അച്ഛന്റെയും അമ്മയുടെയും പ്രണയം മാതൃകയാക്കി കാളിദാസും പ്രണയിച്ചു, പക്ഷെ സംഭവിച്ചത് ?

പ്രണയം ഉണ്ടായിരുന്നു

പ്രണയം ഉണ്ടായിട്ടുണ്ട് എന്ന് കാളിദാസ് വളരെ സത്യസന്ധമായി പറഞ്ഞു. എല്ലാ മനുഷ്യര്‍ക്കും തോന്നുന്നത് പോലെ എനിക്കും പ്രണയം തോന്നിയിട്ടുണ്ട്. സ്‌കൂളില്‍ പഠിക്കുമ്പോള്‍ ചിലരോടൊക്കെ തോന്നാറില്ലെ.. അതുപോലെ ചില പ്രണയങ്ങള്‍ ഉണ്ടായിട്ടുണ്ട്. പക്ഷെ അവര്‍ക്കും പ്രണയം തിരിച്ചു തോന്നണമല്ലോ..

സീരിയസ് പ്രണയം ഉണ്ടായിട്ടില്ലേ..

സീരിയസായി ഒരു പ്രണയത്തെ കുറിച്ച് ചിന്തിക്കുമ്പോഴേക്കും സിനിമയില്‍ എത്തി. ഇനി പ്രണയിക്കാന്‍ സമയമില്ലെന്നാണ് താരപുത്രന്‍ പറയുന്നത്. അച്ഛനെ പോലെ സിനിമയില്‍ ഒരു നടിയെ പ്രണയിച്ച് കല്യാണം കഴിച്ചൂടെ എന്നാണ് ആരാധകരുടെ ചോദ്യം.

സിനിമ വിട്ടാല്‍ പ്രണയം

സിനിമ വിട്ടാല്‍ കാളിദാസിന് ഏറ്റവും പ്രിയം കാറുകളോടാണത്രെ. സമയം കിട്ടുമ്പോഴൊക്കെ ഡ്രൈവിന് പോകും. കാറുകളെ കുറിച്ചുള്ള വിവരങ്ങളൊക്കെ വായിക്കാനും അറിയാനും താരത്തിന് വലിയ താത്പര്യമാണ്. മിമിക്രിയും കാളിദാസിന്റെ ഇഷ്ടങ്ങളിലൊന്ന് തന്നെ...

നായകനായി വരുന്നു

അച്ഛനെ പോലെ മകനും സിനിമയില്‍ ഒരു പങ്കാളിയെ കണ്ടെത്തുമോ എന്ന് കാത്തിരുന്ന് കാണാം. ഏതായാലും നായകനായി അഭിനയിക്കുന്ന ആദ്യ മലയാള സിനിമ റിലീസിന് തയ്യാറെടുക്കുകയാണ്. പൂമരം എന്ന് പേരിട്ടിരിയ്ക്കുന്ന ചിത്രം സംവിധാനം ചെയ്യുന്നത് എബ്രിഡ് ഷൈനാണ്.