ടോണിക്കുട്ടന് വേണ്ടി ആ പഴയ ടിടിആര്‍ വീണ്ടും പാടി, കേട്ടുനോക്കൂ

നമ്പര്‍ 20 മദ്രാസ് മെയില്‍ എന്ന ചിത്രത്തിലെ ടോണിക്കുട്ടന് (മോഹന്‍ലാല്‍) വേണ്ടി ടിടിആര്‍ (ഇന്നസെന്റ്) പാടിയ 'ടോണിക്കുട്ടോ...' എന്ന് വിളിയ്ക്കുന്ന പാട്ട് കേരളത്തിലെ ഓരോ കുടിയന്മാരുടെയും പ്രിയപ്പെട്ടതാണ്. കുടിയന്മാര്‍ക്ക് മാത്രമല്ല കേരളീയര്‍ക്കു തന്നെ.

ആ പാട്ട് കേള്‍ക്കാന്‍ ആഗ്രഹിക്കുന്നവര്‍ക്ക് വേണ്ടിയും ടോണിക്കുട്ടന് വേണ്ടിയും ഇന്നസെന്റ് വീണ്ടും ആ പാട്ട് പാടി. മോഹന്‍ലാല്‍ നായകനാകുന്ന കനല്‍ എന്ന ചിത്രത്തിന്റെ ഷൂട്ടിങ് ലൊക്കേഷനില്‍ വച്ചാണ് അവിചാരിതമായി ആ രസകരമായ സംഭവം നടന്നത്.

എം പദ്മകുമാര്‍ മോഹന്‍ലാലിനെ നായകനാക്കി സംവിധാനം ചെയ്യുന്ന കനലിന്റെ ലൊക്കേഷന്‍ ട്രെയിനില്‍ വച്ചു നടന്നുകൊണ്ടിരിക്കുമ്പോഴാണ് ട്രെയിനില്‍ ഇന്നസെന്റിനെ കണ്ടു മുട്ടിയത്.

സിനിമയുടെ ചിത്രീകരണത്തിനിടെ തീവണ്ടിയില്‍ ഒരുമിച്ച് അഭിനയിക്കുന്നതിനിടെ മോഹന്‍ലാല്‍ ഈ ഗാനം ഒരിക്കല്‍ കൂടെ ആലപിക്കാന്‍ ആവശ്യപ്പെടുകയാണ്. ഏറെ നിര്‍ബന്ധിച്ചതിന് ശേഷം ഇന്നസെന്റ് പാടി, ' അഴകാന നീലി വരും പരു പോലെ ഓടിവരും കണ്ണാടി പോലെ വരും ടോണിക്കുട്ടാ ഇന്നെങ്കില്‍ നാളെ വരും ടോണിക്കുട്ടാ....കേട്ടു നോക്കൂ...