യാതൊരു പരിശീലനവും ലഭിക്കാതെയാണ് മമ്മൂട്ടി പുലിയുമായുള്ള സംഘട്ടനത്തിന് തയ്യാറായത്, സംവിധായകന്‍

പുലിമുരുകന്‍ വന്നപ്പോള്‍ മൃഗയ

പുലിമുരുകന്‍ എന്ന ചിത്രത്തെ കുറിച്ച് പറഞ്ഞ് കേള്‍ക്കുമ്പോള്‍ ഏതൊരു സിനിമാ പ്രേമിക്കും ഓര്‍മ്മ വരുന്നത് 1989ല്‍ പുറത്തിറങ്ങിയ മൃഗയയാണ്. മമ്മൂട്ടി കേന്ദ്ര കഥാപാത്രത്തെ അവതരിപ്പിച്ച് ഐവി ശശി സംവിധാനം ചെയ്ത ചിത്രം. വാറുണ്ണി എന്ന കഥാപാത്രത്തെയാണ് ചിത്രത്തില്‍ മമ്മൂട്ടി അവതരിപ്പിച്ചത്.

രചന

ലോഹിതദാസാണ് ചിത്രത്തിന്റെ രചന. ചിത്രത്തിന്റെ കഥ ലോഹിതദാസാണ് തന്നോട് കഥ പറഞ്ഞതെന്ന് ഐവി ശശി പറയുന്നു. ലോഹിക്ക് വാറുണ്ണിയെ പോലെ തന്നെ പരിചയമുള്ള ഒരു വേട്ടക്കാരനുണ്ടായിരുന്നു. അയാളുടെ കഥയില്‍ പ്രചോദമുള്‍ക്കൊണ്ടാണ് മൃഗയ ചെയ്തിരിക്കുന്നത്.

ചെന്നൈയില്‍ നിന്ന്

ചെന്നൈയില്‍ നിന്ന് ട്രെയിന്‍ ചെയ്തുകൊണ്ടു വന്ന പുലിയാണ്. എന്നാലും മൃഗമല്ലേ. സംഘടനരംഗത്തിന്റെ ഇടയ്ക്ക് അതൊന്ന് മമ്മൂട്ടിയെ കടിച്ചാല്‍ തീരുമായിരുന്നു എല്ലാം. ഐവി ശശി പറയുന്നു.

മമ്മൂട്ടി പുലിയെ കണ്ടത്

യാതൊരു മുന്‍പരിജയവുമില്ലാതെയണ് മമ്മൂട്ടി പുലിയുമായുള്ള സംഘട്ടനത്തിന് തയ്യാറായത്. ഷൂട്ടിങ് സെറ്റില്‍ വച്ചാണ് അദ്ദേഹം പുലിയെ കാണുന്നത് തന്നെ. പക്ഷേ പുലിയുടെ ഒരു ട്രെയിനറുണ്ട്. അയാള്‍ ഷൂട്ടിങിന് മുമ്പ് പുലിയുമായി സംഘട്ടനം നടത്തേണ്ടത് കാണിച്ചു കൊടുത്തു. അങ്ങനെ അതിസാഹസികമായാണ് മമ്മൂട്ടി അഭിനയിച്ചത്.