പൂമരത്തിന്റെ റിലീസ് വൈകിയപ്പോള്‍ ടെന്‍ഷനുണ്ടായിരുന്നോ? കാളിദാസ് ജയറാമിന്റെ മറുപടി? കാണൂ!

റിലീസ് മാറ്റിയപ്പോള്‍

എബ്രിഡ് ഷൈന്‍ കാളിദാസ് ജാരം കൂട്ടുകെട്ടില്‍ പുറത്തിറങ്ങുന്ന പൂമരത്തിന്റെ റിലീസ് നേരത്തെ പ്രഖ്യാപിച്ചിരുന്നു. അവസാന നിമിഷമാണ് റിലീസ് മാറ്റിവെക്കുന്നുവെന്ന് അറിയിച്ചത്. ഇത്തരത്തിലുള്ള സംഭവങ്ങള്‍ തുടര്‍ന്നപ്പോഴാണ് ട്രോളര്‍മാര്‍ സിനിമയെ വിടാതെ പിന്തുടര്‍ന്നത്. ഒരിക്കലും പൂക്കാത്ത മരമായി പൂമരം അവശേഷിക്കുമോയെന്ന തരത്തില്‍ വരെ ട്രോളുകളുണ്ടായിരുന്നു. കാളിദാസും ഇത്തരത്തിലുള്ള ട്രോളുകള്‍ ഷെയര്‍ ചെയ്തിരുന്നു.

ടെന്‍ഷനുണ്ടായിരുന്നില്ല

നായകനായി അരങ്ങേരുന്ന ആദ്യ സിനിമ കരിയറില്‍ എന്നും ഓര്‍ത്തുവെക്കാന്‍ പറ്റുന്ന തരത്തിലായിരിക്കണമെന്ന് കരുതിയിരുന്നു. പൂമരത്തിലൂടെ അത് യാഥാര്‍ത്ഥ്യമാവുമെന്ന ഉറപ്പുമുണ്ടായിരുന്നു. അതിനാല്‍ത്തന്നെ റിലീസ് പ്രഖ്യാപിച്ച് അവസാന നിമിഷം മാറ്റിയപ്പോള്‍ തനിക്ക് ടെന്‍ഷനൊന്നുമുണ്ടായിരുന്നില്ലെന്നും താരപുത്രന്‍ വ്യക്തമാക്കുന്നു.

പാട്ടിന് ലഭിച്ച സ്വീകാര്യത

പൂമരത്തെക്കുറിച്ച് പ്രഖ്യാപിച്ചപ്പോള്‍ മുതല്‍ ആരാധകര്‍ ഈ സിനിമയ്ക്കായി കാത്തിരിക്കുകയായിരുന്നു. നീണ്ട കാത്തിരിപ്പിനൊടുവിലാണ് ചിത്രത്തിലെ ആദ്യ ഗാനമായ ഞാനും ഞാനുമെന്റാളും എത്തിയത്. യൂട്യൂബ് ടെന്‍ഡിങ്ങില്‍ ഏറെ മുന്നിലായിരുന്നു ഗാനത്തിന് മികച്ച സ്വീകാര്യതയാണ് ലഭിച്ചത്. എറണാകുളത്തെ മഹാരാജാസ് കോളേജില്‍ വെച്ചായിരുന്നു ഈ ഗാനം ചിത്രീകരിച്ചത്.

ജയറാം പറഞ്ഞത്

ടിവിയിലൂടെയും യൂട്യൂബിലൂടെയുമായി നിരവധി തവണ ഈ ഗാനം കണ്ടിരുന്നുവെങ്കിലും ബിഗ് സ്‌ക്രീനിലെത്തിയാല്‍ എങ്ങനെയുണ്ടാവുമെന്നറിയാനായാണ് അപ്പ കാത്തിരിക്കുന്നത്. ഈ ഗാനം ബിഗ് സ്‌ക്രീനില്‍ കാണുന്നതിന് മുന്നോടിയായുള്ള കാത്തിരിപ്പിലാണ് താനെന്നും അദ്ദേഹം വ്യക്തമാക്കിയിരുന്നു. അപ്പയെ പോലെ തന്നെ താനും ആ ഗാനം കാണാനായുള്ള കാത്തിരിപ്പിലാണെന്നും താരപുത്രന്‍ പറയുന്നു.