കാഞ്ചനമാലയെ വിട്ടുകൊടുത്തതിനാണോ...ടൊവിനോ തോമസിനോട് നന്ദി പറഞ്ഞ് പൃഥ്വിരാജ്

എസ്ര എന്ന ചിത്രത്തില്‍

ജെ കൃഷ്ണന്‍ സംവിധാനം ചെയ്യുന്ന എസ്ര എന്ന ഹൊറര്‍ ചിത്രത്തില്‍ പൃഥ്വിരാജിനൊപ്പം ഒരു കഥാപാത്രമായി ടൊവിനോ തോമസ് എത്തുന്നുണ്ട്. ഒരു പൊലീസ് ഉദ്യോഗസ്ഥന്റെ വേഷമാണ് ചിത്രത്തില്‍ ടൊവിനോയ്ക്ക്.

പൃഥ്വി പറയുന്നത്

എസ്രയുമായി സഹകരിച്ചതിന് ടൊവീനോ തോമസിന് നന്ദി. താനുമായും സംവിധായകനുമായുമുള്ള സൗഹൃദത്തിന്റെ പുറത്താണ് ടൊവിനോ ഈ കഥാപാത്രത്തെ ഏറ്റെടുത്തത്. വലിയൊരു നടനായിട്ടു കൂടെ യാതൊരു മടിയുമില്ലാത്തെ അദ്ദേഹം എസ്രയില്‍ വന്ന് അഭിനയിച്ചു എന്ന് പൃഥ്വി പറയുന്നു.

ടൊവിനോയും പൃഥ്വിയും

ശ്യാംധര്‍ സംവിധാനം ചെയ്ത സെവന്‍ത് ഡേ എന്ന ചിത്രത്തിന് വേണ്ടിയാണ് പൃഥ്വിരാജും ടൊവിനോ തോമസും ആദ്യമായി ഒന്നിച്ചഭിനയിച്ചത്. തുടര്‍ന്നാണ് എന്ന് നിന്റെ മൊയ്തീനും ഇപ്പോള്‍ എസ്രയും ചെയ്തത്.

ടൊവിനോ തിരക്കിലാണ്

അതേ സമയം സഹതാരമായി പ്രാധാന്യമുള്ള കഥാപാത്രങ്ങള്‍ ചെയ്യുമ്പോഴും നായകന്‍ എന്ന നിലയിലും ടൊവിനോ തന്റെ സ്ഥാനമുറപ്പിയ്ക്കുന്നു. ടൊവിനോ കേന്ദ്ര കഥാപാത്രമായി എത്തുന്ന ഒരു മെക്‌സിക്കന്‍ അപാരത, ഗോദ്ധ എന്നീ ചിത്രങ്ങള്‍ റിലീസിന് തയ്യാറെടുക്കുകയാണ്.