Click it and Unblock the Notifications
വിജയലക്ഷ്മിയും ജയപ്രദയും മോഹന്ലാല് ചിത്രത്തില്
വിജയലക്ഷ്മിയും ജയപ്രദയും മോഹന്ലാല് ചിത്രത്തില്
സപ്തംബര് 20, 2000
സിബിമലയില് സംവിധാനം ചെയ്യുന്ന മോഹന്ലാല് ചിത്രത്തില് തമിഴ് നടി വിജയലക്ഷ്മി നായികയാകുന്നു. പ്രശസ്ത തെലുങ്ക്-കന്നഡ നടി ജയപ്രദയും ചിത്രത്തില് പ്രധാന കഥാപാത്രത്തെ അവതരിപ്പിക്കുന്നുണ്ട്. വിശാല് കൃഷ്ണമൂര്ത്തി എന്ന സംഗീതജ്ഞനെയാണ് മോഹന്ലാല് ഈ ചിത്രത്തില് അവതരിപ്പിക്കുന്നത്.
ജഗദീഷ്, ജഗതി, ഒടുവില് ഉണ്ണിക്കൃഷ്ണന്, ജനാര്ദ്ദനന് എന്നിവരും ചിത്രത്തില് അഭിനയിക്കുന്നു. കോക്കേഴ്സ് ഫിലിംസിന്റെ ബാനറില് സിയാദ് കോക്കര് നിര്മ്മിക്കുന്ന ഈ ചിത്രത്തിന്റെ ഷൂട്ടിംഗ് കൊച്ചിയില് തുടങ്ങിക്കഴിഞ്ഞു. ചെന്നൈ, ഊട്ടി എന്നിവിടങ്ങളിലും ചിത്രീകരണം നടക്കും.
രഘുനാഥ് പലേരിയുടേതാണ് രചന. ഗിരീഷ് പുത്തഞ്ചേരിയുടെ ഗാനങ്ങള്ക്ക് വിദ്യാസാഗര് ഈണം നല്കുന്നു. ഛായാഗ്രഹണം സന്തോഷ്.
കോക്കേഴ്സ് ഫിലിംസും അനുപമയും ചേര്ന്ന് ചിത്രം ക്രിസ്മസിന് പ്രദര്ശനത്തിനെത്തിക്കും.
Continue with Google