ഷമ്മി എല്ലാവരേയും പേടിപ്പിച്ചു!! എന്നാൽ തനിയ്ക്ക് അങ്ങനെയല്ല, ഷമ്മിയെ കുറിച്ച് ഫഹദ് ഫാസിൽ

ഷമ്മിയായി ഫഹദ് ഫാസിൽ

വരത്തനിലെ സൂപ്പർ ഹിറ്റ് വിജയത്തിനു ശേഷമാണ് ഫഹദ് ഫാസിൽ കുമ്പളങ്ങി നൈറ്റ്സിൽ എത്തുന്നത്. എല്ലാവരേയും അമ്പരപ്പിക്കുന്ന പ്രകടനമായിരുന്നു താരത്തിന്റേത്. ഇതുവരെ കണ്ടിരുന്ന ഫഹദിനെയല്ല കുമ്പളിങ്ങിയിൽ കണ്ടത്. താരം കെട്ടിപ്പൊക്കിയ ഇമേജുകൾ തകർക്കുന്ന വിധത്തിലുളള ഉഗ്രൻ പ്രകടനമായിരുന്നു ചിത്രത്തിലേത്. ഷമ്മിയിൽ മറ്റൊരു ഫഹദ് ഫാസിലിനെയാണ് താരം കണ്ടത്.

ഷമ്മിയെ ഭയമോ

ആരും അമ്പരക്കുന്ന തരത്തിലുള്ള പ്രകടനമായിരുന്നു ഫഹദിന്റേത്. ആണധികാരത്തിന്റെ എല്ലാ ഭാവങ്ങളും പേറുന്നതും, കൂടെ ചില്ലറ വേലത്തരങ്ങളുമുള്ള പക്ക നെഗറ്റീവ് ഷെയ്ഡ് കഥാപാത്രമാണ് ഷമ്മി. എന്നാൽ ഈ കഥാപാത്രം ചെയ്യാൻ ഒട്ടും ഭയമില്ലായിരുന്നെന്നും ഫഹദ് പറയുന്നു. കൂടാതെ കുമ്പളങ്ങി നൈറ്റ്സിനെ കുറിച്ചുളള ഷൂട്ടിങ് അനുഭവവും നസ്രിയയ്ക്കൊപ്പം നിർമ്മാതാവിന്റ കുപ്പായമണിഞ്ഞതിനെ കുറിച്ചുളള അനുഭവവും താരം തുറന്നു പറയുന്നുണ്ട്.

തന്നെക്കാലും സ്പെയ്സ് അവർക്ക്

ഫഹദിനെക്കാലും സിനിമയിൽ സ്പെയിസ് ഉണ്ടായിരുന്നത് മറ്റുള്ള താരങ്ങൾക്കായിരുന്നു. എന്നാൽ എല്ലാ താരങ്ങൾക്കും കൃത്യമായ സ്ക്രീൻ പ്രസൻസോടെയായിരുന്നു ചിത്രത്തിൽ അവതരിപ്പിച്ചത്. ഇതിനെ കുറിച്ചുള്ള കൃത്യമായ ധാരണ ദിലീഷ് പോത്തനും സംവിധായകൻ മഹേഷ് സി നാരായണനും ഉണ്ടായിരുന്നെന്ന് ഫഹദ് അഭിമുഖത്തിൽ പറയുന്നു. കൂടാതെ തനിയ്ക്ക തന്റെ ഇമേജിനെ കുറിച്ച് ഒരു തരത്തിലുമുള്ള ഭയമില്ലായിരുന്നെന്നും താരം കൂട്ടിച്ചേർത്തു.

നിർമ്മണത്തിലുളള കെമിസ്ട്രി

സിനിമയിലേയും ജീവിതത്തിലേയും നസ്രിയ -ഫഹദ് കെമിസ്ട്രി പ്രേക്ഷകർ കണ്ടതാണ്. എന്നാൽ ഒരുമിച്ചുളള സിനിമ നിർമ്മാണ അനുഭവത്തെ കുറിച്ച് ഫഹദ് പങ്കുവെയ്ക്കുകയാണ്. ഉത്തരവാദിത്തങ്ങൾ തങ്ങൾ പങ്കുവെയ്ക്കുകയായിരുന്നു. എനിയ്ക്ക് ഷൂട്ട് ഉള്ളപ്പോൾ അവൽ പ്രൊഡക്ഷൻ ജോലികൾ നോക്കു. അവളുടെ പിന്തുണ തന്നെ കൂടുതൽ കരുത്തനാക്കിയെന്നും താരം പറയുന്നു.