവാഹ ശേഷവും

അവ്വൈഷണ്‍മുഖിയും കഥ പറയുമ്പോഴും വിവാഹത്തിന് മുമ്പ് ഞാന്‍ അമ്മ വേഷത്തിലഭിനയിച്ച ഏറ്റവും ശ്രദ്ധിക്കപ്പെട്ട ചിത്രങ്ങളായിരുന്നു. വിവാഹശേഷം അഭിനയിച്ച ദൃശ്യവും പ്രേക്ഷകര്‍ രണ്ടുകയ്യും നീട്ടി സ്വീകരിച്ചു.

ഞാന്‍ ഭയക്കുന്നില്ല

ഞാന്‍ എന്നും എന്റെ കഥാപാത്രങ്ങള്‍ക്കാണ് പ്രാധാന്യം നല്‍കുന്നത്. ഇമേജിനെ ഞാന്‍ ഒരിക്കലും ഭയപ്പെട്ടിട്ടില്ല എന്ന് മീന വ്യക്തമാക്കി

പുതിയ ചിത്രം

മുന്തിരി വള്ളികള്‍ തളിര്‍ക്കുമ്പോള്‍ എന്ന ചിത്രമാണ് ഇനി മീനയുടേതായി റിലീസിനൊരുങ്ങുന്നത്. മോഹന്‍ലാലിന്റെ നായികയായി അഭിനയിക്കുന്ന ഈ ചിത്രത്തിലും മീന വീട്ടമ്മയാണ്.