Don't Miss!
- News ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ...
- Automobiles എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Sports IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
മാനസിക പ്രശ്നങ്ങൾ മൂലം ചികിത്സയിൽ, സിനിമാ ചടങ്ങ് ഒഴിവാക്കി?; ഒടുവിൽ പ്രതികരിച്ച് ശ്രുതി ഹാസൻ
തെന്നിന്ത്യൻ സിനിമാ പ്രേക്ഷകർക്ക് സുപരിതയാണ് നടി ശ്രുതി ഹാസൻ. മറ്റ് താരപുത്രിമാരിൽ നിന്ന് വ്യത്യസ്തമായി കമൽ ഹാസന്റെ മകൾ എന്ന ലേബലിൽ നിന്നും മാറി കരിയറിൽ തന്റേതായ ഇടം നേടിയെടുത്ത നടിയാണ് ശ്രുതി ഹാസൻ. ഹിന്ദി സിനിമയിലാണ് തുടക്കം കുറിച്ചതെങ്കിലും നടിക്ക് കരിയർ വളർത്താനായാത് തെന്നിന്ത്യൻ സിനിമകളിലാണ്.
തമിഴ്, തെലുങ്ക് സിനിമകളിലെ മുൻ നിര നായിക നടി ആയ ശ്രുതി പ്രതിഫലക്കാര്യത്തിലും മുന്നിലാണ്. കരിയറിൽ ഉയർച്ച താഴ്ചകൾ വന്ന ശ്രുതിക്ക് ഇപ്പോൾ സിനിമകളിൽ കൈ നിറയെ അവസരമുണ്ട്. തെലുങ്കിൽ വാൽട്ടാർ വീരയ്യ, വീര സിംഹ റെഡി, സലാർ എന്നിവയാണ് നടിയുടെ പുതിയ സിനിമകൾ. ഇതിൽ സലാറിന്റെ ചിത്രീകരണം പൂർത്തിയായിട്ടില്ല.
നന്ദമൂരി ബാലകൃഷ്ണയ്ക്കൊപ്പം അഭിനയിച്ച വീര സിംഹ റെഡി, ചിരഞ്ജീവിക്കൊപ്പം അഭിനയിച്ച വാൽട്ടാർ വീരയ്യ എന്നിവയാണ് ശ്രുതി ഹാസന്റെ റിലീസ് ചെയ്ത സിനിമകൾ. തെലുങ്കിലെ രണ്ട് സൂപ്പർ സ്റ്റാറുകൾക്ക് ഒപ്പവും അഭിനയിച്ച സിനിമകൾ ഒരേസമയം പുറത്തിറങ്ങിയിരിക്കുകയാണ്. അതിനാൽ തന്നെ തെലുങ്ക് മാധ്യമങ്ങളിൽ നിറഞ്ഞ് നിൽക്കുകയാണ് ശ്രുതി ഹാസൻ.
ഇപ്പോഴിതാ തനിക്കെതിരെ വന്ന വ്യാജ വാർത്തയ്ക്കെതിരെ പ്രതികരിച്ചിരിക്കുകയാണ് ശ്രുതി ഹാസൻ. വാൽട്ടാർ വീരയ്യ എന്ന സിനിമയുടെ പ്രീ ലോഞ്ച് ഇവന്റിൽ ശ്രുതി ഹാസൻ പങ്കെടുത്തിരുന്നില്ല. ഇത് എന്ത് കൊണ്ടാണെന്ന് സംബന്ധിച്ച് പല തരം അഭ്യൂഹങ്ങൾ ഉയർന്നിരുന്നു.
നടി മാനസികമായ പ്രശ്നങ്ങൾ നേരിടുന്നുണ്ടെന്നും ചികിത്സ തേടുകയുമാണെന്നായിരുന്നു ഒരു റിപ്പോർട്ട്. ഇതിനെതിരെ രൂക്ഷമായാണ് ശ്രുതി ഹാസൻ പ്രതികരിച്ചിരിക്കുന്നത്. തനിക്ക് മാനസിക പ്രശ്നമല്ല പനി ആയിരുന്നെന്ന് നടി വ്യക്തമാക്കി.
