ആദ്യം കളക്ടറിന്റെ പ്യൂൺ, ഇപ്പോൾ കളക്ടർ!! സുരാജിനോട് അസൂയ തോന്നിയ സന്ദർഭം പങ്കുവെച്ച് ഇന്നസെന്റ്

ഗംഭീരം അഭിനയം

സുരാജ് വെഞ്ഞാറൻമൂടിന്റെ കളക്ടറായിട്ടുളള അഭിനയം ഭംഗീരമായിരുന്നു എന്നാണ് ഇൻസെന്റ് പറ‍ഞ്ഞത്. സുരാജ് ആ വേഷം ചെയ്യുന്നത് കണ്ടിട്ട് തനിയ്ക്ക് അസൂയ പോലും തോന്നിപ്പോയെന്ന് അദ്ദേഹം ലൈവിൽ പറഞ്ഞു. കൂടാതെ വർഷങ്ങൾക്ക് മുൻപുള്ള സംഭവവം അദ്ദേഹം പ്രേക്ഷകരുമായി പങ്കുവെച്ചു. രഞ്ജിത് ശങ്കറിന്റെ തന്നെ ചിത്രമായ അർജുനൻ സാക്ഷിയിൽ കളക്ടറുടെ പരിചാരകനായിട്ടായിരുന്നു സുരാജ് എത്തിയത്. എന്നാൽ വർഷങ്ങൾ കഴിഞ്ഞു അന്നത്തെ അതേ സംവിധായകന്റെ ചിത്രത്തിൽ സുരാജ് കളക്ടറായിട്ടാണ് എത്തുന്നത് ഈ സംഭവം എടുത്തു പറഞ്ഞാണ് ഇന്നസെന്റ് സുരാജിന്റെ അഭിനയത്തെ പ്രശംസിച്ചത്. ജോജോ, ജുവൽ മേരി, അജു വർഗീസ്, ശേഭ എന്നിവരും മികച്ച പ്രകടനമായിരുന്നു ചിത്രത്തിൽ കാഴ്ചവെച്ചതെന്നും അദ്ദേഹം പറ‍ഞ്ഞു,

നല്ല തിരക്കഥ‌‌‌‌‌‌

ഞാൻ മേരിക്കുട്ടിയുടേത് വളരെ മനോഹരമായ തിരക്കഥയാണെന്നും അദ്ദേഹം പറ‍ഞ്ഞു. ആരും അധികം കൈവയ്ക്കാത്ത ഒരു മേഖലയാണിത്. സിനിമയുടെ തിരക്കഥയെ കുറിച്ചും സംവിധായകൻ രഞ്ജിത് ശങ്കറിനെ കുറിച്ചും സത്യൻ അന്തിക്കാട് പറഞ്ഞതും ഇന്നസെന്റ് ലൈവിൽ പങ്കുവെച്ചിരുന്നു. രഞ്ജിത് ശങ്കറിന്റെ എല്ലാ ചിത്രത്തിലും ഇത്തരത്തിലുളള ഒരു കഥകാണുമെന്ന് അദ്ദേഹം പറ‍ഞ്ഞിരുന്നു.

സിനിമ കാണുന്നത് വർഷങ്ങൾക്ക് ശേഷം

12 വർഷങ്ങൾക്ക് ശേഷമാണ് താനൊരു ചിത്രം തിയേറ്ററിൽ പോയി കാണുന്നതെന്നും അദ്ദേഹം പറഞ്ഞു. സത്യൻ അന്തിക്കാടിന്റെ ചിത്രമായ രസതന്ത്രമാണ് അവസാനമായി തിയേറ്ററിൽ പോയി കണ്ട സിനിമ. അതിനു ശേഷം പുറത്തിറങ്ങിയ ചിത്രങ്ങൾ കാണാതിരുന്നത് ആ സിനിമകളോടുള്ള വിഷമം കൊണ്ടല്ല. അതിൽ തനിയ്ക്ക് ഭേദപ്പെട്ട റോളുകൾ ചെയ്ത സിനിമകളിൽ ഇല്ലാത്തതു കൊണ്ടായിരുന്നു. അതിനാൽ പോയില്ല,' ഇന്നസെന്റ് പറഞ്ഞു.

പ്രേക്ഷകരുടെ കൈയടി

ഞാൻ മേരിക്കുട്ടി എന്ന ചിത്രം നമ്മുടെ സമൂഹത്തിലുള്ള ട്രാൻസ്ജെൻഡറായിട്ടുള്ള വ്യക്തികളെ കുറിച്ച് അറിവ് പകരുന്ന സിനിമയാണ്. ചിത്രത്തിൽ താൻ ചെയ്ത കഥാപാത്രം നന്നായി എന്നു പറയുന്നതിനേക്കാൾ ചിത്രം നന്നായിരുന്നു എന്ന് ആളുകൾ പറയുന്നതാണെന്നും അദ്ദേഹം കൂട്ടിച്ചേർത്തു. കൂടാതെ സിനിമ കണ്ടതിനു ശേഷം ആളുകൾ എഴുന്നേറ്റ് നിന്ന് കയ്യടിക്കുന്നു. കാണികളുടെ മനഃസംതൃപ്തിയാണ് ഇത് സൂചിപ്പിക്കുന്നതെന്നും ഇന്നസെന്റ് കൂട്ടിച്ചേർത്തു.