ഹോം

വാർത്ത

മലയാള സിനിമ മറ്റൊരു താരവിവാഹത്തിന് കൂടി സാക്ഷ്യം വഹിച്ചിരിക്കുകയാണ്. കഴിഞ്ഞ ദിവസമാണ് യുവതാരനിരയില്‍ പ്രധാനികളിലൊരാളായ ജോണ്‍ കൈപ്പള്ളിയുടെ വിവാഹം നടന്നത്. വിവാഹത്തിന്റെ ചിത്രങ്ങളും വീഡിയോയുമൊക്കെ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ്. വില്ലന്‍, സ്വഭാവ വേഷത്തിലൂടെയാണ് ഈ താരത്തെ പ്രേക്ഷകര്‍ ഓര്‍ത്തിരിക്കുന്നത്. ഫെഹ്‌സിബാ എലിസബത്തിനെയാണ് ജോണ്‍ കൈപ്പിള്ളി ജീവിതസഖിയാക്കിയത്. കോഴഞ്ചേരി സെന്റ് തോമസ് പള്ളിയില്‍ വെച്ചായിരുന്നു വിവാഹം.

അവര്‍ക്ക് ഒരുപാട് കുഞ്ഞുങ്ങളുണ്ടാവട്ടെ! മുന്‍ഭര്‍ത്താവിന്റെ വിവാഹത്തെക്കുറിച്ച് അമല പോള്‍ പറഞ്ഞത്???

പേര് പറഞ്ഞാല്‍ മനസ്സിലായില്ലെങ്കിലും ആ രൂപം കാണുമ്പോഴും അഭിനയിച്ച സിനിമകളെക്കുറിച്ച് പറഞ്ഞാലും എല്ലാവര്‍ക്കും ഈ താരത്തെ മനസ്സിലാവും. ആന്‍മരിയ കലിപ്പിലാണ്, മാസ്റ്റര്‍പീസ്, ആട് 2 ഫുക്രി തുടങ്ങിയ സിനിമകളില്‍ ഈ താരം അഭിനയിച്ചിട്ടുണ്ട്. ആന്‍മരിയ കലിപ്പിലാണ് എന്ന സിനിമ കണ്ടവരാരും ചിത്രത്തിലെ കായികാധ്യാപകനെ മറന്നിരിക്കാനിടയില്ല. ആന്‍മരിയയെ വിറപ്പിച്ച പിടി മാഷായെത്തിയത് ജോണായിരുന്നു. ഡേവിഡ് എന്നായിരുന്നു കഥാപാത്രത്തിന്റെ പേര്. മമ്മൂട്ടി ചിത്രമായ മധുരരാജയാണ് ഈ താരത്തിന്റേതായി തിയേറ്ററുകളിലേക്കെത്തിയ ഒടുവിലത്തെ സിനിമ.

മലയാളത്തില്‍ മാത്രമല്ല തമിഴിലും ജോണ്‍ അഭിനയിച്ചിട്ടുണ്ട്. .യെന്നെ അറിന്താല്‍ എന്ന ചിത്രത്തില്‍ ജോണും വേഷമിട്ടിരുന്നു. നവദമ്പതികളെ അനുഗ്രഹിക്കാനായി സിനിമാലോകത്ത് നിന്നും നിരവധി പേരാണ് എത്തിയത്. മിഥുന്‍ മാനുവല്‍ തോമസ് , സണ്ണി വെയ്ന്‍, അര്‍ജുന്‍ നന്ദകുമാര്‍, വിനയ് ഫോര്‍ട്ട്, സുധി കോപ്പ, പ്രശാന്ത് ഫിലിപ്പ് അലക്‌സാണ്ടര്‍ തുടങ്ങിയ താരങ്ങള്‍ വിവാഹത്തില്‍ പങ്കെടുത്തിരുന്നു.