കലാഭവൻ മണിയുടെ പ്രതിമയിൽ നിന്ന് ചോര!! കയ്യിൽ നിന്ന് രക്തം ഒഴുകുന്നു, സത്യത്തിൽ സംഭവിച്ചത്...

കലാഭവൻ മണിയുടെ പ്രതിമ

കലാഭവൻ മണിയോടുളള ആദരവിന്റെ ഭാഗമായിട്ടായിരുന്നു ആ വലിയ പ്രതിമ ചലക്കുടിയിൽ സ്ഥാപിച്ചത്.വൻ വാർത്ത പ്രധാന്യം നേടിയിരുന്നു. കേരളത്തെ മുഴുവനും വെള്ളത്തിലാക്കിയ പ്രളയം കലാഭവൻ മണിയുടെ പ്രതിമയേയും വെളളത്തിലാഴ്ത്തിയിരുന്നു. എന്നാൽ ഇപ്പോൾ വീണ്ടും മണിയുടെ പ്രതിമ വാർത്തകളിൽ ഇടം പിടിക്കുകയാണ് പ്രതിമയുടെ കൈകളിൽ നിന്ന് ചോര പോലുളള ദ്രാവകം പുറത്തു വരുന്നു വെന്നുള്ള റിപ്പോർട്ടുകളാണ് പ്രചരിക്കുന്നത്. ഇതിന്റെ വീഡിയോയും ചിത്രങ്ങളുമൊക്കെ പുറത്തു വരുന്നുണ്ട്.

കൈകളൽ നിന്ന് ചോര

കലാഭവൻ മണിയുടെ പ്രതിമയുടെ കൈയുടെ ഭാഗത്ത് നിന്നാണ് ചോര പോലുളള ദ്രാവകം ഒഴുകിയതിന്റെ പാടുകൾ ഉണ്ടായിരിക്കുന്നത്. ഇതിനെ കുറിച്ച് പ്രതിമയുടെ ശിൽപി ഡാവഞ്ചി സുരേഷ് പുറയുന്നത് ഇങ്ങനെയാണ്. പ്രളയ സമയത്ത് പ്രതിമ വെള്ളത്തിൽ മുങ്ങി പോയിരുന്നു. ഒരു പക്ഷെ ആ സമയത്ത് പ്രതിമയ്ക്കുളളിൽ വെളളം കയറിയിട്ടുണ്ടാകും. ഫൈബർ കൊണ്ടാണ് മണഇ ചേട്ടന്റെ പ്രതിമ നിർമ്മിച്ചിരിക്കുന്നത്. സാധാരണ ഗതിയിൽ ഫൈബറിനുള്ളിൽ വെള്ളം കടന്നാൽ അത് പുറത്തു പോകില്ല. അത് അങ്ങനെ തന്നെ അവിടെ കിടക്കുകയും ചെയ്യുമെന്നും സുരേഷ് പറഞ്ഞു.

പ്രതിമയുടം കയ്യിനുളളിൽ ഉളളത്

പ്രതിമയുടെ കൈ നിർമ്മിക്കുമ്പോൾ താൻ അവിടെ ഒരു ഇരുമ്പ് കമ്പി സ്ഥാപിച്ചിരുന്നു. പ്രളയ സമയത്ത് പ്രതിമയിൽ വെള്ളം കയറിയപ്പോൾ കയ്യിൽ‌ സ്ഥാപിച്ചിരുന്ന ഇരുമ്പ് കമ്പി തുരുമ്പെടുത്തിരിക്കാം. ഇപ്പോൾ ചൂട് കൂടിയപ്പോൾ ആ തുരുമ്പ് വെള്ളം പുറത്തേയ്ക്ക് വന്നതാകുമെന്നും അദ്ദേഹം പറയുന്നു. ആരാധകർ ദയവ് ചെയ്ത് ഇതിനെ അന്ധ വിശ്വാസമായി കാണരുത്. മണിയുടെ പ്രതിമയുടെ കയ്യിൽ നിന്ന് ചുമന്ന നിറത്തിലുള്ള ദ്രാവകം പുറത്തു വന്നിരുന്നുവെന്നും എന്നാൽ ഇപ്പോൾ അതില്ലെന്ന് മണിയുടെ സഹോദരനും വ്യക്തമാക്കിയിരുന്നു.

നശിക്കാതെ മണിയുടെ പ്രതിമ

പ്രളയ സമയത്ത് മണിയുടെ വീട് നിന്ന ഭാഗത്ത് വെള്ളം കയറിയിരുന്നു. വീടും ഉൾപ്പെടെ വെള്ളത്തിനടിയിൽ ആയിരുന്നു. വീടിനോടൊപ്പം തന്നെ പ്രതിമയും വെളളത്തിനടയിൽപ്പെട്ടിരുന്നു. എന്നാൽ ആ പ്രതിമയ്ക്ക് കേട്പാടുകൾ സംഭവിച്ചിരുന്നില്ല. പ്രതിമയ്ക്ക് ചുറ്റിലുമുളഴ വസ്തുക്കൾ തകർന്ന് വീണെങ്കിലും മണിയുടെ പ്രതിമ അങ്ങനെ തന്നെ നിൽക്കുകയായിരുന്നു. ഇപ്പോഴും ആ പ്രതിമ കാണാനും ആദരമർപ്പിക്കാനും നിരവധി പേർ ചാലക്കുടിയിൽ എത്തുന്നുണ്ട്.