എല്ലാം നശിപ്പിക്കാന്‍ എളുപ്പമാണ്, കെട്ടിപ്പടുക്കാനാണ് ബുദ്ധിമുട്ട്! പ്രതികരണവുമായി ജയസൂര്യ

ഇത് ആര് ചെയ്താലും വളരെ മോശമായ ഒരു പ്രവൃത്തിയായി പോയി. മതമോ ജാതിയോ ദൈവവിശ്വാസത്തിലോ ഉപരി നമ്മള്‍ ഒരുമിച്ചുനില്‍ക്കേണ്ട സമയമാണിത്. ലോകം മുഴുവന്‍ ഒരു മഹാമാരിയുടെ മുന്നില്‍ ഒന്നുമില്ലാതെ നില്‍ക്കുന്ന ഈ അവസരത്തില്‍പ്പോലും ഇങ്ങനെയൊക്കെ ചെയ്യാന്‍ കഴിയുമോ. ഞാനിതു ഏത് വിഭാഗക്കാര്‍ ചെയ്തു എന്നതിനെപറ്റി ചികയുന്നില്ല.

പക്ഷേ അത് പൊളിക്കാന്‍ തോന്നിയ മനോവികാരത്തെപറ്റിയാണ് പറയുന്നത്. വേണ്ടപ്പെട്ടവരില്‍ നിന്നും കൃത്യമായ അനുവാദം വാങ്ങിയാണ് സെറ്റിട്ടത്. സ്ഥലത്തിന് വാടക കൊടുത്തു അപ്രൂവല്‍ വാങ്ങി. ഷൂട്ടിംഗ് പകുതി കഴിഞ്ഞതുമാണ്. അത് പൊളിക്കാന്‍ ആരാണ് അനുവാദം കൊടുത്തത്.

'അവനെ കൊത്തിയ പാമ്പ് ഞാനാ'! ഞെട്ടിക്കുന്ന സാമ്യവുമായി മോഹന്‍ലാല്‍ കഥാപാത്രം

ലോകം മുഴുവന്‍ സാമ്പത്തിക പ്രതിസന്ധി അഭിമുഖീകരിക്കുന്ന ഈ സമയത്ത് തന്നെ നിര്‍മ്മാതാവ് ഒരുപാട് പണം മുടക്കി നിര്‍മ്മിച്ച സെറ്റ് യാതൊരു കാരണവുമില്ലാതെ വന്നു പൊളിച്ചിട്ടുപോവുക. ഇതെല്ലാം എങ്ങനെ ചെയ്യാന്‍ കഴിയുന്നു എന്ന് എനിക്ക് മനസിലാകുന്നില്ല. ആരും ആരെയും ദ്രോഹിക്കരുത്. ജീവിതം ഇത്രയേ ഉളളൂ എന്ന് തിരിച്ചറിഞ്ഞുകൊണ്ടിരിക്കുന്ന ഒരു സമയമാണിത്.

അമ്പലത്തിന്റെ മുമ്പിലായത് കൊണ്ട്, അത് തല്ലി തകര്‍ക്കപ്പെട്ടു: മാലാ പാര്‍വതി

കര്‍മ്മമാണ് ദൈവം എന്നാണ് ഞാന്‍ വിശ്വസിക്കുന്നത്. എല്ലാ മേഖലയും പ്രതിസന്ധിയിലാണ്. എത്ര ആളുകളുടെ എത്ര ദിവസത്തെ പരിശ്രമമാണ് ഇല്ലാതായത്. എല്ലാം നശിപ്പിക്കാന്‍ എളുപ്പമാണ്. കെട്ടിപ്പടുക്കാനാണ് ബുദ്ധിമുട്ട്. ഈ വാര്‍ത്ത കേട്ടപ്പോള്‍ എനിക്ക് വല്ലാത്ത പ്രയാസം തോന്നി. മിന്നല്‍ മുരളി അണിയറപ്രവര്‍ത്തകര്‍ക്ക് എന്റെ എല്ലാവിധ പിന്തുണയും. ജയസൂര്യ പറഞ്ഞു.

ഹാലിളകുന്ന വിഷജീവികളെ കണ്ടെത്തി പുറന്തള്ളണം! മിന്നല്‍ മുരളി സെറ്റ് തകര്‍ത്തവര്‍ക്കെതിരെ മിഥുന്‍