അഞ്ച് നായികമാരെ വളയ്ക്കാന്‍ ഓരോ ഗെറ്റപ്പോ.. ഒരു സിനിമയില്‍ ദുല്‍ഖറിന്റെ വേഷപ്പകര്‍ച്ച

ഗ്യാങ്സ്റ്റര്‍ ലുക്ക്

ഗ്യാങ്സ്റ്റര്‍ ലുക്കിലാണ് ഒരു ചിത്രത്തില്‍ ദുല്‍ഖര്‍ എത്തുന്നത്. ദുല്‍ഖറിനൊപ്പം പ്രധാന്യമുള്ള കഥാപാത്രമായി മനോജ് കെ ജയനും വേഷമിടുന്നു. ദുല്‍ഖറിന്റെ വളര്‍ത്തച്ഛന്‍ ആയിട്ടാണ് മനോജ് കെ ജയന്‍ എത്തുന്നത് എന്ന റിപ്പോര്‍ട്ടുണ്ട്.

ആര്‍മി ലുക്ക്

അഞ്ച് ചിത്രങ്ങളില്‍ ഒന്നില്‍ ആര്‍മി ഓഫീസറായിട്ടാണ് ദുല്‍ഖര്‍ എത്തുന്നത്. രാമചന്ദ്രന്‍ എന്നാണ് കഥാപാത്രത്തിന്റെ പേര്. നടന്‍ നാസര്‍ ദുല്‍ഖറിന്റെ അച്ഛനായി അഭിനയിക്കുന്നു. നേരത്തെ ദുല്‍ഖറിന്റെ ചാര്‍ലിയില്‍ അതിഥി താരമായി നാസര്‍ എത്തിയിരുന്നു.

കണ്ണടയും താടിയുമായി ഒരു ലുക്ക്

മറ്റൊരു ഗെറ്റപ്പാണിത്. കണ്ണടയും താടിയുമൊക്കെയായി ഒരു ന്യൂ ജനറേഷന്‍ ബുദ്ധിജീവി ലുക്ക്. അലനസാണ് എന്ന് തോന്നിപ്പിയ്ക്കുന്ന തരത്തില്‍. ഈ ചിത്രത്തിലാണ് മോഡല്‍ രംഗത്ത് നിന്നും വരുന്ന ആര്‍തി വെങ്കിടേഷ് വേഷമിടുന്നത്.

റോക്‌സ്റ്റാര്‍

താടിയും മുടിയും നീട്ടി വളര്‍ത്തി തീര്‍ത്തും വ്യത്യസ്തമായ, ആരാധകര്‍ ഒരിക്കലും കാണാത്ത ദുല്‍ഖറിന്റെ ഒരു ലുക്ക്. റോക് സ്റ്റാറായിട്ടാണ് ഈ ചിത്രത്തില്‍ താരപുത്രന്‍ എത്തുന്നത്.