For Quick Alerts
    ALLOW NOTIFICATIONS  
    For Daily Alerts

    മാക്ടയുടെ വിലക്ക്‌: ദീലിപിന്‌ അമ്മയുടെ പിന്തുണ

    By Staff
    |

    ദിലീപിനെതിരെ വിലക്ക്‌ ഏര്‍പ്പെടുത്താനുള്ള മാക്ടയുടെ തീരുമാനം അംഗീകരിയ്‌ക്കാനാവില്ലെന്ന്‌ അഭിനേതാക്കളുടെ സംഘടനയായ അമ്മ.

    ദിലീപിന്‌ വിലക്ക്‌ ഏര്‍പ്പെടുത്തിയ മാക്ടയുടെ പ്രഖ്യാപനം ചര്‍ച്ച ചെയ്യാന്‍ ചേര്‍ന്ന യോഗത്തിലാണ്‌ ദിലീപിന്‌ പിന്തുണ നല്‌കിക്കൊണ്ടുള്ള തീരുമാനം അമ്മ കൈക്കൊണ്ടത്‌.

    മാക്ട ജനറല്‍ സെക്രട്ടറി വിനയന്റെ നടപടികളെ യോഗം വിമര്‍ശിയ്‌ക്കുകയും ചെയ്‌തു. വിനയന്റെ ഏകപക്ഷീയമായ നിലപാടുകളാണ്‌ പ്രശ്‌നങ്ങളുടെ മുഖ്യ കാരണം.
    നിസ്സാര കാര്യങ്ങള്‍ പെരുപ്പിച്ച്‌ വിലക്ക്‌ ഏര്‍പ്പെടുത്താനുള്ള തീരുമാനത്തോട്‌ ഒരിയ്‌ക്കലും യോജിയ്‌ക്കാന്‍ കഴിയില്ല. ഒരു മേശയ്‌ക്കു ചുറ്റുമിരുന്ന്‌ ചര്‍ച്ച ചെയ്‌താല്‍ തീരുന്ന പ്രശ്‌നമേ ഇപ്പോഴുള്ളൂവെന്ന്‌ അമ്മ പ്രസിഡന്റ്‌ ഇന്നസെന്റ്‌ പറഞ്ഞു.

    അതെ സമയം എന്തൊക്കെയുണ്ടായാലും തുളസീദാസിന്റെ ചിത്രത്തില്‍ അഭിനയിക്കില്ലെന്ന ദിലീപ്‌ യോഗത്തില്‍ വ്യക്തമാക്കി. ആരുടെ ചിത്രത്തില്‍ അഭിനയിക്കണമെന്നത്‌ തന്റെ വ്യക്തി പരമായ കാര്യമാണെന്നും അദ്ദേഹം പറഞ്ഞു.

    ഇതോടെ ദിലീപ്- തുളസീദാസ് വിവാദത്തില്‍ മാക്ട തീര്‍ത്തും ഒറ്റപ്പെട്ടിരിയ്ക്കുകയാണ്. നേരത്തെ നിര്‍മ്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷനും ദിലീപിന് പിന്തുണയുമായി രംഗത്തെത്തിയിരുന്നു.

    ബന്ധപ്പെട്ട വാര്‍ത്തകള്‍

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X