ഹോം

വാർത്ത

മഞ്ജു വാര്യരുടെ തിരിച്ചുവരവ് ഒരുപാട് പേര്‍ക്ക് പ്രചോദനമായി. 14 വര്‍ഷത്തിന് ശേഷമുള്ള മഞ്ജുവിന്റെ തിരിച്ചുവരവ് മലാളികള്‍ 'ഹൗ ഓള്‍ഡ് ആര്‍ യു' എന്ന ചിത്രത്തിനൊപ്പം ആഘോഷിച്ചു.

ഇത് കണ്ട് കോളിവുഡിനും ബോളിവുഡിനും ഒരു കൊതി, വിവാഹ ശേഷം സിനിമയില്‍ നിന്ന് വിട്ടു നിന്ന തങ്ങളുടെ നടിമാരെയും തിരിച്ചുവിളിക്കണമെന്ന്. സിനിമ കണ്ട് സൂര്യ തന്റെ ഭാര്യ ജ്യോതികയെ മഞ്ജുവിന് പകരമായി തമിഴിലെത്തിക്കാന്‍ തീരുമാനിച്ചു.

ബോളിവുഡില്‍ മറ്റൊരു താര ദമ്പതികള്‍ കൂടെ മഞ്ജു വാര്യരില്‍ നിന്ന് പ്രചോദനം ഉള്‍ക്കൊള്ളുകയാണ്. മറ്റാരുമല്ല കാജോള്‍. ഹൗ ഓള്‍ഡ് ആര്‍ യു എന്ന ചിത്രം ബോളിവുജഡിലേക്ക് റീമേക്ക് ചെയ്യുന്നു. നിരുപമ രാജീവിന്റെ വേഷം കാജല്‍ ചെയ്യും.

2010 ല്‍ പുറത്തിറങ്ങിയ 'മൈ നെയിം ഈസ് ഖാന്‍' എന്ന ചിത്രത്തിലായിരുന്നു കാജോള്‍ അവസാനം പ്രത്യക്ഷപ്പെട്ടത്. പിന്നീട് നോര്‍വീജിയന്‍ ടിവി ത്രില്ലറായ പെനോസയെ ആസ്പദമാക്കിയുളള ചിത്രത്തിലൂടെ കാജോള്‍ തിരിച്ചെത്തുമെന്ന് കരുതിയെങ്കിലും ചില പ്രശ്‌നങ്ങള്‍ മൂലം അത് നടന്നില്ല. ഇപ്പോഴെന്തായാലും മഞ്ജു ഒരു നിമിത്തമായെന്ന് പറഞ്ഞാല്‍ മതിയല്ലോ.

പക്ഷെ മഞ്ജുവിനില്ലാത്തതും കാജലിനും ജ്യോതികയ്ക്കും ഉള്ളതുമായ മറ്റൊന്നുണ്ട്. ഭര്‍ത്താക്കന്മാരുടെ പിന്തുണ. ജ്യോയ്ക്ക് തിരിച്ചുവരണമെന്ന് റോഷന്‍ ആന്‍ഡ്രൂസിനോട് പറഞ്ഞതു തന്നെ സൂര്യയാണ്. അതുപോലെ കാജലിന് പൂര്‍ണ പിന്തുണയുമായി അജയ് ദേവ്ഗണുമുണ്ട്.

ഭാര്യയുടെ മടങ്ങിവരവിനു വേണ്ടി ചിത്രം റീമേക്ക് ചെയ്യാനുളള അവകാശം അജയ് സ്വന്തമാക്കുകയായിരുന്നുവെന്നാണ് റിപ്പോര്‍ട്ടുകള്‍. ചിത്രത്തില്‍ നായക വേഷത്തിലും അജയ് തന്നെയാണെത്തുക.