46 വര്‍ഷത്തെ സിനിമാ ജീവിതത്തിലെ ഏറ്റവും വലിയ ചിത്രം, സന്തോഷവും നന്ദിയും അറിയിച്ച് മമ്മൂട്ടി!!

കരിയറിലെ വലിയ ചിത്രം

വള്ളുവനാട്ടിലെ വീരന്മാരായ ചാവേറുകളുടെ ജീവിതം പറയുന്ന മാമാങ്കത്തിന്റെ ഭാഗമാകാന്‍ കഴിയുന്നതില്‍ വലിയ സന്തോഷമുണ്ട്. തന്റെ കരിയറിലെ ഏറ്റവും വലിയ ചിത്രമാണിത് എന്ന് മമ്മൂട്ടി പറയുന്നു.

തിരക്കഥ തയ്യാറാക്കിയത്

നവാഗതനായ സഞ്ജീവ് പിള്ളാണ് മാമാങ്കത്തിന് തിരക്കഥ എഴുതുന്നത്. പന്ത്രണ്ട് വര്‍ഷം ഈ സംഭവത്തെ കുറിച്ച് ഗവേഷണം നടത്തിയതിന് ശേഷമാണ് സഞ്ജീവ് മാമാങ്കത്തിന്റെ തിരക്കഥ പൂര്‍ത്തിയാക്കിയത്.

മാമാങ്കത്തിന് നന്ദി

പതിനേഴാം നൂറ്റാണ്ടിന്റെ പശ്ചാത്തലത്തിലാണ് മാമാങ്കം എന്ന ചിത്രമൊരുക്കുന്നത്. മാമാങ്കം എന്ന പേര് അനുവദിച്ചു തന്നതിന് നവോദയയ്ക്ക് നന്ദി പറയാനും മെഗാസ്റ്റാര്‍ മറന്നില്ല.

അണിയറയില്‍

കാവ്യ ഫിലിംസിന്റെ ബാനറില്‍ വേണു കുന്നമ്പള്ളിയാണ് ചിത്രം നിര്‍മിയ്ക്കുന്നത്. അന്താരാഷ്ട്ര തലത്തില്‍ പ്രശസ്തരായ താരങ്ങളും സാങ്കേതിക പ്രവര്‍ത്തകരുമാണ് ചിത്രത്തിലുള്ളത്. മാമാങ്കത്തെ കുറിച്ചുള്ള കൂടുതല്‍ വിവരങ്ങള്‍ പിന്നീട് പറയുന്നതായിരിയ്ക്കും എന്ന് പറഞ്ഞ്, ദീപാവലി ആശംസകളും നേര്‍ന്നാണ് മമ്മൂട്ടിയുടെ ഫേസ്ബുക്ക് പോസ്റ്റ്.

ഇപ്പോള്‍ അങ്കിളില്‍

ജോയ് മാത്യു തിരക്കഥ എഴുതിയ അങ്കിള്‍ എന്ന ചിത്രത്തിലാണ് മമ്മൂട്ടി ഇപ്പോള്‍ അഭിനയിച്ചുകൊണ്ടിരിയ്ക്കുന്നത്. നവാഗതനായ ഗിരീഷ് ദാമോദരനാണ് ചിത്രം സംവിധാനം ചെയ്യുന്നത്. ചിത്രീകരണം വയനാട്ടില്‍ പുരോഗമിച്ചുകൊണ്ടിരിയ്ക്കുകയാണ്.

റിലീസിന് തയ്യാറെടുക്കുന്നത്

ശ്യാംദത്ത് സംവിധാനം ചെയ്യുന്ന സ്ട്രീറ്റ് ലൈറ്റാണ് ഉടന്‍ റിലീസിനെത്തുന്ന മമ്മൂട്ടി ചിത്രം. തമിഴിലും മലയാളത്തിലുമായാണ് സ്ട്രീറ്റ്‌ലൈറ്റ് റിലീസ് ചെയ്യുന്നത്. ഷൂട്ടിങ് പൂര്‍ത്തിയാക്കിയ പേരന്‍പ് എന്ന തമിഴ് ചിത്രവും റിലീസ് ഘട്ടത്തിലാണ്. മാസ്റ്റര്‍പീസ് എന്ന ചിത്രം ക്രിസ്മസിന് തിയേറ്ററിലെത്തും