A..." data-gal-src="malayalam.filmibeat.com/img/600x100/2023/01/shruti-1673596484.jpg">'ഇത് പോലുള്ള തെറ്റായ വിവരങ്ങളും ഇത്തരം വിഷയങ്ങളുടെ അമിതമായ നാടകീയ വൽക്കരണവും അശ്രദ്ധമായ കൈകാര്യം ചെയ്യലും ആണ് മാനസിക ആരോഗ്യത്തെക്കുറിച്ച് സംസാരിക്കാൻ ആളുകളെ ഭയപ്പെടുത്തുന്നത്. അത് നടക്കില്ല'
'ഞാൻ എപ്പോഴും മാനസികാരോഗ്യത്തെക്കുറിച്ച് സംസാരിക്കും. എല്ലാ തരത്തിലും സ്വയം ശ്രദ്ധ നൽകുന്നതിനെ ഞാൻ പ്രോത്സാഹിപ്പിക്കും. എനിക്ക് വൈറൽ പനി ആയിരുന്നു. ഇനി നിങ്ങൾക്ക് അത്തരം പ്രശ്നം വരികയാണെങ്കിൽ തെറാപിസ്റ്റിനെ കാണിക്കൂ, ശ്രുതി ഹാസൻ ഇൻസ്റ്റഗ്രാം സ്റ്റോറിയിൽ കുറിച്ചതിങ്ങനെ'
നേരത്തെ തനിക്ക് പിസിഒഎസ് ഉള്ള കാര്യം ശ്രുതി ഹാസൻ തുറന്ന് പറഞ്ഞിരുന്നു. ആർത്തവ സംബന്ധമായ പ്രശ്നങ്ങളെക്കുറിച്ച് സംസാരിക്കാൻ മടിക്കേണ്ടതില്ലെന്നും വണ്ണം വെക്കൽ, മൂഡ് സ്വിംഗ്സ്, മുടി കൊഴിച്ചിൽ, മുഖക്കുരു തുടങ്ങിയ നിരവധി പ്രശ്നങ്ങൾ സ്ത്രീകൾ അനുഭവിക്കുന്നുണ്ടെന്നും ശ്രുതി ഹാസൻ പറഞ്ഞു.
കരിയറിൽ തുടക്ക കാലത്ത് പ്ലാസ്റ്റിക് സർജറിയുടെ പേരിൽ ഏറെ വിമർശനങ്ങൾ ശ്രുതി ഹാസന് നേരെ വന്നിരുന്നു. എന്നാൽ ഇതിന് ശ്രുതി മറുപടി നൽകി.
പ്ലാസ്റ്റിക് സർജറി ചെയ്ത കാര്യം താൻ മറച്ച് വെക്കാതെ തുറന്ന് പറയുന്നുണ്ട്. നോസ് ജോബ് ചെയ്തത് സൗന്ദര്യം കൂട്ടാനല്ല. തന്റെ മൂക്കിന് പരിക്ക് പറ്റിയത് മൂലമാണ്. അതേസമയം ചുണ്ടുകൾക്ക് ലിപ് ഫില്ലറുകൾ ഉപയോഗിച്ചിട്ടുണ്ട്. തന്റെ ചുണ്ട് സ്വയം ഇഷ്ടമല്ലായിരുന്നു. ലിപ് ഫില്ലറുകളോട് ഭ്രമം തോന്നിയ ഒരു കാലഘട്ടം ഉണ്ടായിരുന്നു. എന്നാൽ ഇപ്പോൾ അതില്ലെന്നും ശ്രുതി ഹാസൻ വ്യക്തമാക്കി.