വെറും മൂന്നു വര്‍ഷം കൊടുക്കൂ,കേരളം ഉയര്‍ത്തെഴുന്നേല്‍ക്കുന്നത് കാണാം: വൈറലായി കമലിന്റെ വാക്കുകള്‍

കേരളത്തിനായി കമല്‍ഹാസന്‍

പ്രളയക്കെടുതിയില്‍ അകപ്പെട്ട സമയത്ത് കേരളത്തിന് സഹായ ഹസ്തവുമായി എത്തിയ താരമാണ് കമല്‍ഹാസന്‍. സൂര്യയ്ക്കും കാര്‍ത്തിയ്ക്കും പിന്നാലെയായിരുന്നു തമിഴകത്ത് നിന്നും കമല്‍ഹാസനും കേരളത്തിന് സഹായവുമായി എത്തിയിരുന്നത്. മുഖ്യമന്ത്രിയുടെ ദുരിതാശ്വാസ നിധിയിലേക്ക് 25 ലക്ഷം രൂപയായിരുന്നു കമല്‍ഹാസന്‍ സംഭാവനയായി നല്‍കിയിരുന്നത്. ഇതു കൂടാതെ തന്റെ ആരാധകരോടും മക്കള്‍ നീതി മയ്യം പ്രവര്‍ത്തകരോടും കേരളത്തെ സഹായിക്കാനും കമല്‍ ആഹ്വാനം ചെയ്തിരുന്നു. കമല്‍ഹാസനു പിന്നാലെയായിരുന്നു തമിഴകത്തുനിന്നും കൂടുതല്‍ സഹായങ്ങള്‍ കേരളത്തിന് ലഭിച്ചിരുന്നത്.

കമല്‍ പറഞ്ഞത്

അടുത്തിടെ തമിഴ്‌നാട്ടില്‍ നടന്ന ഒരു പരിപാടിയ്ക്കിടെ ആയിരുന്നു കമല്‍ഹാസന്‍ കേരളത്തെ പ്രശംസിച്ച് രംഗത്തെത്തിയിരുന്നത്. പരിപാടിയില്‍ നടന്‍ പാര്‍ത്ഥിപന്‍ കമല്‍ഹാസനോട് ചോദ്യങ്ങള്‍ ചോദിച്ചിരുന്നു. തമിഴ്‌നാട് മുഖ്യമന്ത്രിയായാല്‍ ജനങ്ങള്‍ക്കുവേണ്ടി എന്തുചെയ്യുമെന്നായിരുന്നു പാര്‍ത്ഥിപന്‍ കമലിനോട് ചോദിച്ചത്.

കൂട്ടായ പ്രവര്‍ത്തനമാണ് ആവശ്യം

ഇതിനു മറുപടിയായി ഒരു വ്യക്തി മാത്രം വിചാരിച്ചാല്‍ മാറ്റമുണ്ടാകില്ലെന്നും അതിനായി കൂട്ടായ പ്രവര്‍ത്തനമാണ് ആവശ്യമെന്നും കമല്‍ പറഞ്ഞു. കേരളത്തെ മുന്‍നിര്‍ത്തിയായിരുന്നു ഇക്കാര്യത്തില്‍ കമല്‍ഹാസന്‍ സംസാരിച്ചത്.

അവര്‍ ഒരുമിച്ചാണ് പ്രവര്‍ത്തിക്കുന്നത്

വെറും മൂന്ന് വര്‍ഷം കൊണ്ട് കേരളം ഉയിര്‍ത്തെഴുന്നേല്‍ക്കുന്നത് കാണാമെന്നായിരുന്നു പരിപാടിയില്‍ കമല്‍ പറഞ്ഞ്. അതിന് കാരണം ഒരു പിണറായി വിജയന്‍ മാത്രമല്ലെന്നും കമല്‍ പറഞ്ഞിരുന്നു. കേരളത്തിലെ ജനങ്ങള്‍, അവര്‍ ഒരുമിച്ചാണ് പുനര്‍നിര്‍മ്മാണത്തിനായി പ്രവര്‍ത്തിക്കുന്നത്. മികച്ചൊരു രാഷ്ട്രീയ നേതാവാണ് പിണറായി വിജയന്‍, എന്നാല്‍ കുറച്ചു നിയമം കൊണ്ടുവന്ന് ,കുറച്ച് ഉദ്യോഗസ്ഥരെ നിയമിച്ച് ചെയ്യാവുന്ന ഒരു വിഷയമല്ല ഇതെന്നും കമല്‍ പറഞ്ഞു.

വീഡിയോ കാണൂ

വീഡിയോ കാണൂ