മമ്മൂട്ടിയെ ദേഷ്യം പിടിപ്പിക്കരുത്, സെറ്റില്‍ സംവിധായകന്‍ ഭയക്കുന്ന ഒരേ ഒരു കാര്യം!

താപ്പാനയ്ക്ക് ശേഷം

താപ്പാന എന്ന ചിത്രത്തിന് ശേഷം മമ്മൂട്ടിയെ നായകനാക്കി ജോണി ആന്റണി സംവിധാനം ചെയ്യുന്ന ചിത്രമാണ് തോപ്പില്‍ ജോപ്പന്‍. ഒക്ടോബര്‍ ഏഴിന് ചിത്രം തിയേറ്ററുകളില്‍ പ്രദര്‍ശനത്തിനെത്തും.

പഴയ ആരാധനയും ആവേശവും

ചെറുപ്പത്തില്‍ മമ്മൂട്ടി ചിത്രം കാണുമ്പോഴുള്ള അതേ ആരാധനയോടും അതിശയത്തോടും കൂടിയാണ് ഇപ്പോഴും താന്‍ മമ്മൂട്ടിയെ സമീപിക്കുന്നതെന്ന് ജോണി ആന്റണി പറയുന്നു.

ദേഷ്യം വരും

സെറ്റില്‍ വച്ച് പെട്ടന്ന് മമ്മൂട്ടി ദേഷ്യപ്പെടും. പക്ഷേ എന്റെ സെറ്റുകളില്‍ അദ്ദേഹത്തെ ദേഷ്യം പിടിപ്പിക്കാതിരിക്കാന്‍ ഞാന്‍ പ്രത്യേകം ശ്രദ്ധിക്കാറുണ്ട്. അദ്ദേഹം മൂഡ്ഔട്ടായാല്‍ സെറ്റിനെ മുഴുവന്‍ ബാധിക്കും എന്ന് ജോണി ആന്റണി.

മമ്മൂക്ക നന്നായാല്‍ സിനിമയിലേക്കും

മമ്മൂക്ക എന്ന് പറയുന്നത് ഒരു മെറുക്കുറി ലൈറ്റ് പോലെയാണത്രേ. മമ്മൂക്ക മൂഡ്ഔട്ടായാല്‍ എല്ലാവരിലേക്കും ഇരുട്ട് പരക്കുന്നത് പോലെ തോന്നും. ജോപ്പന്‍ നന്നായാല്‍ അതിന് കാരണം മമ്മൂക്ക പ്രകാശം പരത്തിയ സിനിമ എന്നതിനാലാണ്. 'മമ്മൂക്ക നന്നായങ്കിലേ സിനിമ നന്നാകു എന്നാണ്'-ജോണി ആന്റണി.