ജയഭാരതി-സത്താര്‍ വിവാഹ ബന്ധത്തില്‍ സംഭവിച്ചത്, രണ്ട് പേരുമായുളള സൗഹൃദത്തെ കുറിച്ച് ഇബ്രാഹിംകുട്ടി

ജയഭാരതിയോടുളള ആരാധനയും അവരോടൊപ്പം ഒരുമിച്ച് പ്രവര്‍ത്തിക്കാന്‍ സാധിച്ചതുമെല്ലാം ഇബ്രാഹിംകുട്ടി പറയുന്നു. 'ജയഭാരതിയോടൊപ്പം അഭിനയിക്കാനും ഒരുപാട് നേരം സംസാരിക്കാനുമൊക്കെ ഭാഗ്യം ലഭിച്ചിട്ടുണ്ട്. ഷോട്ടില്‍ നില്‍ക്കുമ്പോഴും ലൊക്കേഷനിലാണെങ്കിലും പോസിറ്റീവായിട്ടുളള വ്യക്തിയാണ് ജയഭാരതി. അവര്‍ എപ്പോഴും മിസ്റ്റര്‍ ചേര്‍ത്താണ് എല്ലാവരെയും വിളിക്കുക. നമ്മളോട് നാട്ടിലെ വിശേഷങ്ങളെല്ലാം തിരക്കും. കാരണം മദ്രാസിലാണ് അന്ന് മലയാള സിനിമകളുടെ ചിത്രീകരണം കൂടുതല്‍ നടന്നത്'.

'ഒരു ഫാമിലി വുമണാണ് ജയഭാരതി. കാരണം കുടുംബത്തോട് അത്രയും ചേര്‍ന്നുനിന്നിട്ടുണ്ട് അവര്‍. ചെറുപ്പം മുതല്‍ സഹോദരങ്ങളുടെ എല്ലാം കാര്യങ്ങളില്‍ ഭയങ്കര ഇന്‍വോള്‍വ്ഡ് ആയിരുന്നു. അതുകൊണ്ട് എന്നോട് വീട്ടുകാര്യങ്ങളും കുടുംബ കാര്യങ്ങളുമെല്ലാം ചോദിച്ചറിയാന്‍ വലിയ താല്‍പര്യമാണ്. അവരോട് ഞാന്‍ പഴയ താരങ്ങളെ കുറിച്ചൊക്കെ ചോദിച്ചു. നസീര്‍ സാറ്, സത്യന്‍ സാറ് അങ്ങനെയുളളവര്‍ക്കൊപ്പം എല്ലാം പ്രവര്‍ത്തിച്ച അനുഭവങ്ങള്‍ ഞാന്‍ ചോദിച്ച് അറിഞ്ഞു', ഇബ്രാഹിംകുട്ടി പറയുന്നു.

'ഭാരതി ചേച്ചിയുമായി പ്രവര്‍ത്തിച്ചതുകൊണ്ട് തന്നെ സത്താര്‍ക്കയുമായി എനിക്ക് നല്ല അടുപ്പമുണ്ട്. സത്താര്‍ ഇക്ക വരുമ്പോള്‍ എന്നെ കാണുകയും സംസാരിക്കുകയുമൊക്കെ ചെയ്യും. കൂടാതെ എന്റെ താമസസ്ഥലത്തൊക്കെ വന്നു. പുളളിയുടെ വീട് ആലുവയിലാണ്. ജയഭാരതി- സത്താര്‍ വിവാഹം അന്ന് വലിയ വിഷയമായിരുന്നു. ഭാരതി മതം മാറി, വേറെ പേര് സ്വീകരിച്ചു എന്നൊക്കെ സംസാരം ഉണ്ടായി'.

'കുറെകാലം കഴിഞ്ഞ് അവര്‍ രണ്ട് പേരും സെപറേറ്റ് ആയി. സെപറേറ്റ് ആയി എന്ന് പറഞ്ഞാല്‍ പൂര്‍ണമായി സെപറേറ്റ് ആയിട്ടുണ്ടോ എന്ന് ചോദിച്ചാല്‍ ആയിട്ടില്ല. എനിക്കറിയുന്ന കാര്യമാണ് പറഞ്ഞത്. ഡിവോഴ്‌സിന്‌റെ കാര്യങ്ങളിലേക്ക് ഒന്നും എത്തിയിട്ടില്ല. രണ്ട് പേരും രണ്ട് ചുറ്റുപാടില്‍ വളര്‍ന്ന ആളുകളാണ്'.

Recommended Video

Sreesanth act as a CBI officer in a Bollywood movie | FilmiBeat Malayalam

'സത്താര്‍ക്ക ഒരു സമ്പന്ന കുടുംബത്തില്‍ വളര്‍ന്നയാളാണ്. ജയഭാരതിയെ സംബന്ധിച്ച് കുറെയധികം ഉത്തരവാദിത്തങ്ങളുണ്ടായിരുന്നു. അപ്പോ പ്ലാന്ഡ് ആയിട്ടാണ് ജീവിച്ചത്. സത്താര്‍ക്ക കുറച്ച് അയഞ്ഞ ആളാണ്. ഒരിക്കല്‍ പോലും ജയഭാരതി ചേച്ചിയുടെ പണം അങ്ങനെ ചെലവാക്കി സത്താര്ക്ക ജീവിച്ചിട്ടില്ല എന്നൊക്കെയാണ് എന്റെയടുത്ത് പറഞ്ഞിട്ടുളളത്', ഇബ്രാഹിംകുട്ടി പറഞ്ഞു.